1 Samuel 5:7 - La'aqtaqa Ñim Lo'onatac 'Enauacna 2013

⁷ Qaq so lma' ye Asdod co'ollaq ila'a de'era, nache somayepi 'enapeco': «Añi laỹe' da naỹamaxataxac Ñim Natamnaxala' ye Israel le'ecpi saishet qome da nache 'eetai' da qomi' netaiguilo, cha'aye Ñimaye qomi' sa ỹala'aque da qomi' iuaxaataleguete, qomi' qataq ñi Dagón, ñim qanatamnaxala'.»

Toba del Oeste

⁷ Ca'li yauata jogaa'me 'lachaqa't di'me Asdod da'me dojo' qama'le enapega't: «Jaga'me lae't daa'me lamajoĝonaĝaco ñe'me Nedios di'me Israel laje'pi, 'noota ta'le ja queta da'me qo'mi netauelo, qa'a joñe'me Dios yataqata qo'mi yachalo'te da'me lalemataic, choqoñe'me Dagón mach'e Qanedios.»

1 Samuel 5:7 Referans Kwoze

Éxodo 12:33

Nache so Egipto le'ecpi ỹataqta iỹalaqchet so Israel le'ecpi da sanaỹaloxon da ca'ai naqa'en yi'iye 'alhua, cha'aye tatapigui lauel da 'enauac nmichiguiñi da ileu.

Jeremías 48:7

'Am Moab, 'aupe'etega co'ollaxa da 'ara'añaxac, qataq da 'arsallaxa, qalaxaye nataqa'en 'am noxonec qome. Ñi 'anatamnaxala' Quemós qaỹauega qome ca lỹa 'alhua, caueegue' qanqa'en na ltaxaỹaxanaxanecpi qataq nam shiỹaxauapi maye 'amaqtaqaicpi.

Jeremías 46:25

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': «Aỹem sauo'o qome ca nhuaxanaguec ñi Amón, maye atamnaxala' ye Tebas, qataq ye Egipto cañe' ñaqa'en nam natamnaxala'pi, qataq nam lta'alpi, qataq ñi faraón qataq nam ỹa'amaqteetac ñimaye.

1 Crónicas 15:13

cha'aye so hua'auchiguiñi co'ollaq so'otaq de'era, nache qami' saishet da qauo'oche damaye, ỹoqo'oye Ñim Nataxala' maye Qanatamnaxala', huo'oi soua nqa't da nachaalataxac, souaxat da saishet da senataq ca 'eetec ca lataxac da lamaxasoxonaxac.»

2 Samuel 6:9

Qalaxaye se'eso na'a'q so David ỹataqta ñi'iỹa Ñim Nataxala', nache 'eeta': «¡'Onaxaico' qome da saishet da seroua'a ye ima' añi laỹe' naua lqataxaco Ñim Nataxala'!»

1 Samuel 6:20

Nache se'esopi lma' ye Bet Semes, 'enapeco': «¿Negue'tom ca ishet da nachaateua'a Ñim Nataxala', Ñim Lo'onatac 'Enauacna maye ỹataqta sa qaishetapec? ¿Qataq hua'ago' ca samaxasoxogue añi arca maye laỹe' da aỹamaxataxac?»

1 Samuel 4:8

¡Choxoraiqolqa qomi'! ¿Negue'tom ca ishet da qomi' nca'alaxateeguesopa da lhuaqỹaxac Ñim Lo'onatac 'Enauacna maye ỹataqta 'añaxaic? ¡Ñimaye nacheñi ñi ilaxachigui co'ollaxa so egipciopi co'ollaq hualec ye toolec 'alhua, irolec so ỹotta'a't nalolaxapi.

Éxodo 10:7

Nache so ltauapi so faraón, 'enapeco': «¿Chaq laguio', qaq ỹaxaañi da qomi' sa ỹalemaxa't se'esoua ỹale't? No'on taxa da 'aua'aqta'a da jec yi'iye shiỹaxauapi, da yaqto' natamnot cam Lataxala' maye Natamnaxala'. ¡Peta'a saisheto' da 'auanoma da mashe nlatañi na Egipto!»

Éxodo 9:28

Qaq cha'aye mashe qalota na nalataxa qataq ana lache maye namaq Ñim Lo'onatac 'Enauacna, qaq nagui saishet qome da qami' ñellerañi. Qalaxaye qauỹaxañiỹot qome Ñimaye da qomi' qanqouagaxauñeeleguete, yaqto' qami' sasheetrec da qoqui.»

Éxodo 8:28

Nache so faraón 'enapeco': «Aỹem qami' sasheetrec da qanqo'oñiỹa ye toolec 'alhua, da yaqto' qauavigaxache aca qarachetaqtaxanaqche da qaỹa'añiỹot Ñim Nataxala' maye Qanatamnaxala'ai. Qalaxaye saishet da ỹapactec qami' qaỹoqteguelo. Qaq nataqa'en aỹem qanqouagaxauñeelec qome».

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

1 Samuel 5:6

Nache Ñim Nataxala' ỹataqta sa ỹala'ac da iuaxan so lma' ye Asdod qataq som netaleguete soua lauoreu' 'aleu', qataq irolec aso na'agotaqte late'e da ique'emaqchet.

1 Samuel 5:8

Qaq ỹoqo'oye somayepi damaxasoxona 'enauac so nataxala'pi filisteopi da laỹona't, nache dataiguet somayepi, nache inato' somayepi, 'eeta': ¿Chaq shenaqtec añim laỹe' da naỹamaxataxac Ñim Natamnaxala' ye Israel le'ecpi? Nache somayepi 'enapeco': Qomye qanquigaxachiỹa ye huaqta'a't nỹecpi ye Gat. Nache so filisteopi ỹache asomaye, nache nquigaxata yemaye.