1 Samuel 3:6 - La'aqtaqa Ñim Lo'onatac 'Enauacna 2013

⁶ Qalaxaye Ñim Nataxala' qaltaq ỹe'eguelaxalec da iỹaxana, 'eeta': ¡Samuel! Nache somaye ñisheguem, nache taua'a so hueta'a so Elí, nache 'enapega, 'eeta': Mashe soota'a ne'ena, ¿negue't ca huo'omshe aỹem 'auỹaxaneua'a? Nache so Elí 'enapeco': Aỹem saishet da 'am seỹaxaneua'a, 'am ỹalcolec. ¡'avi'eguelaxauo, 'annaañi!

Toba del Oeste

⁶ Qalaĝaja ñe'me Jaliaĝanec yitaĝa yiyaĝana: «¡Samuel!» Ñe'me Samuel ñejeguem, chiyaqañe, yec'ate'uo joga'me uetaue joñe'me Elí, enaac: «¿Toqoch'e jayem aviyaĝataque?» Qama'le ñe'me Elí 'yateguet: «Ja am 'te jiyaĝataque. Jamo, yitaĝa oviiñe.»

1 Samuel 3:6 Referans Kwoze

Mateo 9:2

Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»

2 Samuel 18:22

Qalaxaye so Ajimaz, qaltaq ỹe'eguelaxalec co'ollaxa da 'enapega so Joab, 'eeta': 'Onaxaic taxa da aỹem 'auasheeta da nataqa'en ñeqalgoqta da seca'attaueegue so Etiopía le'ec. Qalaxaye so Joab, 'enapeco': 'Am ỹalcolec, ¿ta'ainco' da huotaique da qojec, 'ena'amo' da qaỹo'ot ca 'ansheetenaguec da 'auroi' ca na'axaỹaxac?

1 Samuel 4:16

Nache se'eso ỹale da'aqtaxanem somaye, 'eeta': Aỹem cheta'ague da ñevireuo, sachegoqtauga ye alaataqa', cha'aye aỹem qoỹet. Nache so Elí inat somaye, 'eeta': ¿Ca 'eetec cam qanayeuaigui 'am ỹalcolec?

Génesis 43:29

Nache so José ỹamatapiguiñi, nache ila'a so Benjamín som lalamaxat lqaỹa, maye 'oonolec so lta'a qataq aso late'e. Nache 'enapeco': «¿De'era peta'a nachera da qarqaỹai na'asa dam aỹem qaua'axacheetapeguem caillaye? ¡Ñim Lo'onatac 'Enauacna 'am ỹaalec qome ca lchoxonnataxanaxa, 'am ỹalcolec!» Qaq co'ollaq nasaxauec de'era,

1 Samuel 3:5

Nache, somaye nqalgoqtaua'a so hueta'a so Elí, nache 'eeta': Mashe soota'a ne'ena, ¿negue't ca huo'omshe aỹem 'auỹaxaneua'a? Nache so Elí 'enapeco': Aỹem saishet da 'am seỹaxaneua'a. 'avi'eguelaxauo, 'annaañi. Nache so Samuel ỹe'eguelaxauo, nache nnaañi.

1 Samuel 3:7

Qaq so Samuel saxanaxa co'ollaxa da ỹauatton Ñim Nataxala', qataq saxanaxa da ỹauatton da lavilỹaxac Ñimaye.