1 Samuel 8:8 - La'aqtaqa Ñim Lo'onatac 'Enauacna 2013

⁸ Cha'aye de'era 'am ỹo'otec namayepi nachera da 'eetec da aỹem ỹo'otec, chegoqchiguiña so na'a'q co'ollaq ñeqateeguesop ye Egipto, nache ivitta'a nagui da mashe qalota da aỹem ỹo'otan, cha'aye namayepi aỹem ca'ai, da yaqto' natamnot na ỹaqa'a atamnaxala'pi.

Toba del Oeste

⁸ Chiyoĝoguet jo'me nolo' ca'li ñaqatedegue di'me Egipto, chayovida'a nayi, da'me jayem etede'ec, jouaĝat da'me jayem yaĝadiñe, e'n gaa'me qop'iyapegalo yate'm nale ga'me lemaĝa'j.

1 Samuel 8:8 Referans Kwoze

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.

Jueces 6:1

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', ỹoqo'oye Ñimaye huaiguilo nataqa'en soua siete vi'iye da ỹaneguet da la'añaxac so madianiitapi.

Jueces 4:1

Qaq co'ollaq mashe ileu so Aod, nache so Israel le'ecpi qaltaq ỹe'eguelaxalec da ỹo'ot nam ỹataqta sa ỹaỹamaxaren Ñim Nataxala'.

Jueces 2:20

Qaq ỹoqo'oye Ñim Nataxala' ỹataqta dalemataỹa so Israel le'ecpi, nache 'enapeco': «Ne'ena nhuo' le'ecpi, ỹataqta saỹaỹamaxatapec da ñaỹamaxataxac maye samaxalec co'ollaxa som hua'au lta'alpi, qataq saishet da Aỹem ỹalaxaguet.

Deuteronómio 9:24

Qaq nache chegoqta'a co'ollaxa da qami' sauatto'n, da saishet naxa da qaualaqaiguet Ñim Nataxala'.

Números 16:41

Qaq so lỹa na'a'q nache 'enauac se'eso Israel le'ecpi, qaltaq quetapeguelec so Moisés qataq so Aarón, nache 'eeta': Qami', qauo'ochec da l-leuaxa se'eso nhuo' le'ecpi maye lalamaxat Ñim Nataxala'.

Éxodo 17:2

Huaña, nache qoỹenapega so Moisés, qoỹeeta': «¡Ña 'auauo'o ca qaraquip, yaqto' ñiỹomaq!» Nache so Moisés 'enapeco': «¿Ta'ainco' ye aỹem qauỹaxañiitacot? Qataq ¿ta'ainco' ye qavi'iguiñeetac Ñim Lo'onatac 'Enauacna?»

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

1 Samuel 8:7

qalaxaye Ñim Nataxala' 'enapego' somaye, 'eeta': «'Auauo'o qome ca iỹaxaataique ne'ena shiỹaxauapi, cha'aye saishet da nache 'am da 'am ỹo'otan namayepi, maye nachaỹem maye aỹem ỹo'otan da yaqto' saishet da selotague'.

1 Samuel 8:9

Qaq ỹoqo'oye 'am, no'on qome da 'auo'ot ca iỹaxanaique namayepi, qalaxaye ỹataqta 'aua'aqtaxaatem nam lhueneguesat, qataq na ỹo'otpi ca nta'a qom ilo'ogue namayepi.»

Jeremías 34:14

da ivireuga ye siete vi'i, nache ỹaxanec ca camachaqca nam hebreo le'ecpi maye qaimenot namayepi, qataq mashe seis vi'iye da do'onataxaatac. Qalaxaye som hua'au qarta'ailpi saishet co'ollaxa da Aỹem ỹalaxaguet.

Ezequiel 2:3

nache queto'ot da aỹem 'eetega, 'eeta': «'Am shiỹaxaua nache 'am da 'am samaxa na Israel le'ecpi, nam nhuo' le'ecpi maye Aỹem saỹalaxaguet. Namayepi qataq som hua'au lta'alpi, Aỹem dataỹa'aguet co'ollaxa nache choche ivitta'a ne'ena na'a'q.

Salmos 78:8

Yaqto' saishet da 'eeta'am som hua'au chegoxoguetpi, maye sa ỹalaq qataq qaica ca ỹaỹaanapec, saishet da ỹataxalec da lquiyaqteỹaxac qataq naua lhuennataxaco, som shiỹaxauapi maye saishet da ỹoqta quetegue Ñim Lo'onatac 'Enauacna.