1 Samuel 4:9 - La'aqtaqa Ñim Lo'onatac 'Enauacna 2013

⁹ ¡Qana'añaxache qome qami' filisteopi, yaqto' saishet da qaviyeeta'a da qami' l-lataqa ye hebreopi, yaqto' saishet da qoñiita'am yemayepi da choche qal-latacpi! ¡Saishet da qayi'iitac, qauacoñiỹa da qami' ỹale't da qauloqui!

Toba del Oeste

⁹ ¡Ami filisteopi, 'noota qom 'ñañaĝataĝala't! ¡Jaconaĝaguet da'me qat'añaĝac da'me jeloiquiaq, qaedi ja qo'mi 'te lelataqa gaa'me hebreopi, ena'am da'me mach'e qadelataqa ca'li! ¡Jaconaĝaguet da'me yataqata qo'mi jiyaĝa'u qama'le jeloiquiaq!»

1 Samuel 4:9 Referans Kwoze

1 Corintios 16:13

Ỹataqta qanloitec, qataq qana'añaxacheetec da qarpi'iỹaxaqui. Qaue'enaxache ca shiỹaxaua ỹataqta qaramchigui qataq 'añaxaic.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.

2 Samuel 10:12

¡Qaq 'ana'añaxat qome! ¡Ña'añaxataq da seloquiaxalec na qarhuo' le'ecpi, qataq na huaqta'a't nỹecpi maye lalamaxat Ñim Lo'onatac 'Enauacna! Qaq Ñim Nataxala' maiche ỹo'ot qome cam 'eetapeguec.»

Isaías 33:1

¡Choxoraxaso' 'am maye 'anhuottac na shiỹaxauapi, qalaq ỹauana da 'am qanhuo', qataq 'auque'elaqtaxan naxa qalaq ỹauana da 'am qaique'elaxat! Cha'aye qom 'aumat da 'anlaxaañi namayepi, nache 'am qanlaxaañi qome, qataq qom ime da 'arque'elaqtaxanaxac, nache nataqa'en 'am qaique'elaxat qome.

Jueces 10:7

Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so filisteopi qataq so 'amoniitapi.

Isaías 14:2

Nache qalota qome cam ỹotta'a't shiỹaxauapi cam ỹaconeguet qome na Israel le'ecpi, nache nnaicapegue' camayepi nache iviraxatta'a ye maiche na'alhua, nache na Israel le'ecpi ỹauo'o l-latacpi camayepi qom huaña ye na'alhua Ñim Nataxala'. Qataq na Israel le'ecpi icoñi' qome nam hua'auñi da icoñettai' co'ollaxa namayepi, qataq maiche ỹoiqueetac nam saiyacnapec co'ollaxa namayepi.

1 Samuel 4:8

¡Choxoraiqolqa qomi'! ¿Negue'tom ca ishet da qomi' nca'alaxateeguesopa da lhuaqỹaxac Ñim Lo'onatac 'Enauacna maye ỹataqta 'añaxaic? ¡Ñimaye nacheñi ñi ilaxachigui co'ollaxa so egipciopi co'ollaq hualec ye toolec 'alhua, irolec so ỹotta'a't nalolaxapi.

1 Samuel 14:21

Qaq nataqa'en som hebreopi maye mashe salquishe'egue da ỹalectaigui so filisteopi qataq nache lỹatac co'ollaxa somayepi da ỹalectaigui so nalleppi, somaye huaxaiguet co'ollaxa so Israel le'ecpi maye nnaictague' so Saúl qataq so Jonatán.