1 Samuel 3:3 - La'aqtaqa Ñim Lo'onatac 'Enauacna 2013

³ Qaq so Samuel do'ocheta huetaigui aso atamnaxaqui maye netaigui aso arca maye laỹe' da naỹamaxataxac Ñim Lo'onatac 'Enauacna. Qaq aso lcoỹaraqte aso atamnaxaqui ñaq 'ettaigui.

Toba del Oeste

³ Samuel nataq'aen t'ochetac ca'li, uetaue joga'me netamenaĝaiqui joñe'me Jaliaĝanec, jo'ne nataq'aen uetaue jaga'me lae't daa'me Dios lamajoĝonaĝaco. Maliaĝa edetañgui jaga'me necoyadaĝanaqate jo'ne uetaue joga'me emec ja 'nalegue.

1 Samuel 3:3 Referans Kwoze

Salmos 27:4

Qaq 'oonolec da seỹaxaatapegueua'a qataq 'oonolec da ñeqopittega da aỹem ỹami' Ñim Nataxala', qaq damaye 'eeta': sootaua'a añi atamnaxaqui maye lalamaqte Ñim Nataxala' 'enauaque naua na'axa'te da ñachaalataxac, da yaqto' ñatameetac da sootaigui añimaye, qataq da semeteetac da lyacỹaxac Ñimaye.

Salmos 29:9

Da lavilỹaxac Ñim Nataxala' ỹataqta inoxon ana qo'oipaqpi le'enaxat encina, nache ỹataqta qaca naqa'en ana qo'oipaq na aviaq. Qaq huaña añi lalamaqte atamnaxaqui da 'enauac qaỹo'oxoreetac Ñimaye.

Salmos 5:7

Aỹem, qalaxaye souaxat da ỹataqta lta'araic 'arsoxoyec, nache ishet da senoxoneua'a añi 'aralamaqte atamnaxaqui, qataq ishet da 'am sa'aroto naua illecte, da sootaigui añi qui'itta atamnaxaqui maye 'aralamaqte.

2 Crónicas 13:11

Qaq namayepi ye nte'eta qataq ye avit, ỹanot naxa Ñim Nataxala' ana nachetaqtaxanaqte qaỹavigaxatta, qataq na nchenaxanaxat, qataq ỹachalec so qui'itta lmala' ana nauolepi, qaq da avit nache ỹe'eraxatoigui aso ncoỹaraxanaxaquipi maye netagui aso lashe oro. Cha'aye qomi' salaxasoxoguet nam lamaxasoxonaxacpi Ñim Nataxala', maye Qanatamnaxala', qami' qalaxaye qoquiỹa'ai Ñimaye.

1 Samuel 1:6

Ỹoqo'oye asom Peniná, maye lasaxaua, ỹataqta saq ỹaxanapec, qataq ỹe'eetac ivitta'a da inogoqchet, cha'aye Ñim Nataxala' saq ỹanem da lco'oxoc asomaye.

Éxodo 25:31

«Nataqa'en 'auo'ot qome caua ncoỹaraxanaxaqui' chegaqaigui na oro, qalaxaye 'auauota'a aca ntoqnaxanaqte da 'auo'ot. Qaq aca lashe qataq caua lhuaxaye iuen da netagui ca lsheenec aca 'eeta'am aca lauoxo ana almendro, qaq acamaye nache ima'a't 'oonole aca lashe.

1 Samuel 1:9

Qaq huo'o so na'a'q, co'ollaq huaña ye Silo, nache aso Ana ñisheguem co'ollaq imat da lquia'axac. Qaq so ntaxaỹaxanaxanec Elí nso'ootangui aso nso'onaxaqui, netaña so sa qaỹapeque so ñegueuo aso atamnaxaqui maye lalamaqte Ñim Nataxala'.