1 Samuel 5:8 - La'aqtaqa Ñim Lo'onatac 'Enauacna 2013

⁸ Qaq ỹoqo'oye somayepi damaxasoxona 'enauac so nataxala'pi filisteopi da laỹona't, nache dataiguet somayepi, nache inato' somayepi, 'eeta': ¿Chaq shenaqtec añim laỹe' da naỹamaxataxac Ñim Natamnaxala' ye Israel le'ecpi? Nache somayepi 'enapeco': Qomye qanquigaxachiỹa ye huaqta'a't nỹecpi ye Gat. Nache so filisteopi ỹache asomaye, nache nquigaxata yemaye.

Toba del Oeste

⁸ Qama'le qoyiyaĝanalo jogaa'me lajoĝola'te jogaa'me filisteopi qama'le qoyenatouelo: «¿Jach'e jogamaĝa je'etaĝac jaga'me lae't daa'me lamajoĝonaĝaco ñe'me Nedios di'me Israel?» Qama'le 'ya't jogaa'me: «Auedoyigue di'me noic jo'ne Gat.» Chane'eja jogaa'me filisteopi yedota jodi'me.

1 Samuel 5:8 Referans Kwoze

Zacarías 12:3

Qaq que'eca na'a'q, na Jerusalén 'eeta'am ñaqa'en ca qapa'atta coma' da talec 'enauac na ỹotta'a't shiỹaxauapi. Nache ique'emaqchet qome cam huotaique da nauaxaỹaxaasheguem. Qaq 'enauac na ỹotta'a't shiỹaxauapi, huaxaỹa't qome da dataỹa'aguet na Jerusalén,

Amós 6:2

Ña qanqo'oñiỹa qome ye Calne nache qaumichiñi, ime, nache qanqo'oñiỹa qome ye 'amaqtaqaic Hamat, qataq qananaiña ye Gat maye lma' na filisteopi. Qaq ¿peta'a qaupi'itaxañiitega da qanapaquialec da la'amaqchec yi'iyiua 'alhua? ¿Qalqo' ye lcata yi'iyiua 'alhua napacalec ye lcata nam qana'alhuai?

1 Samuel 17:4

Qaq huaña nache chegoqtoigui so alleppi filisteopi so 'oonolec alaataxaic, qaq somaye ivi' tres metros ye lalogaxa. Somaye le'enaxat da Goliat, qataq lma' ye Gat.

1 Samuel 5:11

Qaq cha'aye 'enauac se'eso huaqta'a't nỹecpi lagoigui da ileetapeguem da lli'iỹaxa, souaxat da sansatta nhuaxanaguec maye namaxa Ñim Lo'onatac 'Enauacna, nache damaxasoxona 'enauac so nataxala'pi filisteopi, nache 'enapego', 'eeta': «Qavi'iguelaxachiỹa qome cam chegoqchiguiña co'ollaxa añi laỹe' da naỹamaxataxac Ñim Natamnaxala' ye Israel le'ecpi, yaqto' saishet da qomi' nmatchiyiñi da qomi' ỹalaua't.»

1 Samuel 5:7

Qaq so lma' ye Asdod co'ollaq ila'a de'era, nache somayepi 'enapeco': «Añi laỹe' da naỹamaxataxac Ñim Natamnaxala' ye Israel le'ecpi saishet qome da nache 'eetai' da qomi' netaiguilo, cha'aye Ñimaye qomi' sa ỹala'aque da qomi' iuaxaataleguete, qomi' qataq ñi Dagón, ñim qanatamnaxala'.»

1 Samuel 29:6

Nache so Aquis iỹaxano' so David, nache 'enapega, 'eeta': ¡Hua'aqchigui ñaqa'en da ỹa'aqtac Ñim Nataxala', da aỹem saỹaten da 'am ỹataqta no'on da 'arataxac! Qaq aỹem ỹataqta ñeqopita da 'arataxac co'ollaq huaña yem nanataqa'pi, qaq qaica ca 'arasouaxashet chegoqta'a so na'a'q co'ollaq aỹem qono'ot da aỹem 'auo'onataxanot. Qalaxaye na lataxala'pi na filisteopi saishet da 'am ỹaỹamaxaren,

Josué 13:3

chegoqchiguiña so la'auaxac Sijor, maye pa'aỹa'ague da yo'oxoñi ye Egipto, nache ivitta'a so loga't ye Ecrón, maye pa'aỹa'ague da sheu', qaq yemaye qoỹeetegacnaxa na'alhua nam Canaán le'ecpi. Qaq yemaye nache netraña yeua cinco nataxala'ate Filistea lashe', qaq yeemaye nache lataxala'ate na lma' ye Gaza, Asdod, Ascalón, Gat qataq ye Ecrón. Nataqa'en ñaq no'onañi ye na'alhua ye aveopi,

Josué 15:11

Ime qaltaq jec chegoqchiguiña ye pa'aỹa'ague da sheu' ye ñiguisheguem ye Ecrón, nache coleetauga ye Sicrón, qataq nlectelec añi qasoxonaxa ye Baalá, da yaqto' taỹauga ye Jabnel, nache ivittauga so loigue aso Auaxai Mediterráneo.

1 Samuel 6:2

Nache so filisteopi laỹona'to' so ltaxaỹaxanaxanecpi qataq so ilaviigui ca lỹa da yaqto' inat, 'eeta': ¿Ca shenaqtec añim laỹe' da naỹamaxataxac Ñim Nataxala'? Ña qomi' qaua'aqtaxañima ca shenaqtec da she'eguelaxataxa ye maiche lma'.

1 Samuel 17:52

Nache so alleppi Israel le'ecpi, qataq som chegoxoguet so Judá ỹa'alaqtalec da nalaataxac, nache jec da icanapec som filisteopi, choche iviraxatta'a ye ca'amegue qataq ñeua laso'omi ye Ecrón. Qaq 'enauac som nqa'aic maye chegoqchiguiña ye Sagarayin da taỹa'a ye Gat qataq ye Ecrón, ỹataqta vichiguiiñalo na nalaatac filisteopi.

1 Crónicas 7:21

Zabad, Sutélah, Ezer qataq so Elad. Qaq se'eso lma' ye Gad, ỹalaua't co'ollaxa soua Ezer qataq so Elad, souaxat da soomaye decachetrega som 'atetpi.