2 Corintios 1:4 - La'aqtaqa Ñim Lo'onatac 'Enauacna 2013

⁴ Da ivita da seviraxaguet da qarqalaic huo'otaq da qanque'eenaxac, nache Ñim Lo'onatac 'Enauacna qomi' itaua'n, da yaqto' ishet da nataqa'en setauanaq ca huetapoigui da nque'eenaxac huo'otaq ca ivireguet ca lqalaic.

Nuevo Testamento Toba Sur

⁴ Ñimayi qomi' i'añaqchi't da ivita da huo'o ca qanque'ejnaxac, yaqto' qomi' seshitaq da sa'añaqchitaq nataq'en ca huo'o ca nque'ejnaxac. Qaq de'eda qad'añaqtaxanaxac, nachida da l'añaqtaxanaxac ñi Dios.

Nuevo Testamento Toba Sombrero Negro

⁴ Nach'eñe qo'mi loyaĝanate't nale uo'oe ena'uaque qadachoĝodeco, qaedi qo'mi nach'e ena'am jaqanatetaq ta'le qaloyaĝanate'tape jogaa'me jo'ne 'uo da'me lachoĝode'j. 'Uo da'me qadoyaĝanataĝanaĝac qa'a ñe'me Dios qo'mi loyaĝanate'tape ca'li.

2 Corintios 1:4 Referans Kwoze

1 Ts 5:11

Ỹoqo'oye qantauñiỹa't, qataq ñi 'oonolec ỹa'añaqchet ca lỹa. Qaq de'era mashe qauo'ocheetac, nachera qoquiito'ot.

Isaías 51:12

«Qaq Aỹem, nachaỹem da 'am sami' da 'ara'añaxac. ¿Qaq negue't qone' ca 'añe'etega? ¿Nachena peta'a nam shiỹaxauapi? ¿Nam shiỹaxauapi maye huo'o ca loga't, 'eeta'am ana huoue?

Isaías 40:1

Ñim Lo'onatac 'Enauacna maye Qanatamnaxala'ai, 'eeta': «Qaua'añaqchichi, qaua'añaqchichi nam ỹalamaxat nhuo' le'ecpi,

Salmos 32:7

Qaq 'am nache 'am ỹe'eguenaxala', qataq aỹem 'ampaxattalec souaxat na lcheeguesat, qataq aỹem coleesop 'anqa'en da no'onaxanaxac maye naigui da aỹem huesochiguiñi.

Hebreos 12:12

Qaq na'aictaxa 'enauac de'era, qomi' saishet da saxanaxauec da qarpi'iỹaxac Ñim Lo'onatac 'Enauacna. Cha'aye da achaalataxac da 'eeta'am ca qomitaxac, nache naua qarhuaxayilli' qataq naua qarllectelli' da mashe qaica ca la'añaxa'c, qaq no'on qome da qana'añaxacheeta.

Juan 14:18

Aỹem saishet da qami' sala't; Aỹem ñe'eguelaq qome da yaqto' qami' soota'agueta.

Juan 14:16

Qaq Aỹem ñachoxonnot Ñim Ita'a, da yaqto' qami' namaxalo ca Saqcha'a Na'añaxac Qui'itta da qami' itaua'n, qataq nache 'eetai' da qami' hueta'agueta,

Isaías 12:1

Qaq que'eca na'a'q, nache 'am qonapec qome «'Am sanot da ña'achecỹaxac 'Am Nataxala', cha'aye na'aictaxa da aỹem 'aualemataỹa co'ollaxa, qalaxaye da 'aralemataic mashe vi'iiguet, nache aỹem 'avi'eguelaxatem da ilagaxayec.

Juan 14:26

Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Isaías 52:9

¡Qami' maye qarmaye na nlachiguiñi Jerusalén, ña qanmiỹasheguem da qauo'onaxañi souaxat da qantonaxaqui cha'aye Ñim Nataxala' huo'o da lchoxonnataxanaxa na lalamaxat nhuo' le'ecpi qataq nca'alaxatec na Jerusalén!

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

1 Ts 4:18

Qaq ỹoqo'oye ñi 'oonolec da qoñiita ỹa'añaqchetec ca lỹa de'era napaxaguenataxanaxac.

2 Corintios 7:13

Qaq de'era qomi' ỹo'oteque da samaqchiguiñi. So Tito ỹataqta machiguiñi cha'aye qami' qautauañi da yaqto' somaye queta da la'añaxac. Qaq damaye ỹactec da qantonaxac naqa'en.

Isaías 51:3

Aỹem sa'añaqchet qome ye Sión, yem huaqta'a't nỹecpi maye nlachiguiñi co'ollaxa. Yem toolec 'alhua maye deqaqta qalaq she'eguelaxata qome da no'on nanaxanaqa', 'eeta'am som lanaxanaqa' Ñim Nataxala' maye huaña ye Edén. Qaq yemaye qome huo'o da namaicỹaxac qataq da tonaxac, qataq hueta'a da no'onaxanaxac qataq da l-lamaxa ana nvique.

Salmos 86:17

Aỹem 'auachaxana qome ca la'anaxat da 'arauotaxanaqtaic, yaqto' da ỹauaachigui na ñepa'aguenaxauapi nache na'aloxon. Cha'aye 'Am Nataxala', aỹem 'aỹa'anem da 'artaunaxanaxac qataq aỹem 'aua'añaqchet.

Salmos 66:16

Qauanaqui qome 'enauac da qoñiita, nam huo'o naq 'enec naqa'en Ñim Lo'onatac 'Enauacna, qana'axaỹaxañiichigui da qami' sa'axatema da aỹem ỹo'otec Ñimaye.

Isaías 49:10

Qaq huaña qome nache qaica ca qarqouaqai qataq saishet da qaviñiitaique ca qaraquipi, qataq saishet da qami' sa ỹalemaxa't na le'eraxa añi nala', qataq na napaxaỹaxa, cha'aye aỹem qami' sauoteque, nache qami' sauecta'agueta, qataq qami' sauegalo ca huaña na npaxaatasheguem 'etaxat.

Filipenses 1:14

Qaq co'ollaq qaỹaỹaten da aỹem qaicoñettai', nache qalota na qarqaỹañicpi da na'añaxat da ỹa'axat da la'aqtac Ñim Lo'onatac 'Enauacna, qataq saishet da huo'o ca ñe'etaique, nacherata da ỹauo'o da naquitaxac So Qarataxala'.

2 Corintios 7:4

Qaq ỹataqta qalota da ñaquitaxac qataq ña'amaqteetai' souaxat da qoñiita. Qataq ỹataqta samachiguiñi, na'aictaxa da qalota na seviraxaguet lqalaicpi qalaq aỹem ñanomteguet da ỹa'añaxac qataq aỹem nlaqchigui da ñetonaxac.