1 Samuel 5:2 - La'aqtaqa Ñim Lo'onatac 'Enauacna 2013

² Ime, nache ỹanaigui aso atamnaxaqui maye netaigui so atamnaxala' Dagón, nache ỹauaxaỹaxaate' se'eso atamnaxala'.

Toba del Oeste

² Yacota jaga'me lae't daa'me namajoĝonaĝaco qama'le yanedaue ga'me tamenaqa' joñe'me qop'iya'a jo'ne Dagón, qama'le qoyen nichi'ña lae joñe'me.

1 Samuel 5:2 Referans Kwoze

Jueces 16:23

Qaq huo'o so na'a'q nache so 'amaqtaqaicpi lataxala'pi so filisteopi, ỹo'ot so laponaxac da ỹo'ot so lta'araic lquia'axac da yaqto' ỹo'ot aso lachetaqtaxanaqte da ỹanot so natamnaxala' Dagón. Nache do'onaxaatac, 'eeta': «Ñi qanatamnaxala' qomi' ỹanema da qoroxonec ñi Sansón maye qampa'aguenaxaua.»

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Daniel 5:2

Qaq souaxat so lataxa nache so Belsasar damaxasoxoneuga da qandouo aso ỹomaxaquipi oro, qataq plata, maye so lta'a Nabucodonosor ỹachegoxota'a co'ollaxa aso atamnaxaqui maye naña ye Jerusalén, da yaqto' somaye nỹomgui asomayepi, qataq so 'amaqtaqaicpi maye icoyeguen co'ollaxa, qataq aso lhuapi, qataq asom ỹaqauga lhuapi.

1 Crónicas 10:10

Qaq ime, nache soua lo'ogoxonaqa'ate so Saúl, qoỹaaraigui aso atamnaxaqui maye netaigui so atamnaxala'pi, qataq qoỹanasheguem so lqaic so Saúl, qoỹanaigui aso atamnaxaqui maye netaigui so Dagón.

Habacuc 1:16

Qaq ỹoqo'oye namayepi ỹataqta ỹo'oxoren na laleguecpi qataq ana lqoinapi, nache ỹanot nam lachetaqtaxanaxat qataq ỹavigaxat na nchenaxanaxat da ỹo'oxoren namayepi, cha'aye nache chegoqchigui namayepi da sa qoue da lquia'axac namayepi.

Habacuc 1:11

Qaq huaña nache 'eeta'am ca la'at lta'araic nache huo'o qome da lasouaxashet, souaxat da 'eetega natamnaxala' da maiche lalamaxat la'añaxac».

1 Crónicas 10:8

Qaq so lỹa na'a'q co'ollaq so filisteopi tauga da ỹacona so logoxoshetpi so leuaxaicpi, nache ilalec so Saúl qataq soua llalqa da ileu', huetralec añi qasoxonaxa Gilboa.