1 Samuel 9:2 - La'aqtaqa Ñim Lo'onatac 'Enauacna 2013

² qaq huo'o co'ollaxa so llalec, nsoq maye ỹataqta nalochiguiñi da lataxac, le'enaxat Saúl. Qaq somaye ỹataqta qaica ca 'ena'am da lyacỹaxac, napacalec 'enauac so Israel le'ecpi, qataq qaica ca ivi' ye lalogaxa.

Toba del Oeste

² Quis 'uo ñe'me nejoqolec c'oĝot jo'ne yataqachiñe onaĝaic da'me 'loyaĝac, nach'eñe lenaĝat Saúl. Qaya'te laqaya ta'le ena'am gaa'me Israel laje'pi da'me yataqachiñe onaĝaic da'me 'loyaĝac joñe'me. Qa'a da'me 'loyaĝac jo'ne loguedaic qaya'te ta'le napacalegue.

1 Samuel 9:2 Referans Kwoze

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Números 13:33

Qataq seloqta'a nataqa'en yem logoraicpi maye chegoxoguet so Anac. Nache da ñaloqnaxaguet da qarataxac yemayepi, nache ỹataqta qomi' qapio'olqa, shenaqta'am ana shiiquioxoi, qaq 'era da 'eetec da qomi' ilota'alo yemayepi.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

1 Samuel 17:4

Qaq huaña nache chegoqtoigui so alleppi filisteopi so 'oonolec alaataxaic, qaq somaye ivi' tres metros ye lalogaxa. Somaye le'enaxat da Goliat, qataq lma' ye Gat.

1 Samuel 9:3

Qaq huo'o so na'a'q, nache so Cis daqat aso lalopi 'ashenapi. Nache 'enapego' so llalec Saúl, 'eeta': 'Anaỹamaxat qome, nache 'anmitaique aca 'ashenapi. Qaq 'auauo'o ca 'auauec na qaramaxashecpi.

1 Samuel 10:21

Ime, nache 'enapega da nquigueuo som lauo' le'ecpi so Benjamín, nache ñi 'oonolec somayepi ỹataqtac so maiche llalaqpi, nache so alletaxac taalec so llalaqpi so Matri, nache somayepi taalec da qaiỹaxana so Saúl, som llalec so Cis. Qalaxaye co'ollaq qanmitaique somaye nache sa qaỹanata,

1 Crónicas 8:33

Qaq so Ner, nacheso so lta'a so Cis, qaq so Cis, nacheso so lta'a so Saúl, qaq so Saúl nacheso so lta'a so Jonatán, Malquisúa, Abinadab qataq so Esbaal.