1 Samuel 5:1 - La'aqtaqa Ñim Lo'onatac 'Enauacna 2013

¹ Qaq so filisteopi co'ollaq ime da loxona aso arca maye laỹe' da naỹamaxataxac Ñim Lo'onatac 'Enauacna, nache ỹache ỹachegotchiguiña ye Ebenezer da ira'a ye Asdod.

Toba del Oeste

¹ Ca'li deuodaĝatec jaga'me lae't daa'me Dios lamajoĝonaĝaco jogaa'me filisteopi, qama'le yachiyoĝoteda'ña di'me Eben-ézer jaga'me, da'me yedotegue di'me noic jo'ne lenaĝat da'me Asdod.

1 Samuel 5:1 Referans Kwoze

1 Samuel 7:12

Qaq co'ollaq ime, nache so Samuel ỹacono' so 'oonolec coma' nache ỹananguilo yeua Mispá qataq ye Sen, nache ỹanagui da le'enaxat Ebenezer, cha'aye 'enapeco': «Choche ivitta'a nagui da Ñim Nataxala' ña qomi' itauaata'ape.»

1 Samuel 4:1

qataq nache huaña naxa so Samuel, da'aqtaxanem 'enauac so Israel le'ecpi. Qaq se'esoua na'axa'te, so Israel le'ecpi huenoxonec da delogui' so filisteopi, nache hua'a ye saqaỹapeque ye Ebenezer. Qaq so filisteopi, qalaq nache hua'a ye Afec,

1 Samuel 4:22

Nache nlamaxaren da 'enapec: Na Israel le'ecpi mashe qaica so llo'oxoyec, cha'aye mashe qaiuotaxanec aso laỹe' da naỹamaxataxac Ñim Lo'onatac 'Enauacna.

Josué 13:3

chegoqchiguiña so la'auaxac Sijor, maye pa'aỹa'ague da yo'oxoñi ye Egipto, nache ivitta'a so loga't ye Ecrón, maye pa'aỹa'ague da sheu', qaq yemaye qoỹeetegacnaxa na'alhua nam Canaán le'ecpi. Qaq yemaye nache netraña yeua cinco nataxala'ate Filistea lashe', qaq yeemaye nache lataxala'ate na lma' ye Gaza, Asdod, Ascalón, Gat qataq ye Ecrón. Nataqa'en ñaq no'onañi ye na'alhua ye aveopi,

Hechos 8:40

Nache so Felipe hueta'a co'ollaxa ye nỹecpi Azoto. Huaña, nache quetaguilo naua nma'ate, ỹa'axattac da no'on na'axaỹaxac, choche ivitta'a ye nỹecpi Cesarea.

1 Samuel 4:11

Qaq nataqa'en qaiuotaxanec aso arca maye laỹe' da naỹamaxataxac Ñim Lo'onatac 'Enauacna, qataq qaỹalauat so Jofní qataq so Finés, maye llalqa so Elí.

Josué 11:22

Qaq ỹoqo'oye ỹataqta qaica ca no'onalec da netalec yem na'alhuapi so Israel le'ecpi som chegoxoguetpi so shiỹaxaua logoraic le'enaxat Anac. Qaq nacheyeta ye Gaza, qataq ye Gat, qataq ye Asdod da huo'o na no'onalec somayepi.

Salmos 78:61

Huaña nache Ñimaye ỹasheetem na mpa'aguenaxauapi namayepi, da ishet da loxona aso la'anaqte da llo'oxoyec qataq la'añaxac.

Isaías 20:1

Qaq huo'o so huaña, nache so nta'a Sargón maye lma' ye Asiria, ỹamaxa ye huaqta'a't nỹecpi Asdod som 'amaqtaqaic lataxala' so alleppi. Nache somaye iloquiaxan yemaye, nache loxonec.

Amós 3:9

Ña qaua'aqtaxañi qome da huaña na nma' lta'araicpi ye Asdod, qataq da huaña na nma' lta'araicpi ye Egipto, qoñiita': «Qalapoñiỹa't qome huaña aye qasoxonaxapi ye Samaria, nache qaumichiñi da qaica ca laỹamqa' nam hueta'a yemaye, qataq da ỹataqta qaica ca qairen na hueta'a yemaye».

1 Samuel 6:1

Aso arca maye laỹe' da naỹamaxataxac Ñim Nataxala' ivi' siete soua ca'agoxoiqa da netaña so na'alhua so filisteopi.