1 Samuel 9:4 - La'aqtaqa Ñim Lo'onatac 'Enauacna 2013

⁴ Nache so Saúl qataq so lamaxashec je'c, ỹa'axasoxoorelec aye qasoxonaxapi ye Efraín, qataq taỹalec yem 'alhua Salisa, qalaxaye saishet da ỹanata aso 'ashenapi. Qataq nataqa'en taaleco' ye 'alhua Sagalin qataq yem na'alhua so Benjamín, qalaxaye ñaqaiyeta saishet da ỹanata.

Toba del Oeste

⁴ Ec ñe'me Saúl, dajoyi ga'me 'lachaqa't gaa'me qajoĝona'a jo'ne 'naleua di'me Efraín, nataq'aen talegue ga'me 'naleua di'me Salisá, qalaĝaja ja yauanalo gaa'me ajenadi. Nataq'aen dajoyi di'me Saalim choqodi'me 'naleua di'me Benjamín, qalaĝaja nach'e ena'am ja yauanalo.

1 Samuel 9:4 Referans Kwoze

2 Reyes 4:42

Qaq co'ollaq ime, nache nvi' so ỹale maye lma' ye Baal Salisá, ndotaua'a so Eliseo aso veinte nauolepi maye cheta'ague da dato, qataq so trigo maye cheta'ague da qanqat. Nache so Eliseo ỹamaq so lamaxashec, 'eeta': Ñaq 'aỹa'anoigui na shiỹaxauapi da yaqto' chec.

Josué 24:33

Qaq co'ollaq ileu so Eleazar, som llalec so Aarón, nache qailareña aso lcomaraxalate maye lalamaqte so llalec Finés, maye qoỹanem co'ollaq huaña aye qasoxonaxapi ye Efraín.

Juan 3:23

So Juan nataqa'en dachelaxanataxaatac, hueta'a ye Enón yem saqaỹapeque ye Salín, cha'aye ỹataqta qalota na 'etaxat. Nache na shiỹaxauapi nqo'ona so Juan, da yaqto' somaye nachelaxan namayepi.

Jueces 19:1

Qaq se'eso na'a'q co'ollaq saxanaxa da huo'o ca nta'a ye Israel, nache huo'o so leviita maye netaña co'ollaxa ye ỹataqta qaỹoqta 'alhua maye huaña ana qasoxonaxapi ye Efraín, nache somaye ỹauo'o lhua lỹa aso 'alo lma' ye Belén maye huaigui ye 'alhua Judá.

Jueces 17:1

Qaq ye 'alhua maye huaña aso qasoxonaxapi ye Efraín, nache netaña co'ollaxa so ỹale le'enaxat Micaía.

Génesis 33:18

Qaq so Jacob, co'ollaq chegaqa'a ye Padán Aram, nache co'ollaq ivita ye Canaán qalaq no'oitom, qataq qaica camachaqca da nachaalataxac, nache nalec yem datatta ye huaqta'a't nỹecpi le'enaxat Siquén.

Josué 19:42

Sagalbín, Ayalón, Jetla,

1 Samuel 9:3

Qaq huo'o so na'a'q, nache so Cis daqat aso lalopi 'ashenapi. Nache 'enapego' so llalec Saúl, 'eeta': 'Anaỹamaxat qome, nache 'anmitaique aca 'ashenapi. Qaq 'auauo'o ca 'auauec na qaramaxashecpi.

1 Samuel 1:1

Qaq se'eso nma' maye huaigui aye qasoxonaxapi ye Efraín, le'enaxat Ramá, nache netaña co'ollaxa so ỹale maye chegoxoguet so llalaqpi so Suf, qaq somaye le'enaxat Elcana. Somaye nache llalec so Jeroán qataq laual so Eliú. So lỹa lapi' co'ollaxa le'enaxat Tohu, som llalec so Suf, maye chegoxoguet som llalaqpi so Efraín.