1 Samuel 4:10 - La'aqtaqa Ñim Lo'onatac 'Enauacna 2013

¹⁰ Huaña nache so filisteopi jec da iloquiaxan so Israel le'ecpi nache loxonecpi, ỹoqo'oye datauec somayepi, ỹe'egueneua'alo soua lma'ate. Qaq se'eso na'a'q ỹataqta qalota so qaỹalauatpi, ivi' treinta mil so ileu so nalleppi so Israel le'ecpi.

Toba del Oeste

¹⁰ Chane'eja jogaa'me filisteopi deloi'ye'to jogaa'me Israel laje'pi, qama'le noma't jogaa'me, e'n yapiyetegue ga'me lomachaqa't. Yataqata t'adaic ga'me nalataĝanaĝac, qa'a treinta mil jogaa'me nalada't lo'ol jo'ne Israel laje'pi qoyala't.

1 Samuel 4:10 Referans Kwoze

2 Reyes 14:12

Nache so Israel le'ecpi, nauec co'ollaxa so Judá le'ecpi, nache so Judá le'ecpi, datauec ỹe'eguelaxalo soua lma'ate.

1 Samuel 4:2

nache nlagaxaañi somayepi da yaqto' iloquiaxan so Israel le'ecpi, qaq co'ollaq delogoỹa't nache so filisteopi loxonec so Israel le'ecpi, nache ỹalauat so cuatro mil hualec naqa'en ye no'onaxa.

Deuteronómio 28:25

Qataq 'am loxonec naqa'en qome ca 'ampa'aguenaxauapi, na'aictaxa da qanaloichiguiñi da qanqo'oñiỹa da qanalaache' camayepi, qalaxaye qanlagaxacheetac qome da qauataiueeguesop camayepi. Nache 'enauac na ỹotta'a't shiỹaxauapi 'am ỹe'enai' qome.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

2 Samuel 18:17

Nache qaỹacoosop so lo'ocỹaxac so Absalón, nache qaỹasaxangui so auac maye naigui so aviaq, ime nache qaimeelec, logosheguem qanqa'en na coma'. Huaña co'ollaxa nache datauec so Israel le'ecpi, taỹa so lma'pi.

Salmos 78:9

Na maiche nhuo' le'ecpi maye chegoxoguet so Efraín, maye na'atchiguiñi na lo'ogoxonaxat qataq na lchecnecpi qataq ana lchecnapi, qalaq namayepi datauec so na'a'q maye huaigui so loquiaxac.

2 Crónicas 25:22

Huaña nache so Israel le'ecpi loxonec so Judá le'ecpi, nache ñi 'oonolec so Judá le'ecpi datauec, ỹe'eguenalo naua lma'ate.

2 Crónicas 13:17

Nache so Abías, qataq so nalleppi ỹataqta qalota so ỹalauatpi co'ollaxa, qaq se'eso alaataxac nache ỹalauat so quinientos mil alleppi maye lca'aguishecpi so Israel le'ecpi.

1 Reyes 22:36

Qaq co'ollaq mashe yaqta'a da inoxooñi aso nala', nache qaicoyeguen so alleppi, qoỹeeta': «Ñi 'oonolec da qoñiita ỹe'eguelaxa qome ca lma' qataq ca na'alhua,

1 Reyes 12:16

Nache se'eso nhuo' le'ecpi co'ollaq ila'a da so nta'a, saishet da ỹoqocha'a da 'eetapeguec somayepi, nache somayepi nmasheguem, da 'eeta': «¡Qomi' saishet da saqtapegueua'a na lalamaxatpi so David! ¡Qataq saishet da ñeuanaqaua'a na lalamaxatpi so llalec so Yesé! ¡Qaq qomi' Israel le'ecpi, no'ono' da ñeqo'onaxalo naua qarpele'ete! ¡Qaq som David qalaq maiche ilo'ogue na maiche lalamaxatpi!» Huaña nache so Israel le'ecpi ỹe'eguelaxalo naua lpele'ete.

2 Samuel 20:1

Qaq huo'o so qauemaic shiỹaxaua netaña ye Gilgal, somaye chegoxoguet so Benjamín, le'enaxat Sebá, som llalec so Bicri. Somaye ỹashiiyigui co'ollaxa aso nasheere peenaq lcoue, nache 'eeta': ¡Qami' Israel le'ecpi, 'onaxaic da 'enauac she'eguelaxasaxalo naua qarma'ate, cha'aye qaica da huo'o ca ñeuanaqaua'a, qataq da huo'o ca qomi' taleguete nataqa'en da seca'ataqtague' so David, som llalec so Yesé!

2 Samuel 19:8

Nache so nta'a ñisheguem co'ollaxa, nache taña so ñegueuo se'eso huaqta'a't nỹecpi, nache nso'ooñi. Qaq so shiỹaxauapi co'ollaq la'axaỹaxac da so nta'a netaña so ñegueuo se'eso huaqta'a't nỹecpi, nache 'enauac somayepi nqo'ona da nachaateua'a somaye. Qaq so Israel le'ecpi, qalaq 'enauac co'ollaxa da mashe ỹe'eguenalo naua lma'ate.

2 Samuel 18:7

Nache se'eso nalleppi so David, loxonec co'ollaxa so Israel le'ecpi. Qaq se'eso na'a'q, ỹataqta qalota so nalaatac shiỹaxauapi, ivi' veinte mil so ileu so nalleppi so Absalón.

Deuteronómio 28:15

Qalaxaye da saishet da 'aualaxaguet Ñim Nataxala' maye 'Anatamnaxala', qataq da saishet da 'auo'ot 'enauac na lamaxasoxonaxacpi, qataq na lqataxacpi maye 'am samaxalec nagui da 'auo'ot, nache 'am talec qome 'enauac ne'ena qauem 'anhuaxanaguecpi:

Jeremías 7:12

Qanqo'oñiỹa qome ye atamnaqa' maye naña ye Siló, yem hua'auchiguiñi lleca'aguishec da yaqto' ỹanataqa', nache qaumichiñi dam so'otec co'ollaxa yemaye souaxat nam qauem maye ỹo'ot nam ỹalamaxat nhuo' Israel le'ecpi.

1 Samuel 3:11

Nache Ñim Nataxala' 'enapeco': Aỹem huo'o qome ca so'otec ne'ena Israel, qaq 'enauac nam hua'axaỹa qome damaye, nache ỹataqta iqaqñiguilo naua ltela lauaco.