1 Samuel 7:5 - La'aqtaqa Ñim Lo'onatac 'Enauacna 2013

⁵ Ime, nache so Samuel 'enapego' somayepi, 'eeta': «Qalaỹoñiỹa't qome 'enauac na Israel le'ecpi da hua'a ye Mispá, nache aỹem seỹaxanot qome Ñim Nataxala' da qami' ñachoxoreeleguete.»

Toba del Oeste

⁵ Yem qama'le Samuel eetac ga'me 'laqatac: «'Noota ta'le ademiya'a't ena'uaque ami Israel laje'pi, ademiya'ña di'me noic Mispá, qama'le jayem ñachoĝodenot ñe'me Jaliaĝanec qaedi ami jajelaĝalo'te.»

1 Samuel 7:5 Referans Kwoze

Jueces 20:1

Huaña nache 'enauac so Israel le'ecpi, chegoqchiguiña ye Dan nache ivitta'a ye Berseba qataq ye Galaad da 'eeta'am ca 'oonolec shiỹaxaua da anac da laỹona't huaña ye Mispá, ỹauaachigui Ñim Nataxala'.

Joel 2:16

nache qauauo'oi ca laponaxac na nhuo' le'ecpi maye lalamaxat Ñim Lo'onatac 'Enauacna, qataq nqui'itaxatta qanqa'eñi qome namayepi, qataq qauỹaxañiuga na nqueroxonecpi, ñaqpiolec qataq nam ñaq qaillepaxaatacpi, qataq qaupa'axañiiuec cam cheta'ague da huaron nataqa'en acam lhua!

Nehemías 9:1

Qaq so na'a'q veinticuatro se'eso ca'agoxoic siete, nache so Israel le'ecpi qaltaq ỹo'ot so laponaxac da yaqto' nqouaqchet, qataq ỹaatrañi soua sansatte' alogo qataq imeelec na lqaic so alo,

2 Reyes 25:23

Nache so lataxala'pi so alleppi ye Judá, qataq som nalleppi, co'ollaq la'axaỹaxac de'era, nache taỹa ye Mizpá, da yaqto' na'aqtaxane' so Gedalías. Qaq 'ena na le'enaxat somayepi, Ismael som llalec so Netanías, Johanán som llalec so Careaj, Seraías som llalec so Tanjumet, maye Netofa le'ec, qataq so Jazanías som llalec som ỹale maye Macá le'ec. Qaq somayepi, nache nnaictague' so nalleppi.

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,

1 Samuel 10:17

Qaq co'ollaq ime, de'era nache so Samuel iỹaxanegue 'enauac so Israel le'ecpi, da yaqto' natamnot naqa'en Ñim Nataxala' da huaña ye Mispá;

1 Samuel 7:16

qataq 'enauaque naxa naua vi'iye da nqo'ona ye Betel, Gilgal qataq ye Mispá, da yaqto' ỹaỹamaxaañi 'enauac nam 'eetapeguecpi so Israel le'ecpi maye netalec yi'iye 'alhua.

1 Samuel 7:12

Qaq co'ollaq ime, nache so Samuel ỹacono' so 'oonolec coma' nache ỹananguilo yeua Mispá qataq ye Sen, nache ỹanagui da le'enaxat Ebenezer, cha'aye 'enapeco': «Choche ivitta'a nagui da Ñim Nataxala' ña qomi' itauaata'ape.»

Josué 15:38

Dileán, Mispá, Yoctel,

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

Génesis 31:49

qataq nataqa'en qoỹanagui da le'enaxat Mizpá, cha'aye so Labán 'enapeco': «Ñim Nataxala' ilo'oguelo qome qomi' dos, qom ivita da saishet da ñauanaxa't.

Jueces 10:17

Qaq so amoniitapi naỹamaxat da yaqto' nalat, nache ỹanaña so lpe'lpi ye Galaad. Qaq so Israel le'ecpi nataqa'en laỹona't co'ollaxa, nache ỹanaña so lpe'lpi ye Mispá.

1 Samuel 7:4

Nache so Israel le'ecpi ỹasaxauec co'ollaxa som ỹotta'a't lqui'ipi so Baal qataq aso Astarté, nache nacheñita Ñim Nataxala' da ỹaatacot da llo'oxonnataxanaxac.

1 Samuel 8:6

Qalaxaye so Samuel, ỹataqta sa ỹaỹamaxaren de'era, cha'aye qaiỹaxaatacot da ỹauo'o ca nta'a da ilo'ogue naqa'en somayepi, nache somaye nqouagaxaunot Ñim Nataxala',

1 Samuel 12:17

Qaq ye qami' qauaỹachiñi da nagui, laloxoqui da qanqat na ala na trigo, qaq saishet da laloxoqui' naua auo'oche. Qalaxaye aỹem seỹaxanot qome Ñim Nataxala', nache Ñimaye namaq qome ca nalataxa qataq ca auot, yaqto' qami' qauauattoñiita qataq qauaỹaañiita, da ỹataqta ỹauaachigui Ñim Nataxala' da qauem da qauo'oche co'ollaq qauỹaxañiỹaique ca qarta'ai.

Jeremías 40:6

Qaq huaña nache so Jeremías jec da nqo'ona ye Mispá maye netaña so Gedalías, nache neto'ot somaye, qataq netaigui so shiỹaxauapi maye no'onaña co'ollaxa yi'iye 'alhua.

Josué 18:26

Mispá, Quefirá, Mosá,

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,