1 Samuel 7:6 - La'aqtaqa Ñim Lo'onatac 'Enauacna 2013

⁶ Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

Toba del Oeste

⁶ Chane'eja jogaa'me Israel laje'pi yema'a't ca'li di'me Mispá, qama'le nach'ega ua'a da'me naqachidijeguem ga'me noĝop, yecodedegue ga'me qa'a e'n lajaqaje'j yate'm ñe'me Jaliaĝanec. Jo'me nolo' cha'li noqouaqatela'ajalo qa'a natetola'ajalo queda'me yauo'oe gaa'me loeco jo'ne nauteta ñe'me Jaliaĝanec. Di'me Mispá, ua'a ca'li ñe'me Samuel male qoyen lajoĝola' gaa'me Israel laje'pi.

1 Samuel 7:6 Referans Kwoze

2 Samuel 14:14

Qaq 'eesa da 'enauac qomi' seleuaq qome, shenaqta'am ca 'etaxat da huecorelec na 'alhua, nache saishet da qaltaq qalaỹona't. Qalaxaye Ñim Nataxala' saishet da huo'o ca nqat da nachaalataxac, nacherata da ỹauo'o ca lataxac da yaqto' ca ỹaqa'a ca hueta'ague ishet da 'am ñe'eguelaxa.

1 Samuel 1:15

Nache aso Ana 'enapeco': «'Am ỹataxala', saishet da aỹem taxai. Aỹem saishet da huo'o ca ñeỹomgui lataxa, chaqrata da ỹataqta lta'araic da ỹaquicoxo, ỹoqo'oye aỹem ỹataqta semato'ot damaye da sa'axatem Ñim Nataxala'.

Jueces 10:10

Huaña nache so Israel le'ecpi iỹaxanot Ñim Nataxala' da yaqto' itauan somayepi nache, 'eeta': «'Am Qanatamnaxala', qomi' huo'o da qarasouaxashet 'am hueto'ot, cha'aye 'am qolqa'ai, souaxat da so'onataxanaqtacot na ỹotta'a't ne'enaqtac lqui'ipi so Baal.»

Joel 2:12

Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Salmos 106:6

Qomi' huo'o na qarasouaxashetpi shenaqta'am so qarta'alpi, da so'otaqtac na qauemsat qataq na ñe'etaxaloxosat.

Salmos 62:8

Qaq qami' ihuo' le'ecpi nache 'eetai' qome da qaupi'iitega Ñimaye, ỹataqta qaumachiỹo'ot da qarquiyaqteỹaxaqui da qanatamñiitacot cha'aye Ñim Lo'onatac 'Enauacna nacheñi Ñim qaye'eguenaxala'.

Lucas 15:18

Aỹem she'eguelaxa qome ye lma' ca ita'a. Ime, qaq shenapega qome, sheeta': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am.

Salmos 119:136

Cha'aye naua lache' naua ỹa'ai'te qalaq 'eeta'am ca tala da ipaxaalec, souaxat da sa qaỹalaxagueta naua 'arqataxaco.

1 Reyes 8:47

qaq da hueta'a que'eca 'alhua maye qaỹauega souaxat da noxonecpi, nache da nauattoola't da huo'o ca lasouaxashet, nache 'am nqouagaxaunot, 'eeta': Qomi' huo'o da qarasouaxashet, qataq so'otaq na qauempi, qataq na saỹaỹamaxañipi.

Ezequiel 20:4

Qaq 'am shiỹaxaua, maiche qouapegueto da 'anmi't naamaye, nache 'auaỹaanaxaneque nam ỹataqta qaiqaiga maye ỹo'ot co'ollaxa so lta'alpi.

Lamentaciones 3:49

Naua ỹa'ai'te qalaq qaica ca nmataqa', cha'aye qaica qome ca aỹem ỹa'añaqchet,

Lamentaciones 2:11

Da ñenoinaxac qalaq mashe na'axa't naua ỹa'ai'te, qataq ñanomteguet da ỹataqta seuet ana itogue, qataq mashe qaica ca ỹa'añaxac, souaxat da sauaachigui da qailaxachigui som huaqta'a't nỹecpi maye lma'pi som ihuo' le'ecpi, qataq da sauaachigui som ñaqpiolec maye ñaq lleptac da ileuangui na nqa'aicpi.

Jeremías 31:19

Aỹem 'am sheca'ai co'ollaxa qalaxaye huo'o da ñetogotaxac, saỹateeta da huo'o da ỹasouaxashet, nache seuet ana itogue, qaq ỹataqta huo'o da ỹa'agaxa qataq ñanomta da qaica ca shenec, souaxat na ỹasouaxashetpi chegoqta'a co'ollaq ñaq aỹem nsoqolec.›

Salmos 42:3

Naua ỹache' qalaq 'eeta'am ca anoq, ye na'a'q qataq ye pe, qataq imauec ye na'a'q da aỹem qainattac, qoỹeeta': «¿Hueta'ago' ca 'Anatamnaxala'?»

Salmos 6:6

Aỹem ỹataqta ñasamiisop da ñenoinaxac, 'enauaque naua pesa'ache da ñeỹeetac, nache naua ỹache' ỹataqta dapapta naqa'en ye imala'.

Da na'aqtaguec so Job 42:6

Qaq ỹoqo'oye nagui sha'axaneguet da itaxaỹaxac, souaxat na ỹa'aqtacpi co'ollaxa, nache ñeso'ongui qome na namoxoỹaxa, qataq semeelec na ỹaqaic na alo, cha'aye huo'o da ñetogotaxac.»

Da na'aqtaguec so Job 40:4

«¿Hua'ago' ca sheetec ca ỹa'aqtac aỹem? Ye ỹataqta qaica ca ỹa'amaqchec. 'Onaxaico' da choche ñe'emaxat.

