1 Samuel 9:9 - La'aqtaqa Ñim Lo'onatac 'Enauacna 2013

⁹ Qaq cha'aye co'olloxocheye yi'iye Israel, da huo'o naxa nam nshetaique da ichemaxata Ñim Lo'onatac 'Enauacna, nache 'enapec naxa: «Ñeqo'onaxaua'a ñim huo'oi naua l-loxoco», cha'aye nache 'eetec co'ollaxa da qaitaxaỹa nam nagui «na'aqtaxanaxanec».

Toba del Oeste

⁹ (Joca'li da'me dojo', gaa'me Israel laje'pi nale jetaque 'uo ga'me dojapegue' ñe'me Jaliaĝanec, eetac: «Jajoĝogue ga'me uanaĝanaĝaic», qa'a joga'me nayi qoyen lenaĝat «Dios 'laqatanaĝanaĝanec», ca'li nach'eda da'me qoyen «uanaĝanaĝaic».)

1 Samuel 9:9 Referans Kwoze

Isaías 30:10

Nam huo'oi naua l-loxoco qalaq 'enapega naxa, 'eeta': «Saishet da qomi' qaua'aqtaxañima ca qal-loxoqui», qataq 'enapega naxa na na'aqtaxanaxanecpi, 'eeta': «Saishet da qomi' qaua'aqtaxañima cam qarauanaqchiqui maye 'eesa; nacherata da qomi' qaua'aqtaxañima naua huesotte' na'aqtaqa maye ỹo'ot da qanaquitaxac.

Amós 7:12

Huaña, nache so Amasías, 'enapega so Amós, 'eeta': ¡'Am na'aqtaxanaxanec, qoca'ai qome ne'ena! ¡Da 'anshetaique da 'auque'etapigui da 'ara'aqtaxanaxac, nache 'anqo'ona ye 'alhua Judá!

1 Crónicas 29:29

Qaq da na'aqtaguec so nta'a David, nache chegoqchiguiña co'ollaq ñaq cheta'ague da do'onataxan, nache ivitta'a so pa'atec lo'onataxanaxac, da nache nanettalec aso nere maye huetalec da na'aqtaguec so na'aqtaxanaxanec Samuel, qataq so na'aqtaxanaxanec Natán, qataq som huo'oi naua l-loxoco le'enaxat Gad,

1 Crónicas 26:28

Qaq nataqa'en huetaigui asomaye som ỹaneuopi co'ollaxa so Samuel, maye huo'oi na l-loxoco, qataq so Saúl, som llalec so Cis, Abner, som llalec so Ner, qataq so Joab, maye llalec aso Seruyá. Qaq 'enauac se'eso qoỹaneuopi co'ollaxa, nache ilotague' so Selomit qataq soua lqaỹa't.

2 Reyes 17:13

Qataq Ñim Nataxala', mashe ime co'ollaxa da 'enapega so Israel le'ecpi, qataq so Judá le'ecpi, ỹachegoxotchigui so la'aqtaxanaxanecpi qataq som huo'oi naua l-loxoco, co'ollaq 'eeta': «Qoquiỹa'ai qome na qauem maye qauo'ocheetac, nache qaupaquiichiguilo naua ỹamaxasoxonaxaco, iqataxaco, qataq naua ỹapaxaguenataxanaxaco, maye samaxalec co'ollaxa so hua'au qarta'ailpi, maye sachegoxotchigui co'ollaxa som ỹa'aqtaxanaxanecpi maye ỹamaxashecpi.»

2 Samuel 24:11

Qaq so lỹa na'a'q co'ollaq ñisheguem so David, nache Ñim Nataxala' ỹanem da la'aqtac so na'aqtaxanaxanec Gad, maye ltaua so David, 'eeta':

Isaías 29:10

Cha'aye Ñim Nataxala' qami' taleguete naqa'en ca sansatta no'ochaxa. Qataq ỹapoguilo naua la'ai'te na na'aqtaxanaxanecpi, qataq ỹauo'o ca lapoxot na lqaic nam huo'oi naua l-loxoco.

Génesis 25:22

Qalaxaye soua llalqa, deloctega't co'ollaq ñaq huetraigui na lauel aso late'e'. Nache asomaye 'enapeco': «Da nache 'eeta'ac de'era, ¡qaq shaco' da nache queta da ñeca'altauec!» Qaq huaña, nache jec da inat Ñim Nataxala',

2 Crónicas 16:10

Huaña nache so Asa, ỹataqta dalemataỹa so na'aqtaxanaxanec, nache damaxasoxoolec da qoỹanaigui aso ncoñetaxanaxaqui. Nataqa'en nache huetoiguilo se'esoua na'axa'te da so Asa, huo'o so ỹataqta sa iyacnapecpi se'eso nhuo' le'ecpi.

2 Crónicas 16:7

Qaq nache huetoiguilo se'esoua na'axa'te da so na'aqtaxanaxanec Jananí, nqo'ona co'ollaxa so Asa, maye nta'a ye Judá, nache 'enapega 'eeta': «Qaq cha'aye 'auapagaqnauec da 'aupe'etega ñi nta'a ye Siria, qaq saishet da 'aupi'iỹa'a Ñim Nataxala' maye 'Anatamnaxala', ỹoqo'oye saishet qome da 'oxonec na nalleppi ñi nta'a ye Siria.

1 Crónicas 9:22

Qaq ye lcata so lasom lo'opi maye nca'aguishecpi, nache ivi' doscientos doce, maye qaỹachegoxotalec asom le'enaxat lmalatepi som chegoxoguetpi somayepi, maye so David qataq so Samuel maye huo'oi naua l-loxoco, lapaxañi co'ollaxa da lataxac da lo'onataxanaxac somayepi.

Jueces 1:1

Qaq co'ollaq mashe ileu so Josué, nache so Israel le'ecpi inat co'ollaxa Ñim Nataxala', da chaq negue't ca hua'auñi se'eso maiche nalamaxat nhuo' le'ecpi da iloquiaxan so Canaán le'ecpi.

1 Samuel 9:10

Nache so Saúl, 'enapeco': Qolaq ñeqo'onaxaua'a camaxa. Nache soomaye nqo'ooreua'a som huaqta'a't nỹecpi maye netaña co'ollaxa se'eso la'aqtaxanaxanec Ñim Lo'onatac 'Enauacna.

1 Crónicas 21:9

Huaña, nache Ñim Nataxala' 'enapega so Gad, som lamaxashec so David maye huo'oi naua l-loxoco, 'eeta':

Jueces 18:5

Nache soomaye 'enapegalo somaye, 'eeta': Ña 'aunat qome Ñim Lo'onatac 'Enauacna, cha'aye sauoqtaique da saỹatenaq da 'onaxaic da qoyecỹaxac.

1 Corintios 12:17

Cha'aye da qaro'ocỹaxac da 'enauac da 'eeta'am aca na'aite, nache saishet da sa'axasoq, cha'aye qaca aca qartela. Qaq da 'enauac da no'ocỹaxac da 'eeta'am aca ntela, nache saishet da setaxanaq cha'aye qaica ca qarmic.