1 Samuel 3:9 - La'aqtaqa Ñim Lo'onatac 'Enauacna 2013

⁹ Nache 'enapego', 'eeta': 'Aue, 'annaañi qome, qaq qom qaltaq qaỹe'eguelaxalec da 'am qaiỹaxana, nache 'auasat qome qoneta': «Ña 'autaqa, 'Am Nataxala', cha'aye na 'aramaxashec 'am hua'aqtega.» Nache so Samuel ỹe'eguelaxauo, nache nnaalec so lmala'.

Toba del Oeste

⁹ qama'le yitaĝa dojapegue', enaac: «Jamo, yitaĝa oviiñe. Qom yitaĝa am yiyaĝatapega joñe'me Jaliaĝanec, qama'le a'uateguet: “Auoje, jayem mach'e anejoĝonec, am ñaquiaĝana”.» Qama'le ñe'me Samuel yitaĝa 'viyelaĝa joga'me mach'e uetapegoue qama'le viiñe.

1 Samuel 3:9 Referans Kwoze

Éxodo 20:19

Huaña, nache 'enapega so Moisés, 'eeta': «Nache 'amta qome qomi' 'autaxaỹapegueto. Ime, qaq 'am salaxasoxoguet. Qalaxaye saishet qome da qomi' detaxaỹapegueto Ñim Lo'onatac 'Enauacna. ¡Ten, qom seleuaq!»

Isaías 6:8

Ime, nache sa'axaỹa da lavilỹaxac Ñim Nataxala', 'eeta': «¿Negue't qome ca ishet da samaq? Qataq ¿negue't qome ca ishet da qara'aqtaxanaxanec?» Nache aỹem sasat sheeta': «Aỹem soota'a ne'ena, qaq aỹem 'auamaq qome.»

Salmos 85:8

Aỹem ña'axaỹaxana qome ca la'aqtac Ñim Nataxala', cha'aye Ñimaye ỹa'axatem qome da nlagaxayec na lalamaxat nhuo' le'ecpi, yaqto' namayepi saishet da ỹe'eguelaxa da lle'etaxaloxo.

Hechos 9:6

Nache so Saulo ỹataqta iviloxolaqchet da lcolanaxa, nache 'enapeco': –'Am Ỹataxala', ¿chaq negue't ca 'auauotaique da so'ot? Nache So Qarataxala' 'enapego' somaye, 'eeta':] –Qoñisheguem, nache 'anqo'oneua'a ye nỹecpi. Nache huaña qome da 'auaỹaten cam 'auo'ot.

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

1 Samuel 3:8

Qalaxaye Ñim Nataxala' mashe tres da ỹe'eguelaxalec da iỹaxana so Samuel, nache somaye ñisheguem, nache taua'a so hueta'a so Elí, nache 'enapega, 'eeta': Mashe soota'a ne'ena, ¿negue't ca huo'omshe aỹem 'auỹaxaneua'a? Huaña, nache so Elí ỹaỹaten da nacheñi Ñim Nataxala' ñi iỹaxaatega se'eso nsoq.

1 Samuel 3:10

Huaña nache Ñim Nataxala' qaltaq nvita somaye, nache qaltaq iỹaxana, 'eeta': ¡Samuel! ¡Samuel! Nache so Samuel 'enapeco': Ña 'autaqa, cha'aye na 'aramaxashec 'am hua'aqtega.

Josué 5:14

Nache somaye 'enapeco': «¡'A'i saishet! Qalaxaye aỹem ñanac, cha'aye aỹem Lataxala' na nalleppi Ñim Nataxala'.» Huaña nache so Josué ỹa'alyiñi naua l-llecte iviraxata'aguet naqa'en na latap na 'alhua, nache 'eeta': «¿Ca 'eetec ca 'aỹa'anem 'ara'aqtac ne'ena 'aramaxashec 'am ỹataxala'?»

Salmos 85:9

Cha'aye Ñimaye ỹataqta saqaỹapeque da nca'alaxatec na huo'o naq 'enec naqa'en Ñimaye, yaqto' da llo'oxoyec nache 'eetai' da hueta'a ne'ena qana'alhua.