Da na'aqtaguec so Job 33:27

Nache ca shiỹaxaua maiche nauattoola't da huo'o da lasouaxashet, nache, 'eeta': «Aỹem huo'o da ỹasouaxashet cha'aye ña'aqchet da ỹaỹamaqchiguiñi nataxac, qalaxaye saishet da qaỹo'ot ca ñeuaxanaguec,

Da na'aqtaguec so Job 16:20

da detaxaỹot Ñim Lo'onatac 'Enauacna da ỹa'axa't naua iuennataxaco, da yaqto' Ñimaye ishet da ila'alo naua ỹache',

Nehemías 9:27

Ỹoqo'oye 'aỹa'aneguet da la'añaxac so npa'aguenaxauapi, da yaqto' ỹo'ot da nque'eenaxac somayepi. Qaq co'ollaq huaigui da nque'eenaxac, nache 'am iỹaxanot da yaqto' 'atauan, qaq se'eso lỹaxanaxac iviro'ot na piguem, nache 'aua'axaỹa co'ollaxa, qaq souaxat da lta'araic 'archoxonnataxanaxa nache 'anamaxa so lca'alaxaquipi da yaqto' nca'alaxateeguesop da la'añaxac so npa'aguenaxauapi.

2 Crónicas 20:3

Nache so Josafat, ỹataqta huo'o da lcolanaxa, nache ỹe'eguenot Ñim Nataxala', ỹoqo'oye ỹamaxa da la'aqtac 'enauac so netaña ye Judá da ỹo'ot da nqouaqchetaxac.

Jueces 3:10

Nache so Saqcha'a La'añaxac Ñim Nataxala', anac da ỹo'ot da la'añaxac so Otoniel, da yaqto' lataxala' so Israel le'ecpi. Ỹoqo'oye co'ollaq jec da deloqui, nache Ñim Nataxala' ỹanem da loxonec so Cusán Risatayin.

Levítico 26:40

Qalaxaye da qaua'axacheeta ca qarasouaxashichi, qataq ca lasouaxashetpi so qarta'ailpi, qataq da 'eetec da ỹe'eguelaqtalec da Aỹem qauataiỹa'aguet, qataq Aỹem qauatenachichi naxa,

Génesis 31:49

qataq nataqa'en qoỹanagui da le'enaxat Mizpá, cha'aye so Labán 'enapeco': «Ñim Nataxala' ilo'oguelo qome qomi' dos, qom ivita da saishet da ñauanaxa't.

Levítico 16:29

Qaq 'era da nache 'eetai' qome lataxac da qoyecỹaxaqui: Da ivita ca na'a'q diez caua siete ca'agoxoiqa, nache qanqouaqchichi qataq qaica ca do'onataxan 'enauac na Israel le'ecpi qataq na chegaqauecpi maye qami' netaiguilo.

1 Samuel 7:15

Qaq so Samuel nache lataxala' co'ollaxa so Israel le'ecpi co'ollaq ña nca'altauec,

Jeremías 36:9

Qaq so ca'agoxoic nueve so vi'i cinco da lo'onataxanaxac so Joaquím, som llalec so Josías, da nta'a ye Judá, nache 'enauac na lma' ye Jerusalén qataq 'enauac na laỹepi shiỹaxauapi maye chegaqa'a na laỹepi huaqta'a't nỹecpi maye ỹotta'a't naua nañalo ye Judá, qoỹenapega da nqouaqchet da dataỹot Ñim Nataxala'.

Josué 18:26

Mispá, Quefirá, Mosá,

Jueces 2:4

Nache so nale Ñim Nataxala', co'ollaq ime da la'aqtaxanaxac, nache so Israel le'ecpi ỹataqta 'enauac da na'alaqtapiguiñi da nnoinaxac.

Jueces 10:15

Qalaxaye so Israel le'ecpi 'enapeco': «'Am Nataxala', 'eesa da huo'o da qarasouaxashet. Qaq maiche 'oiqueetac qome cam qomi' 'auataxaateugalo. Qalaxaye ña qomi' 'anqouagueque da qomi' 'ausorec nagui.»

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

1 Samuel 10:17

Qaq co'ollaq ime, de'era nache so Samuel iỹaxanegue 'enauac so Israel le'ecpi, da yaqto' natamnot naqa'en Ñim Nataxala' da huaña ye Mispá;

1 Samuel 12:10

Qalaxaye co'ollaq ime de'era, nache somayepi da'aqtaxaatem Ñim Nataxala' da huo'o da ỹasouaxat, cha'aye ca'ai Ñimaye da yaqto' natamnot so ỹotta'a't lqui'ipi so Baal, qataq aso Astarté, nache iỹaxanot Ñimaye da isoueeguesop da la'añaxac so mpa'aguenaxauapi, qataq ỹanot da la'aqtac da nacheñita Ñimaye da queto'ot da ỹo'oxoreetac.

1 Crónicas 11:18

Qaq huaña nache se'esoua tres 'añaxaiqa, huenoxotraua'a so lanataqa' so filisteopi, nache nqatsheguem so 'etaxat ỹachegoxotrangui aso nshere maye naña ye ñegueuo ye Belén, nache ira'alo so David. Qalaxaye so David saishet da nỹomgui somaye, nacherata da icorec da yaqto' lachetaqtaxanaxat da ỹanot Ñim Nataxala',

Da na'aqtaguec so Job 3:24

Da ñenoinaxac nachera da 'eco' anoq, ca ỹaquip, qalaq nachera da ỹachotaxac souaxat da ñiqui'ic.

Lamentaciones 5:16

Aso qanaro'o da qomi' nta'al qalaq naañi, ¡choxoraiqolqa qomi' cha'aye huo'o da qarasouaxashet!

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,