1 Ts 2:12 - La'aqtaqa Ñim Lo'onatac 'Enauacna 2013

¹² Nataqa'en she'eguelaxataqtalec da qami' shenaqtegalo da ỹataqta qoquiitelec da lataxac nam quetague' Ñim Lo'onatac 'Enauacna, nam iỹaxanapi Ñimaye da yaqto' nhuanaua'a da lo'onataxanaxac qataq da la'añaxac.

Nuevo Testamento Toba Sur

¹² Qataq saqataqtapeguelec 'enauac da qoñiita da ÿataqta qoquiitelec da lataxac ca shiÿaxaua da quetague' ñi Dios mayi qami' iÿaxanalo da qoviito'ot naq'en da l'onataxanaxac da ilo'ogue 'enauacna qataq da lli'oxoyic.

Nuevo Testamento Toba Sombrero Negro

¹² Qama'le ga'me qadet'ayaĝac 'noota ta'le yataqata ami ejoda auauoyi ga'me yataqata qoyiyamaĝaden ga'me yataqata Dios lec'oqo'te joga, jo'ne nach'egaua male yaqanate't da'me uedaue ga'me lejaliaqa' jo'ne yataqata ja 'nalegue nataq'aen da'me qaya'te loiquiaqa' da'me qo'nonaĝachigui.

1 Ts 2:12 Referans Kwoze

Efesios 4:1

Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.

1 Juan 2:6

Qataq ca 'eetega da nauochaxaua Ñim Lo'onatac 'Enauacna, nache camaye iuen da nateeteguet da lataxac co'ollaxa So Jesús.

1 Ts 4:12

yaqto' na saxanaxa da da'amqaanataxan 'onaxaic naqa'en da qana'aqtaguiqui, qataq yaqto' saishet da saqca ca lhuenec ñi 'oonolec da qoñiita.

1 Pedro 5:10

Qalaxaye qom ime da qami' cara'ac da huo'o da qanque'eenaxaqui, nache Ñim Lo'onatac 'Enauacna qami' ỹe'eguelaxatalo da qaica camachaqca da qoñiita. Qaq ỹoqo'oye qami' saishet da qaỹa'axañiiuec da qarpi'iỹaxaqui Ñimaye; qaq Ñimaye qami' ỹanema da qara'añaxaqui da yaqto' saishet da qauqalvi qataq qami' ỹo'oteque da nache 'eetai' da huo'o da qarpi'iỹaxaqui. Qataq qantooñita'ac da Ñim Lo'onatac 'Enauacna maiche qomi' lca'agui'she, chegoqchigui naqa'en So Jesucristo da yaqto' ña'araxaua'a da qaica ca 'ena'am llo'oxoyec lo'onataxanaxac.

1 Ts 5:24

Ñimaye qami' lca'agui'she da yaqto' qami' ỹalecnaxanoiguilo na lalamaxatpi. Qaq Ñimaye ỹo'ot 'enauac de'era cha'aye, nache 'eetai' naxa da ipaqueelec cam ỹachaxanapec.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Efesios 5:8

Cha'aye da sa qaỹauatton Ñim Lo'onatac 'Enauacna, nache damaye 'eeta'am da qanayeetaigui na napalaxa. Qami' co'ollaxa qoviitaigui na 'eco' napalaxa, cha'aye saishet da qauauattoñi Ñim Lo'onatac 'Enauacna. Qalaxaye nagui qami' mashe qauauattoñi Ñimaye, nache qoviitaigui na yo'oqchiguiñi. Qaq ỹoqo'oye qami' ỹataqta qaupaquiichigui qome da lataxac cam ỹataqta ỹauattoota Ñimaye,

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

1 Ts 4:1

Qaq ỹoqo'oye nagui qami' qarqaỹa't maye qoquiitague' So Cristo, qami' sapaxaguenaqtegueeque da qoquiitegue da ỹataqta ỹaỹamaxareeta Ñim Lo'onatac 'Enauacna. Qaq damaye mashe qauo'ocheetac. Qaq nagui qami' ñachoxonnaqtoiguilo qataq qami' sa'añaqchetaxaque da le'enaxat So Qarataxala' Jesús da qanquigaxachiitauec qome da qara'añaxaqui.

