1 Samuel 5:6 - La'aqtaqa Ñim Lo'onatac 'Enauacna 2013

⁶ Nache Ñim Nataxala' ỹataqta sa ỹala'ac da iuaxan so lma' ye Asdod qataq som netaleguete soua lauoreu' 'aleu', qataq irolec aso na'agotaqte late'e da ique'emaqchet.

Toba del Oeste

⁶ Qama'le ñe'me Jaliaĝanec yataqata yaloĝonalo da'me lalemataic, qama'le en najaqachiguilo da'me loqolanaqa't jogaa'me 'lachaqa't di'me Asdod, nataq'aen ena'uaque jogaa'me neteda'ña di'me aleua. Ñe'me Dios en nenoĝodijeguem naa'me loje' joga'me daloĝo nataq'aen e'n nala't, qama'le jogaa'me degueja da'me lachoĝode'j.

1 Samuel 5:6 Referans Kwoze

1 Samuel 5:11

Qaq cha'aye 'enauac se'eso huaqta'a't nỹecpi lagoigui da ileetapeguem da lli'iỹaxa, souaxat da sansatta nhuaxanaguec maye namaxa Ñim Lo'onatac 'Enauacna, nache damaxasoxona 'enauac so nataxala'pi filisteopi, nache 'enapego', 'eeta': «Qavi'iguelaxachiỹa qome cam chegoqchiguiña co'ollaxa añi laỹe' da naỹamaxataxac Ñim Natamnaxala' ye Israel le'ecpi, yaqto' saishet da qomi' nmatchiyiñi da qomi' ỹalaua't.»

Hechos 13:11

Nagui Ñim Lo'onatac 'Enauacna 'am iuaxanec qome da yaqto' sa 'anauaañi, nache ỹataqta huo'oi caua na'axa'te da sa 'anauane' añi nala'. Huaña, nache so Elimas 'o'm naua la'ai'te. Nache nmittaique da huo'o ca ỹaueca'aguet somaye, cha'aye saishet da nauaañi.

Salmos 32:4

cha'aye ye na'a'q qataq ye pe, qalaq da 'arhuaqỹaxac huetalec da sheeta. Nache sheeta'am aca lauoxo maye daqaqtañi, souaxat na le'eraxa aso nala' da ivita ye cotap, qaq 'era da 'eetec da saỹañicra.

Deuteronómio 28:27

Ñim Nataxala' ỹo'ot qome da 'am ique'ete'n aca na'agotaqtepi, cagaxai, nhuetapi, qataq ca nquesaxa maye qaica ca lata', 'eeta'am co'ollaq huaña ye Egipto.

Éxodo 9:3

nache Ñim Nataxala' namaq qome da la'añaxac, talec naqa'en na 'ana'atetpi maye huetauga na no'onaxa, nache huo'o qome ca lapiina lta'araic. Nache ileu na caipi, 'ashenapi, nauanaxanaxapi, huacapi qataq ana qaguetapi›.

Salmos 78:66

nache loxonec so mpa'aguenaxauapi qataq datauec naqa'en, nache ỹo'otec da tatec naqa'en da la'aloxo somayepi.

1 Samuel 5:7

Qaq so lma' ye Asdod co'ollaq ila'a de'era, nache somayepi 'enapeco': «Añi laỹe' da naỹamaxataxac Ñim Natamnaxala' ye Israel le'ecpi saishet qome da nache 'eetai' da qomi' netaiguilo, cha'aye Ñimaye qomi' sa ỹala'aque da qomi' iuaxaataleguete, qomi' qataq ñi Dagón, ñim qanatamnaxala'.»

Da na'aqtaguec so Job 31:3

Cha'aye ¿saisheto' peta'a da sa nachena na qauemaicpi da nlaguiñi qanqa'en, qataq na 'etaxaloxoicpi da talec qanqa'en da lachoxoyecỹaxac?

1 Samuel 5:9

Qalaxaye co'ollaq mashe ime da qanquigaxat, nache Ñim Nataxala' ỹo'ot da lli'iỹaxa se'eso netaigui se'eso huaqta'a't nỹecpi, souaxat da ique'emaqchetec aso nachecai late'e, natcheguemalo naqa'en na lo'oc so ỹepi, qataq so ñaqpiolec.

Salmos 145:20

Ñim Nataxala', ntela'a 'enauac nam ỹauotec Ñimaye, qalaxaye taỹa'a da nlaxaañi 'enauac na 'etaxaloxoicpi.

Salmos 147:6

Ñim Nataxala', nauaxaỹaxaasheguem na choxoraqpi, qalaxaye huetaiya' naqa'en na qauemaicpi.

Génesis 41:31

Qaq ỹataqta lta'araic qome que'eca nhuenaxanaxa, huaña qome nache qaica ca ntooneque caua vi'iye maye huaiguilo da qaica ca qaiueetac.