1 Samuel 6:3 - La'aqtaqa Ñim Lo'onatac 'Enauacna 2013

³ Nache somaye 'enapeco' da qavi'iguelaxache añi laỹe' da naỹamaxataxac Ñim Natamnaxala' ye Israel le'ecpi, nache saishet da choche qauamaqai, maye qauauo'oi cam qaỹa'añi nache qauacheetangui ca ishet da nqat da lalemataic Ñim Nataxala'. Huaña nache ishet da qami' no'oite' qome qataq qauaỹaañi da ta'ainco' da qami' saq ỹaxaayiñi Ñimaye da qami' iuaxaataleguete.

Toba del Oeste

³ Jogaa'me 'ya't: «Qom a'viyelaĝachi jaga'me lae't daa'me lamajoĝonaĝaco ñe'me Nedios di'me Israel, ja ch'e auamaqai, dite da'me nach'e ena'am auamaqai ga'me adajaqajequi, qaedi auejechiñe joga'me ja no'en a'vichiyec joñe'me Jaliaĝanec. Qom naq'aeta da'me auauoyi qomle, qama'le yitaĝa ademiyegue, nataq'aen auayachiñe da'me toqoch'e ñe'me Jaliaĝanec ja qo'mi 'te yaĝadiñe da'me qo'mi yachetalo'te da'me lalemataic.»

1 Samuel 6:3 Referans Kwoze

1 Samuel 6:9

Qalaxaye qauloita'ague qome aca'aca naigona mañaxasaco' qom taigue da pa'aỹa'ague ye Bet Semes, ye maiche lalamaxat lma', qache nacheñi Ñim Natamnaxala' ye Israel le'ecpi Ñim chegoqo'ot de'era qauem maye qomi' huetaleguete. Qaq da huo'otaq saishet da 'eetec de'era, nache saỹatenaq qome da saishet da nacheñi Ñimaye Ñim qomi' iuaxa'n, maye chochaq maiche qarque'emaxa damaye.

Deuteronómio 16:16

Qataq 'enauac na ỹalleppi, ye 'oonolec vi'i nache tres da ỹe'eguelaxalec da nachaateua'a ca lca'ateua'a lanataqa' Ñim Nataxala' maye Qanatamnaxala'ai, da yaqto' qaỹo'ot ca naponaxac maye laloxoqui da qanallec aca nauole maye qaca aca lalecte maye ỹasheeraxachigui, qataq ca naponaxac maye huetoigui da qanqat ca la'auaxanec ala ca nañiguishec, qataq ca laloxoqui da qanayenaigui na npe'lpiolec qo'oipaq lcouepi. Qalaxaye qaica qome ca nachaateua'a Ñim Nataxala' da qaica ca ỹanot Ñimaye.

Éxodo 23:15

Qauo'oche qome ca qarquia'axaqui da qollequi ana nauole 'ayiiña maye sa qaỹauo'o aca lalegue maye ỹasheeraxachigui. Qataq qauloitelec qome da ỹa'aqtac maye qami' sanema, da qollequiitac ana'ana nauole 'ayiiña caua siete na'axa'te. Qaq ca na'a'q maye huetoigui damaye, nacheca ca ca'agoxoic le'enaxat Abib, cha'aye nacheso so ca'agoxoic maye huetoigui co'ollaq qoquiỹa'ai ye Egipto. Qaq da qauanaqui da Aỹem qavio'oxoyiñi nache Aỹem qandoiua'a aca qarachetaqtaxanaqche.

Éxodo 34:20

Qaq ca la'auaxanec llalec aca 'ashena, camaye nmeneguet qanqa'en ca qagueta llalec, huo'otaq ca quetaq llalec, qaq da saishet da huo'o ca nmeneguet, nache camaye iuen da qainoxon na lqosot da qaỹalauat. Nataqa'en iuen da qaỹauo'o aca nachetaqtaxanaqte da lasheue ca na'auaxanec ñalec. Ỹoqo'oye saishet qome da huo'o ca Aỹem naua'a da huo'otaq qui'itchiguilo naua lhua'q.

Da na'aqtaguec so Job 10:2

Ỹoqo'oye shenapega Ñim Lo'onatac 'Enauacna, sheeta': ‹¡Saishet qome da 'auo'ot ca ñeuaxanaguec! nacherato' da aỹem 'aua'aqtaxanem chaq negue'to' ca ỹasouaxashet.

1 Samuel 5:11

Qaq cha'aye 'enauac se'eso huaqta'a't nỹecpi lagoigui da ileetapeguem da lli'iỹaxa, souaxat da sansatta nhuaxanaguec maye namaxa Ñim Lo'onatac 'Enauacna, nache damaxasoxona 'enauac so nataxala'pi filisteopi, nache 'enapego', 'eeta': «Qavi'iguelaxachiỹa qome cam chegoqchiguiña co'ollaxa añi laỹe' da naỹamaxataxac Ñim Natamnaxala' ye Israel le'ecpi, yaqto' saishet da qomi' nmatchiyiñi da qomi' ỹalaua't.»

1 Samuel 5:9

Qalaxaye co'ollaq mashe ime da qanquigaxat, nache Ñim Nataxala' ỹo'ot da lli'iỹaxa se'eso netaigui se'eso huaqta'a't nỹecpi, souaxat da ique'emaqchetec aso nachecai late'e, natcheguemalo naqa'en na lo'oc so ỹepi, qataq so ñaqpiolec.

1 Samuel 5:7

Qaq so lma' ye Asdod co'ollaq ila'a de'era, nache somayepi 'enapeco': «Añi laỹe' da naỹamaxataxac Ñim Natamnaxala' ye Israel le'ecpi saishet qome da nache 'eetai' da qomi' netaiguilo, cha'aye Ñimaye qomi' sa ỹala'aque da qomi' iuaxaataleguete, qomi' qataq ñi Dagón, ñim qanatamnaxala'.»

Levítico 6:6

Qataq ỹanot Ñim Nataxala' ca qagueta qaica ca lque'emaxa da lachetaqtaxanaxat maye sa imauaq da qaỹavigaxat, huo'otaq aca lasheue que'eca shiguiỹac. Nache iroua'a ca ntaxaỹaxanaxanec.

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

1 Samuel 6:8

Ime, nache qauacoñiisop añi laỹe' da naỹamaxataxac Ñim Nataxala', nache qaỹa'añiỹangui aca naigona, huaqta'ai' qanqa'eñi aca laỹe' ca no'onatacpi oro maye qarachetaqtaxanaxache da yaqto' vi'iiguet da lalemataic Ñimaye. Ime, nache qauaqaita'a aca naigona da ndotec da jec.

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.