1 Samuel 5:4 - La'aqtaqa Ñim Lo'onatac 'Enauacna 2013

⁴ Qalaxaye so nte'etom so lỹa na'a'q, nache qaltaq qailalec so ne'enaqtac lqui'i so Dagón da huetaiya', hueta'aguet na 'alhua hueto'ot aso laỹe' da naỹamaxataxac Ñim Nataxala'. So lqaic qataq soua lhuaxaye qalaq mashe huacaguerec, nache huetralec so nqauaxala' so lasom. Qaq nachaqsota so lasot da no'onañi da no'oitai'.

Toba del Oeste

⁴ Qalaĝaja nete' laqaya ca'li, yitaĝa ueta'añdi ñe'me Dagón, dajo'tot jaga'me lae't daa'me lamajoĝonaĝaco ñe'me Jaliaĝanec. Male yauata da'me qoyichaĝadegue ga'me laqaic choqogaa'me loua', ueteda'ña joga'me qotayape'uo. Nach'egata ga'me lajot da'me maqachaĝa nalo'ta't.

1 Samuel 5:4 Referans Kwoze

Miqueas 1:7

Qataq dolachigui 'enauac nam natamnaxala'pi, qataq ỹavicta 'enauac anam natamnaxalatepi qo'oipaq lamopi. Nache aỹem ñelaxatchiguiñi qome nam natamnaxala'pi, cha'aye namayepi chegaqaigui ana nsheetenaqte ana quisheguetaxaipi, huaña qome nache qaltaq ỹe'eguelaxa ñaqa'en da nsheetenaqte da quisheguetaxac.

Jeremías 50:2

«Qaua'axachem qome de'era nam ỹotta'a't shiỹaxauapi. Qanauaxaỹaxañiisheguem qome aca la'anaqte, qaua'axacheeuec saishet da qo'oxocheetañi, nacherata da qoñeeta': ‹¡Ye Babilonia noxonec qome! ¡Ñi atamnaxala' Bel qalaq huo'o qome da la'aloxo, qaq ñi atamnaxala' Marduc qalaq nlaqchigui da lcolanaxa! ¡Nam lqolacpi qataq na saq'en natamnaxala'pi qalaq qane'eetapigui qataq nlaqchigui da lli'iỹaxa!›

Jeremías 10:11

Qami' Israel le'ecpi, qaua'aqtaxañim nam ỹaqa'a da la'amqaanataxanaxac, qoñeeta': «Nam atamnaxala'pi maye saishet da ỹo'ot co'ollaxa na piguem qataq ana 'alhua saishet qome da queta da netalec ana 'alhua, qataq saishet da huo'otaq 'oonolec ca hueta'a na mpa'aguiñi na piguem.»

Daniel 11:8

Qaq nataqa'en era'a qome ye Egipto ca atamnaxala'pi maye chegaqaigui na nqatelliguishec lcat, qataq cam laỹepi no'on nogoxoshetpi maye chegaqaigui na oro qataq na lcat plata. Qaq qom huo'oi caua inoxoorec vi'iye, da qaica ca alaataxac que'ecaua dos 'alhua,

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

1 Samuel 6:5

Qaq nache, qauo'oche qome ca qare'enaqtaqui, qaue'enaxachiichigui ana na'agotaqtepi qataq ana chegoxonaxapi maye nlaxattapiguiñi na qana'alhuai, qataq huo'o naq 'enec qanqa'eñi Ñim Natamnaxala' ye Israel le'ecpi, shapegueto' qom vi'iiguet naqa'en da qanhuaxanaguiiqui, qataq da nhuaxanaguec nam qanatamnaxala'aipi qataq na qana'alhuai.

Isaías 40:20

Cam ỹo'ot ca le'enaqtac qo'oipaq qalaq lca'aua'a na qo'oipaq maye sa lto, qataq nmitaique ca sa nqalaate' da ỹa'ayiñi na ne'enaqtac da yaqto' saishet da hua'axañi.

Jeremías 10:14

Qaq 'enauac na shiỹaxauapi qaica ca lauattonaxanaxac qataq ca laỹaanataxanaxac. Na ne'enaqtacpi lo'opi qalaq da'aguelec na le'enaqtacpi, cha'aye da lo'onataxanaxac namayepi choche natenataxanaxac: qaq nam le'enaqtacpi namayepi qaica ca lca'alaxa,

Jeremías 10:15

namayepi qaica ca naigui, nda'a't da qane'eetapigui, qaq Ñim Nataxala' qom ivita ca lhuaxanaxanaxac, nache ilaxachigui namayepi.