1 Samuel 4:4 - La'aqtaqa Ñim Lo'onatac 'Enauacna 2013

⁴ Huaña nache so Israel le'ecpi huo'oi soua ỹamaxalo ye Silo da yaqto' ndoi' aso arca maye laỹe' da naỹamaxataxac Ñim Nataxala' maye Qaica ca Ỹaqalanapec, maye netanguilo soua dos ne'enaqtaqa maye huo'oi na laua't. Qaq so Jofní qataq so Finés som dos llalqa so Elí, nache pa'atra'agueta da ilotrague' asa'aso arca maye laỹe' da naỹamaxataxac Ñim Lo'onatac 'Enauacna.

Toba del Oeste

⁴ Qama'le jogaa'me Israel laje'pi damajoĝota di'me Siló qaedi qoyachi jaga'me lae't daa'me lamajoĝonaĝaco ñe'me Jaliaĝanec jo'ne napacalegue ena'uac, jo'ne 'uo da'me lejaliaĝa jo'ne uetauelo gaa'me querubines. Nach'eñe ñe'me Hofní nataq'aen Finees, jo'ne c'oqo'te ñe'me Elí, neteleta ca'li jaga'me lae't da'me lamajoĝonaĝac ñe'me Dios, qama'le nach'e ena'am quetedapegue'.

1 Samuel 4:4 Referans Kwoze

2 Samuel 6:2

nache so David chegoqchiguiña ye Baalá maye huaigui ye 'alhua Judá, nache lỹatec 'enauac so nalleppi da nqochenaxat aso arca maye laỹe' soua lqataxaco Ñim Nataxala', asom huaña naxa da qaiỹaxana da le'enaxat Ñim Lo'onatac 'Enauacna maye Qaica ca Ỹaqalanapec maye netaleguete soua ne'enaqtaqa shiỹaxau' maye huo'oi naua laua't datatralec ye nso'onqa' Ñimaye da Nta'a.

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.

Salmos 99:1

Ñim Nataxala' nacheñi ñi Nta'a, añi nso'onaxaqui Ñimaye netanguilo soua ne'enaqtaqa le'enaxa't querubines, qaq na ỹotta'a't shiỹaxauapi ỹataqta iviloxol, qataq ana 'alhua ỹataqta cholaxan qome.

2 Reyes 19:15

Nache so Ezequías nqouagaxaunot Ñim Nataxala', 'eeta': «'Am Nataxala', maye Natamnaxala' na Israel le'ecpi, maye aca 'anso'onaxaqui netanguilo soua querubines, qataq nache 'amta da 'Am Atamnaxala' maye 'aulotalec 'enauac nam ỹotta'a't maye huetalec ana 'alhua, 'am 'aro'onatac co'ollaxa na piguem, qataq ana 'alhua.

Malaquías 1:9

Qaq nagui, qauỹaxañiỹot qome Ñim Lo'onatac 'Enauacna da yaqto' qomi' ichoxore'n. Qalaxaye da qaỹa'añiỹot Ñimaye aca qarachetaqtaxanaqche, maye 'eeta'am namayepi, nache saishet qome da qaupicheetega da Ñim Lo'onatac 'Enauacna qami' ỹamaategueta. Qaq Ñim Nataxala' maye Qaica ca Ỹaqalanapec 'eeta':

1 Samuel 2:22

Qaq so Elí, mashe ỹataqta ỹa'axaiquiolec, qalaxaye ỹaỹaten 'enauac nam ỹo'ottrac soua llalqa maye ỹo'otec so Israel le'ecpi, qataq ỹaỹaten da soomaye lauatrapiguiñi' so 'alpi maye huetague' som ñegueuo so npe'l maye huaña naxa da qanauane' Ñim Lo'onatac 'Enauacna.

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 4:5

Da ivita da jec ne'ena nhuo' le'ecpi, nache so Aarón qataq na llalaqpi, nachena na nqat qome ca lapoxot ca ñegueuo ca npe'l, nache dapoxona camaye da ỹapolec añi arca maye laỹe' da aỹamaxataxac.

1 Samuel 1:24

Qaq co'ollaq mashe ỹaxaañi da l-llepaxac so nogotolec, qalaxaye somaye ñaq qapio'olec, nache ỹauegueua'a aso atamnaxaqui maye lalamaqte Ñim Nataxala' maye naña ye Silo. Nataqa'en ỹauegueuo so huaca llalec maye mashe ivi' soua tres vi'iye, qataq so veinte litro so 'ayiiña, qataq aso 'oonole lo'oc na shiguiỹac nlaqchigui so lataxa.

2 Samuel 15:24

Qaq nataqa'en ỹalectaigui somayepi so Sadoc, qataq so leviitapi maye ỹachetac aso arca maye laỹe da naỹamaxataxac Ñim Lo'onatac 'Enauacna. Qalaxaye somayepi ỹa'axaneguet asomaye, nache no'onaxata'aguet so Abiatar, nache ivitta'a da inoxonec 'enauac se'eso shiỹaxauapi da ca'ai so huaqta'a't nỹecpi.

Isaías 37:16

«'Am Nataxala' maye Qaica ca 'Auqalanapec, maye 'Am Natamnaxala' na Israel le'ecpi, qataq añi 'anso'onaxaqui netanguilo ñeua ne'enaqtaqa le'enaxat querubines. Qataq nachaq 'amta da 'am natamnaxala', 'enauac nam nta'alpi ana 'alhua. 'Am maye 'auo'ot co'ollaxa na piguem qataq ana 'alhua.

1 Samuel 14:3

Qaq so nhuomaigui lomaxaqui le'enaxat efod qalaq ỹachetac so Ahias, so llalec so Ajitob, qataq lasoshec so Icabod, som llalec so Finés, qataq laual so Elí, som ltaxaỹaxanaxanec Ñim Nataxala' co'ollaq huaña ye Silo. Qaq se'eso nhuo' le'ecpi saỹaỹaten co'ollaxa da jec so Jonatán.

Salmos 80:2

Ỹauaachigui 'anqa'en na Efraín, Benjamín, qataq na Manasés, da 'anlouec qataq 'auanac da qomi' 'anca'alaxatrec.