1 Samuel 3:4 - La'aqtaqa Ñim Lo'onatac 'Enauacna 2013

⁴ Nache Ñim Nataxala' iỹaxana so Samuel, 'eeta': ¡Samuel! Nache somaye ỹasat, 'eeta': ¡Aja', soota'a ne'ena!

Toba del Oeste

⁴ Joñe'me Jaliaĝanec male yiyaĝatapega ñe'me, enaac: «¡Samuel!» Joñe'me 'yateguet: «Jaa'a, jayem 'uo.»

1 Samuel 3:4 Referans Kwoze

Isaías 6:8

Ime, nache sa'axaỹa da lavilỹaxac Ñim Nataxala', 'eeta': «¿Negue't qome ca ishet da samaq? Qataq ¿negue't qome ca ishet da qara'aqtaxanaxanec?» Nache aỹem sasat sheeta': «Aỹem soota'a ne'ena, qaq aỹem 'auamaq qome.»

Salmos 99:6

So Moisés qataq Aarón nache ỹalectaiguilo co'ollaxa so ntaxaỹaxanaxanecpi, qataq so Samuel ỹalectaigui co'ollaxa som ỹo'oxoreetac da le'enaxat Ñimaye. Qaq naxa somayepi da iỹaxanot Ñim Nataxala', nache Ñimaye ỹasateguet da lỹaxanaxac.

Éxodo 3:4

Qaq Ñim Nataxala' co'ollaq ila'aguet so Moisés da nquigueua'a da ỹauotaique imeten asomaye, nache deỹaxan, chemaqtoigui asa'aso qo'oipaqole, 'eeta': «¡Moisés! ¡Moisés!» Nache so Moisés ỹasat, 'eeta': «Aja', nachaỹem.»

Génesis 22:1

Qaq co'ollaq mashe qaỹoqteguelo soua vi'iye, nache Ñim Lo'onatac 'Enauacna ỹe'eguen so Abraham, nache iỹaxana somaye, 'eeta': «Abraham.» Nache somaye ỹasat, 'eeta': «Aja', aỹem soota'a ne'ena.»

1 Corintios 12:28

Na 'amqaanataxanaxaicpi, Ñim Lo'onatac 'Enauacna ỹami' da lo'onataxanaxac ñi 'oonolec namayepi. Ỹamataxaachiguiñi na lamaxashecpi So Jesús. Ime, qataq jec na la'aqtaxanaxanecpi Ñim Lo'onatac 'Enauacna. Ime, qataq jec na dapaxaguenataxanapecpi. Nataqa'en nam ishet da ỹo'ot na sa qaỹauanapega. Ime, qataq jec na ishet da nataren na sa no'on, qataq na itaunec da lhuenaxanaxa ca lỹa, qataq na ishet da nataxala'. Ime, qataq huo'o na ỹanem da ishet da detaxaiguilo naua na'aqtaqa sa qaỹauanapegalo.

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

1 Samuel 3:5

Nache, somaye nqalgoqtaua'a so hueta'a so Elí, nache 'eeta': Mashe soota'a ne'ena, ¿negue't ca huo'omshe aỹem 'auỹaxaneua'a? Nache so Elí 'enapeco': Aỹem saishet da 'am seỹaxaneua'a. 'avi'eguelaxauo, 'annaañi. Nache so Samuel ỹe'eguelaxauo, nache nnaañi.

Génesis 22:11

nache so lamaxashec Ñim Nataxala', chemqot na piguem, da deỹaxan, 'eeta': «¡Abraham! ¡Abraham!» Nache so Abraham 'enapeco': «Aja', aỹem soota'a ne'ena.»