1 Samuel 5:3 - La'aqtaqa Ñim Lo'onatac 'Enauacna 2013

³ Qaq so lỹa na'a'q, co'ollaq ñisheguem so lma' ye Asdod, nache ilalec so ne'enaqtac lqui'i so Dagón da huetaiya', nqapaxaatañi hueta'aguet na 'alhua, hueto'ot na laỹe aso arca maye laỹe' da naỹamaxataxac Ñim Nataxala'. Nache nauaxaỹaxaasheguem somaye, nache qaltaq ỹe'eguelaxatchiguiña som netaña co'ollaxa.

Toba del Oeste

³ Nete' laqaya, ca'li gaa'me 'lachaqa't di'me Asdod yec'adeta, qama'le yauata ñe'me Dagón da'me ueta'añdi dajo'tot jaga'me lae't daa'me lamajoĝonaĝaco ñe'me Jaliaĝanec. Qama'le yitaĝa qoyachimaĝachiñi ñe'me Dagón, qoyana'ña ga'me jo'ne chiyaqa'ña.

1 Samuel 5:3 Referans Kwoze

Isaías 19:1

Qaỹa'axata'a dam talec qome ye Egipto. Ña qauloỹeeguet nam Nataxala', netalec na ỹataqta qayaqaic lo'oc na piguem da naỹa'a ye Egipto. Qaq nam atamnaxala'pi ye Egipto qalaq iviloxol qom nvi' namaye, qataq nlaxagui qome da lli'iỹaxa ye Egipto le'ecpi.

Isaías 46:7

Ime nache ỹachalec na lallac da ỹache, da yaqto' ỹanalec cam lmala' naqa'en, qaq nache netaña camaye nache saishet da deraỹapigui'. Qaq na'aictaxa da ỹa'alaqto'ot da iỹaxaataique cam ltaunaxanaxac qalaq saishet da ỹasat, qataq saishet nca'alaxateeguesop da lta'araic nque'eenaxac.

Sofonías 2:11

Ñim Nataxala' ỹataqta huo'o da lchec qom dataỹa'aguet namayepi. Cha'aye ilaxachigui qome 'enauac na atamnaxala'pi yi'iye 'alhua, qaq huaña qome nache 'enauac nam pa'aiguelo da qaỹo'oxoren Ñimaye, ivira'a nam shiỹaxauapi maye netaleguete nauatai' ỹaqa'atalo 'alhuole.

Marcos 3:11

Qaq nam saqcha'a na'añaxacpi leguemaxaicpi co'ollaq ilo'ot So Jesús, nache huañipi qataq ỹa'alaqtagui, 'eeta': «¡'Am nache 'am Llalec Ñim Lo'onatac 'Enauacna!»

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Isaías 41:7

Na lo'o na ne'enaqtac qalaq ỹa'añaqchet ca lo'o na lcat plata, qaq ca nhuaxanaxanaqte lo'o qalaq ỹa'añaqchet ca do'onataxaatega ca nhuaxanaxanaxala', nache 'eeta': «¡Ỹaỹamaqchiguiñi na 'anapareetega't!» Qaq ime nache ỹauo'o ana ltoqnaqtepi clavos da yaqto' saishet da hua'axañi.

Isaías 40:20

Cam ỹo'ot ca le'enaqtac qo'oipaq qalaq lca'aua'a na qo'oipaq maye sa lto, qataq nmitaique ca sa nqalaate' da ỹa'ayiñi na ne'enaqtac da yaqto' saishet da hua'axañi.

Salmos 97:7

Nache 'enauac na atamnaxala'pi natamnot Ñimaye. Qaq huaña nache huo'o da la'aloxo 'enauac nam natameetacot na ne'enaqtac atamnaxala'pi nam ỹo'oxoreetac na atamnaxala'pi maye qaica ca naigui.

Éxodo 12:12

Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.

1 Samuel 6:5

Qaq nache, qauo'oche qome ca qare'enaqtaqui, qaue'enaxachiichigui ana na'agotaqtepi qataq ana chegoxonaxapi maye nlaxattapiguiñi na qana'alhuai, qataq huo'o naq 'enec qanqa'eñi Ñim Natamnaxala' ye Israel le'ecpi, shapegueto' qom vi'iiguet naqa'en da qanhuaxanaguiiqui, qataq da nhuaxanaguec nam qanatamnaxala'aipi qataq na qana'alhuai.

1 Samuel 6:1

Aso arca maye laỹe' da naỹamaxataxac Ñim Nataxala' ivi' siete soua ca'agoxoiqa da netaña so na'alhua so filisteopi.

1 Reyes 18:26

Nache somayepi ỹaconeua'a so huaca maye qoỹaneuo nache ỹo'ot, qaq nache chegoqchiguiña so nte'eta da iỹaxaatacot so Baal, nache choche ivitta'a so na'a'q laiñi da ñe'eguelaxattauec da, 'eeta': «¡'Am Baal, ña qomi' 'auasategueta!» Nache somayepi queto'ot da dasottac, coleeta'asop aso nca'atoxonaxalate maye maiche lo'onata somayepi, qalaxaye qaica da huo'otaq huo'o ca qaỹa'axaỹa da ỹasateguet somayepi.

Salmos 115:7

qataq huo'oi naua lhua'q qalaxaye saishet da depotaxan, qataq huo'oi naua lapia'ate qalaxaye saishet da queuoỹapigui', qataq saishet da qaỹa'axaỹa ca lavilỹaxac ana lqoichiqui.