1 Samuel 7:10 - La'aqtaqa Ñim Lo'onatac 'Enauacna 2013

¹⁰ Qaq so Samuel co'ollaq ñaq ỹavigaxattac aso lachetaqtaxanaqte, nache som filisteopi nqo'ona da iloquiaxan so Israel le'ecpi, nache Ñim Nataxala' ỹauo'o so lta'araic nllimiaxa ỹaneguet somayepi, nache ñi'i naqa'en, qaq 'era da 'eetec so Israel le'ecpi da loxonec somayepi.

Toba del Oeste

¹⁰ mane'e ca'li ñe'me Samuel yauotaque ga'me lajaqajec, gaa'me filisteopi yec'adeta qaedi yepelaĝa't da'me quiiñguilo. Qama'le ñe'me Jaliaĝanec degueja da'me ne'uaĝa'ñalo jogaa'me, qama'le en najaqachiguilo da'me loqolanaqa't. Chane'eja ca'li jogaa'me Israel laje'pi male noma't jogaa'me.

1 Samuel 7:10 Referans Kwoze

1 Samuel 2:10

Ñim Nataxala' ilaxachigui qome na mpa'aguenaxauapi, nache chegoqo'ot naqa'en na piguem na nqashelgaxa da talec naqa'en namayepi. Ñim Nataxala' nmit qome 'enauac nam huetalec ana 'alhua, qataq ỹanem da la'añaxac ca nta'a maye lca'aguishec, qataq nquictasheguem naqa'en da la'añaxac.»

1 Samuel 12:17

Qaq ye qami' qauaỹachiñi da nagui, laloxoqui da qanqat na ala na trigo, qaq saishet da laloxoqui' naua auo'oche. Qalaxaye aỹem seỹaxanot qome Ñim Nataxala', nache Ñimaye namaq qome ca nalataxa qataq ca auot, yaqto' qami' qauauattoñiita qataq qauaỹaañiita, da ỹataqta ỹauaachigui Ñim Nataxala' da qauem da qauo'oche co'ollaq qauỹaxañiỹaique ca qarta'ai.

Jueces 5:20

Cha'aye anac aso huaqaañipi, chegoqtot na piguem da delogui' so Sísara,

Josué 10:10

Qaq Ñim Nataxala' ỹanem se'eso nta'alpi da ỹataqta ñi'iỹa naqa'en so Israel le'ecpi, qaq ỹoqo'oye so Josué ỹataqta qalota so ỹalauat huaña ye Gabaón, qataq icaatac co'ollaxa so laỹepi huaña so nqa'aic ye Bet Jorón, nache queto'ot da ỹalauattac so amorreopi, nache iviraxatta'a ye Azecá qataq ye Maceda.

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.

Jueces 5:8

Qaq na Israel le'ecpi lca'aua'a co'ollaxa so dalaxaicpi natamnaxala'pi, nache so loquiaxac nviraua'a nam lasompi na huaqta'a't nỹecpi, qalaxaye qaica ca 'oonolec so cuarenta mil nalleppi da hueto'ot acam lpaqtaxanaqte qataq lataquiaxai.

Jueces 4:15

nache Ñim Nataxala' ỹo'ot da sa ntouen so nalleppi so Sísara, qataq som netanguipi aso nalaataxaqui laigonapi lcat, co'ollaq mashe nayeeta'a da delogui' so Barac, nache so Sísara huenoteeguesop aso laigona, nache piỹañi da datauec.

1 Samuel 7:11

Nache so Israel le'ecpi sanaỹaloxon da ca'ai ye Mispá da icanapec so filisteopi, nache iloquiaxaatac choche iviraxatta'a ye npa'aỹañi ye Bet Car.

1 Samuel 14:15

Nache 'enauac som hueta'a se'eso lanataqa' so filisteopi, qataq som alleppi maye huetauga so no'onaxa, qataq so hueta'a so nanataqa' maye nauanaxanaqa', qataq som qalotoigui alaataxaicpi nataqa'en huo'o co'ollaxa da lcolanaxa. Qataq huo'o so lacholaxanaxa ana 'alhua, nache ỹataqta lta'araic da ncolanaxa.

Salmos 29:3

Da lavilỹaxac Ñim Nataxala' huetaigui da l-llimiaxa na 'etaxat aso auaxai. Ñim Lo'onatac 'Enauacna maye ỹo'oxoraic ỹo'ot na nalataxa, Ñim Nataxala', Ñimaye huetalec aso qalochiguiñi auaxai.

Salmos 29:4

Da lavilỹaxac Ñim Nataxala' ỹataqta lta'araic da la'añaxac. Da lavilỹaxac Ñim Nataxala' ỹataqta lta'araic da llo'oxoyec.

Deuteronómio 28:7

Qataq Ñim Nataxala' 'am ỹanem qome da 'oxonec ca 'ampa'aguenaxauapi da 'am iloquiaxan, na'aictaxa da nalochiguiñi camayepi da 'am naỹa, qalaxaye da datauec nache ỹataqta nlagaxattac.

Salmos 18:15

Huaña nache yo'oqta na pa'aguiñi aso auaxai, qataq na na'attalec ana 'alhua ishet da qaila'a, souaxat da 'arvilỹaxac dequichoqtaxan 'Am Nataxala', qataq souaxat so lta'araic 'ara'at maye 'auasheerelec anamaye.

Salmos 78:66

nache loxonec so mpa'aguenaxauapi qataq datauec naqa'en, nache ỹo'otec da tatec naqa'en da la'aloxo somayepi.