1 Samuel 8:5 - La'aqtaqa Ñim Lo'onatac 'Enauacna 2013

⁵ nache 'enapega, 'eeta': «'Am mashe 'am ỹa'axaiquiolec, qaq soua 'aỹa'alqa saishet da 'eeta'am da 'arataxac. Qaq ỹoqo'oye 'am, 'auauo'o qome ca qarta'a da yaqto' qomi' ilo'oguelo, nache shenaqta'am da lataxac 'enauac nam shiỹaxauapi maye qarhuoreuapi.»

Toba del Oeste

⁵ Eetac ga'me 'laqata'j: «Da'me am male am 'yaĝaicachigui, gaa'me ac'oqo'te ja eda'am da'me adoec. Qama'le 'noota ta'le aua'uo ga'me jaliaĝanec qaedi qo'mi nejaliaĝatelo'te, ena'am ga'me yauote naa'me ale'u lael.»

1 Samuel 8:5 Referans Kwoze

Hechos 13:21

Qalaxaye 'enauac somayepi iỹaxanot Ñim Lo'onatac 'Enauacna da hua'aqta'a da ỹauo'o ca lta'a da yaqto' ilo'ogue somayepi. Ỹoqo'oye Ñim Lo'onatac 'Enauacna lca'aguishec so Saúl da lta'a naqa'en somayepi. –So Saúl nache lta'a so ỹale maye le'enaxat Quis, somaye nache chegaqaigui na llalaqpi so Benjamín, nache so Saúl ilotague' somayepi soua cuarenta vi'iye.

1 Samuel 12:17

Qaq ye qami' qauaỹachiñi da nagui, laloxoqui da qanqat na ala na trigo, qaq saishet da laloxoqui' naua auo'oche. Qalaxaye aỹem seỹaxanot qome Ñim Nataxala', nache Ñimaye namaq qome ca nalataxa qataq ca auot, yaqto' qami' qauauattoñiita qataq qauaỹaañiita, da ỹataqta ỹauaachigui Ñim Nataxala' da qauem da qauo'oche co'ollaq qauỹaxañiỹaique ca qarta'ai.

Números 23:9

Huaña ana'ana qaỹoqotcheguemec coma' nache ishet da sela'a, qataq da sootaña ne'ena ỹataqta pa'asheguem ana qasoxonaxapi, nache semeteetac yi'iye nhuo' le'ecpi, maye ỹataqta qaiỹotauga, qataq saishet da 'eeta'am da lataxac na laỹepi shiỹaxauapi.

1 Samuel 9:20

Qaq acam 'arelopi 'ashenapi maye mashe tres na'axa'te da daqat, qalaq saishet da tatapigui 'arhuel qome, cha'aye mashe sogote da qaỹanata. Cha'aye dam ỹoqta nqopittaique 'enauac na Israel le'ecpi, damaye ỹataqta 'am taalec qataq na 'arhuo' le'ecpi.»

1 Samuel 12:2

Qaq nagui 'iñi ñim nta'a maye qami' ilo'oguelo qome. Aỹem qalaxaye, mashe aỹem ỹa'axaiquiolec, qataq mashe ỹapagaq na iqaic, qaq naua ỹalqa nache qami' ỹalectaiguilo. Qaq aỹem qami' selotegueto co'ollaxa chegoqchiguiña so ñaq aỹem nsoqolec, nache ivitta'a nagui,

1 Samuel 12:13

Qalaxaye 'iñi nagui ñi nta'a maye qarca'aguishiqui. Ñim Nataxala' qami' ỹanema ñim qauỹaxañiỹaique co'ollaxa.

Jueces 8:22

Nache so Israel le'ecpi 'enapega so Gedeón, 'eeta': Qaq cha'aye qomi' 'ausoueguesopa da la'añaxac so madianiitapi, nache 'onaxaictoxo' da nache 'am qarta'a, qataq nataqa'en qomi' ilo'oguelo qome ca 'aỹa'alaqpi.

1 Samuel 10:19

Qalaxaye nagui qami' qauo'otañi Ñim Qanatamnaxala'ai, maye qami' isoueeguesopa co'ollaxa 'enauac so lqalaiguesat, qataq so qanque'eenaxaqui, qaq nagui qami' qauo'otañi Ñimaye, cha'aye souaxat da qauỹaxañiỹaique ca qarta'ai da yaqto' qami' ilo'oguelo. Qaq ỹoqo'oye nagui qauanaqui, nache qanachaachiuo, qataq ñi 'oonolec ỹataqtac ca maiche lauo' le'ecpi qataq ca maiche llalaqpi.›»