1 Samuel 7:12 - La'aqtaqa Ñim Lo'onatac 'Enauacna 2013

¹² Qaq co'ollaq ime, nache so Samuel ỹacono' so 'oonolec coma' nache ỹananguilo yeua Mispá qataq ye Sen, nache ỹanagui da le'enaxat Ebenezer, cha'aye 'enapeco': «Choche ivitta'a nagui da Ñim Nataxala' ña qomi' itauaata'ape.»

Toba del Oeste

¹² Yem qama'le Samuel yacona ga'me qa' t'adaic, yachañgui laeñi gaa'me noyaqa Mispá nataq'aen di'me Sen, qama'le en lenaĝat Eben-ézer, qa'a eetac: «Chayovida'a nayi ñe'me Jaliaĝanec qo'mi lecochiyalo.»

1 Samuel 7:12 Referans Kwoze

2 Corintios 1:10

Qaq Ñimaye, nacheñi ñi qomi' nca'alaxateeguesopa co'ollaxa da lchec da nleuaxa. Qataq huo'o da qanaquitaxac da queto'ot da qomi' nteltegalo,

Josué 4:9

Qaq nataqa'en so Josué nauaxaỹaxaasheguem co'ollaxa soua doce lỹa't coma'ye, vichiguingui naqa'en ye laiñi so tala, yem nachattraña co'ollaxa soua ntaxaỹaxanaxanaqa maye ỹachetrac aso arca maye laỹe' da aỹamaxataxac. Qaq se'esoua coma'ye ñaq netraña nagui yemaye.

Hechos 26:22

Qalaxaye souaxat da ltaunaxanaxac Ñim Lo'onatac 'Enauacna da sheeta, ỹoqo'oye nagui ñaq shecta da sa'axattapeguem Ñimaye 'enauac na shiỹaxauapi, sa'aqtaxanem na choxoraq qataq na sallaxanecpi. Qaq saishet da huo'otaq ỹaqa'a ca ỹa'aqtaxanaxac da sa'aqtaxan. Nachaqrata da sa'axattac da la'aqtaxanaxac som hua'au la'aqtaxanaxanecpi Ñim Lo'onatac 'Enauacna qataq so Moisés da qaỹa'axatta'aguet cam naỹa'acna.

Génesis 22:14

Nache so Abraham ỹauo'o da le'enaxat se'eso 'alhua, 'eeta': «Ñim Nataxala' ỹan cam qaiuen.» Qaq ỹoqo'oye ñaq 'eetalec nagui de'era na'aqtac naxa maye, 'eeta': «Aca qaỹoqotcheguemec 'alhua, huaña da Ñim Nataxala' ỹan cam qaiuen.»

Génesis 35:14

nache so Jacob ỹacona so coma', nache nachalataxaañi, ỹaachiguiña yem huaña co'ollaq detaqtague' Ñimaye. Qaq ime, nache icorelec somaye so aceite, qataq so lataxa,

1 Samuel 5:1

Qaq so filisteopi co'ollaq ime da loxona aso arca maye laỹe' da naỹamaxataxac Ñim Lo'onatac 'Enauacna, nache ỹache ỹachegotchiguiña ye Ebenezer da ira'a ye Asdod.

Isaías 19:19

Qataq que'eca na'a'q, huo'o qome aca nca'atoxonaxalate da lalamaqte qanqa'en Ñim Nataxala', ñichiguingui na laiñi ye 'alhua Egipto, qataq ye sa qaỹapeque ye loga't yi'iye 'alhua, nache naña qome aca qano'oxoosheguem coma' da yaqto' qaỹo'oxoren Ñim Nataxala'.

Salmos 71:17

'Am Ñatamnaxala', nache chegoqchiguiña co'ollaq ñaq aỹem nsoqolec da aỹem 'auapaxagueetac, qaq nache ivitta'a nagui da sa'axattapeguec na 'auo'otpi maye ỹo'ot da na'aalaxa.

Salmos 71:6

Cha'aye co'ollaq ñaq sootaigui na lauel aso ỹate'e, nache nale'ena da 'am sepe'etega. Qaq nache 'am maye ñañiguiñi 'anqa'en, qaq ỹoqo'oye nache 'eetai' qome da 'am sho'oxoreetac.

1 Samuel 4:1

qataq nache huaña naxa so Samuel, da'aqtaxanem 'enauac so Israel le'ecpi. Qaq se'esoua na'axa'te, so Israel le'ecpi huenoxonec da delogui' so filisteopi, nache hua'a ye saqaỹapeque ye Ebenezer. Qaq so filisteopi, qalaq nache hua'a ye Afec,

Éxodo 17:15

Nache so Moisés nauaxaỹaxaasheguem aso lca'atoxonaxalate, nache ỹanagui da le'enaxat: «Ñim Nataxala' 'eeta'am aca ỹa'ana maye seca'attalec.»

1 Samuel 7:11

Nache so Israel le'ecpi sanaỹaloxon da ca'ai ye Mispá da icanapec so filisteopi, nache iloquiaxaatac choche iviraxatta'a ye npa'aỹañi ye Bet Car.

1 Samuel 14:35

Nache so Saúl, no'oxoosheguem aso nca'atoxonaxalate da qanatamnot Ñim Nataxala', qaq asomaye nachaso' aso hua'auchiguiñi da ỹo'ot.