1 Samuel 8:9 - La'aqtaqa Ñim Lo'onatac 'Enauacna 2013

⁹ Qaq ỹoqo'oye 'am, no'on qome da 'auo'ot ca iỹaxanaique namayepi, qalaxaye ỹataqta 'aua'aqtaxaatem nam lhueneguesat, qataq na ỹo'otpi ca nta'a qom ilo'ogue namayepi.»

Toba del Oeste

⁹ Chane'eja aua'uo ga'me lejaliaĝane'j jo'ne yiyaĝatedaque. Qalaĝaja yataqata auayatenaĝanaĝaneque ga'me ya'uo qomle ga'me jaliaĝanec.»

1 Samuel 8:9 Referans Kwoze

1 Samuel 10:25

Nache so Samuel ỹataqta da'aqtaxaatem so shiỹaxauapi nam lataxacpi de'era lo'onataxanaxac ca nta'a, nache ỹerelec aso nere, ime qaq ỹaỹamaxat asomaye, ỹachaigui aso atamnaxaqui maye lalamaqte Ñim Nataxala'. Qaq co'ollaq ime de'era, nache so Samuel 'enapega 'enauac somayepi da ỹe'eguelaxalo naua lma'ate.

Ezequiel 46:18

Ca nta'a saishet qome da ỹe'egueeta'a da ỹacona ca 'alhua maye lalamaxat na nhuo' le'ecpi. Qaq cam 'alhua maye ỹanec da lalamaxat naqa'en ca llalaqpi, qalaq iuen da ỹanec ca laỹe cam maiche lalamaxat na'alhua. Qaq 'era da 'eetec qome da yaqto' na ỹalamaxat nhuo' le'ecpi saishet da saqca ca na'alhua, qataq saishet da nlagaxattac.»

Ezequiel 3:18

Qaq da huo'otaq aỹem sa'aqtaxanem cam qauemaic da camaye taỹa'aguet da l-leuaxa, qaq 'am da saishet da 'aua'aqtaxanem que'eca qauemaic, qataq da sa qonapega da ỹaxanec da qauem lataxac da yaqto' nache nca'altauec, nache camaye ileu souaxat ca lasouaxashet, qalaxaye 'am 'aupa'aiguet da 'arasouaxashet da l-leuaxa camaye.

1 Samuel 14:52

Da nalaataxac so Saúl co'ollaq deloctague' so filisteopi ỹataqta lta'araic qataq qaỹoqtec, iviraxattrec soua vi'iye co'ollaq ña nta'a somaye. Ỹoqo'oye so Saúl da huo'o ñi ila'a nsoq da 'añaxaic, qataq sansatta nache ỹacona da ỹalecnoigui so nalleppi.

1 Samuel 2:13

ivira'a da lo'onataxanaxac na ntaxaỹaxanaxanecpi da yaqto' huapegue' cam 'eetapeguec na shiỹaxauapi. Cha'aye naxa da huo'o na ỹaneuo ana lachetaqtaxanaqte, nache anac ñi 'oonolec na lamaxashecpi soomaye lasoqta'a na la'araxanaxat, qaq naxa da ña qoỹaatapegueuaq na lapat,

1 Samuel 8:8

Cha'aye de'era 'am ỹo'otec namayepi nachera da 'eetec da aỹem ỹo'otec, chegoqchiguiña so na'a'q co'ollaq ñeqateeguesop ye Egipto, nache ivitta'a nagui da mashe qalota da aỹem ỹo'otan, cha'aye namayepi aỹem ca'ai, da yaqto' natamnot na ỹaqa'a atamnaxala'pi.

1 Samuel 12:1

Huaña nache so Samuel 'enapega 'enauac so Israel le'ecpi, 'eeta': Qami' qauauañiichigui da aỹem so'ot 'enauac nam qauỹaxañiỹaique, qataq sauo'o ñi qarta'ai.

Jeremías 11:7

Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.