Colosenses 2:6

Qami' mashe qauasacheeguet So Jesucristo da ỹauo'oi qami' lalamaqa'ate qataq nacheso So Qarataxala'ai. Qaq ỹoqo'oye qanpogoxoiñiỹapegue' da qami' ỹaỹamaxareete' Somaye.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Gálatas 5:16

Qaq ỹoqo'oye qami' shenapegalo: Qaualaqaiguet So Saqcha'a La'añaxac Ñim Lo'onatac 'Enauacna, yaqto' saishet da qauyaqỹa'a da qauo'oche ca qauem.

1 Corintios 1:9

Ñim Lo'onatac 'Enauacna ỹataqta ipacteleguete naua ỹa'n la'aqtaqa, Ñimaye nacheñi ñi qami' iỹaxanalo da qanhuañiỹaua'a da nachaalataxac So Llalec Jesucristo maye Qarataxala'.

Filipenses 1:27

Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

2 Timoteo 1:9

Ñim Lo'onatac 'Enauacna qomi' nca'alaxatre'c, qataq qomi' iỹaxanalo da yaqto' sanaqot da qanachaalataxac. Qaq de'era qomi' ỹo'oteque, damaye nache 'eetai' da lhuennataxa. Saishet da huo'otaq choche nqopita'a ca qarataxac no'on, maye souaxat da qomi' ỹauoteque, cha'aye mashe ña'araqtaua'a So Cristo Jesús. Qataq nache 'eetai' da qomi' ỹauoteque co'ollaq saxanaqaca ana 'alhua.

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Romanos 8:30

Qaq Ñimaye nam mashe lca'aguishecpi, nache nataqa'en iỹaxana; qaq nam iỹaxanapi, nache nataqa'en ỹapalaxat na lasouaxashetpi; qaq nam ỹaconeguet, nache nhuanaua'a naqa'en da maiche llo'oxoyec.

Génesis 5:22

Qaq so Enoc, qalaq ỹataqta queteleguete co'ollaxa naua 'eetapegueeque Ñim Lo'onatac 'Enauacna. Qaq co'ollaq ime da ñiguiñi so llalec Matusalén, nache somaye qaltaq queuoiguilo soua trescientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

2 Ts 1:10

'Ena nam huo'o qom ñe'eguelaq So Qarataxala' Jesucristo ñe'eguelaxa nam lalamaxatpi, yaqto' namayepi ỹo'oxoren qataq huo'o da la'aalaxa. Qaq qami' nache qaraỹepi ne'ena shiỹaxauapi, cha'aye qaua'amaqchiñi da na'aqtaxanaxac maye qami' sanaxama.

2 Pedro 1:3

Ñim Lo'onatac 'Enauacna do'ogoxona da la'añaxac da yaqto' qomi' ỹanema 'enauac nam seuenaqtaique, qataq yaqto' ñachaataqtaigui dam ỹataqta 'eetapeguec. Nataqa'en Ñimaye qomi' ỹanema 'enauac de'era co'ollaq qomi' ỹauattonaxanaxaneque So Jesucristo. Qataq chegoqchigui Somaye da qomi' lca'agui'she da yaqto' ñeuanaqaua'a da llo'oxoyec da lo'onataxanaxac.

3 Juan 1:6

Cha'aye namayepi da'aqtaxaatapeguem 'enauac na 'amqaanataxanaxaicpi da lta'araic 'arauotaxanaqtaic. Qaq ỹoqo'oye aỹem 'anqouaguec qome da 'autaunec 'enauac namayepi ca iueetaique da yaqto' nache queto'ot da llecỹaxac. Qalaxaye ca 'artaunaxanaxac ỹataqta ỹaỹamaxareeta 'anqa'en Ñim Lo'onatac 'Enauacna.

2 Crónicas 17:4

nacherata da natamnot Ñim Natamnaxala' so lta'a, qataq ỹalaxalec nam lamaxasoxonaxacpi Ñim Lo'onatac 'Enauacna, nache saishet da quegue nam ỹo'ottacpi so Israel le'ecpi.