2 Corintios 1:5 - La'aqtaqa Ñim Lo'onatac 'Enauacna 2013

⁵ Qomi' ỹataqta lta'araic da qanque'eenaxac shenaqta'am da nque'eenaxac So Cristo. Qalaxaye nataqa'en chegoqchigui Somaye, da Ñim Lo'onatac 'Enauacna qomi' ỹa'añaqche't.

Nuevo Testamento Toba Sur

⁵ Cha'ayi i'enaxatteguet da qomi' ñiuanaqhua'a na saq llalcolec nque'ejnaxaguesat so Cristo, qaq nachi 'en'am chigoqchigui somayi da qan'añaqchitaguec ÿataqta saq llalcolec.

Nuevo Testamento Toba Sombrero Negro

⁵ Qa'a naq'aeta da'me lachoĝodeco ca'li ñe'me Cristo qo'mi uetelo'te, qama'le qo'mi jouaqata'ñi' ñe'me queda'me 'uo ga'me qadachoĝodec, nach'e ena'am qo'mi uetelo'te da'me qo'mi qoloyaĝanate'tape 'me chiyaqayi ñe'me Cristo.

2 Corintios 1:5 Referans Kwoze

Colosenses 1:24

Qaq nagui aỹem ỹataqta samachiguiñi, cha'aye huo'o da ñeque'eenaxac souaxat da qoñiita. Cha'aye de'era nque'eenaxac da ỹalamaxat ỹo'ocỹaxac, damaye naigui da nalochiguiñi ñaqa'en na nque'eenaxacpi So Cristo souaxat 'enauac nam ỹa'amaqten Somaye.

Filipenses 3:10

Qaq ỹoqo'oye dam 'oonolec maye ỹataqta seyaqa'a, damaye sauotaique da ỹataqta sauattoota So Cristo, qataq da ñauane' da la'añaxac co'ollaq nca'aleeguesop da nleuaxa, yaqto' ñeuanaua'a da nque'eenaxac, qataq sevira'a da shena'am Somaye da l-leuaxa.

Filipenses 1:20

Aỹem huo'o da ñaquitaxac qataq ỹataqta lta'araic da iyaxa, da yaqto' saishet da sevireguet ca ỹa'aloxo, nacherata da ỹachegoxotchigui aỹem da ỹachaxan da la'amaqchec So Cristo, nagui da ñaq ñeca'altauec huo'otaq qom mashe seleu.

Filipenses 2:1

Aỹem saỹateeta da So Cristo qami' ỹanema da na'añaxac da yaqto' qaua'añaqchichi na qaraỹepi. De'era qarsoxoyiqui maye qami' hueto'oto, damaye qami' ỹauegalo da ishet da qaua'añaqchichi ca qarỹai, qataq saỹaten da 'enauac da qoñiita qami' hueto'oto So Saqcha'a Na'añaxac, ỹoqo'oye qami' choxonnataxanaxaiqa.

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Lucas 2:25

Qaq se'eso na'a'q hueta'a ye nỹecpi le'enaxat Jerusalén so ỹale le'enaxat Simeón. Somaye ỹataqta no'on da lataxac qataq ỹalaxaguet Ñim Lo'onatac 'Enauacna. Somaye iuattaique da Ñim Lo'onatac 'Enauacna nca'alaxatec na Israel le'ecpi. Qaq So Saqcha'a Na'añaxac Qui'itta, nache hueta'aguet somaye.

Romanos 8:17

Qaq nagui da mashe qomi' llalqa, nache nataqa'en qomi' taleguete 'enauac nam 'onaxaic maye iqataxaatapigui' Ñimaye da qomi' ỹanema. Qaq 'enauac ỹataqta ñeuanaqte' So Cristo, qaq da huo'otaq huo'o da qanque'eenaxac da shenaqta'am Somaye, nache nataqa'en ỹoqta 'eesa da ñeuanaqaua'a Somaye da llo'oxoyec maye ỹaconeguet qome.

2 Timoteo 3:11

qataq da ñecanaguec, qataq da ñeque'eenaxac. Qataq mashe 'auaỹateeta 'enauac nam qauem aỹem qaỹo'otec co'ollaq soota'a ye nỹecpi ye Antioquía, qataq ye Iconio, qataq ye Listra. Ñeque'etaxangui 'enauac na ñecanaguecsat, qalaxaye So Qarataxala' aỹem nca'alaxateeguesop 'enauac de'era.

1 Pedro 4:13

Nachaqrato' da ỹataqta qauamaichiguiñi da ishet da qanqui'ichiñi da qoñiỹa'am da nque'eenaxac co'ollaxa So Cristo, yaqto' nataqa'en huo'o da qantonaxaqui qom ñe'eguelaq Somaye da ỹachaxan da llo'oxoyec qataq da la'añaxac.