1 Samuel 3:12 - La'aqtaqa Ñim Lo'onatac 'Enauacna 2013

¹² Qaq qom ivita que'eca na'a'q, nache ỹataqta sepacchigui qome na ỹa'aqtacpi maye talec ñaqa'en co'ollaxa ñi Elí qataq soua llalqa.

Toba del Oeste

¹² Qom yovita joga'me nolo', jen yepaquichigui joñe'me Elí da'me joote janem ca'li da'me 'yaqatac, queda'me jen yem da'me loiquiaqa' jogaa'me loeco jo'ne napacalo'te jogaa'me lec'oqo'te, qama'le ja yitaĝa ja'uo joda'me yichoĝodenataĝanaĝac jo'ne janema.

1 Samuel 3:12 Referans Kwoze

Lucas 21:33

Qaq na piguem qataq ana 'alhua imeuo qome, qalaxaye da ỹa'aqtac saishet da imeuo.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Josué 23:15

Qaq dam 'eetec da ỹataqta imauec da ipacchigui na 'onaxaicpi maye ỹachaxanapecpi co'ollaxa Ñim Nataxala' maye Qanatamnaxala', qaq nache 'eetec nataqa'en Ñimaye da anacot qome ca qauemsat, nache ivitta'a da ỹataqta qaica 'oonolec da qoñiita da no'onañi da no'onalec ne'ena no'on 'alhua maye qami' ỹanema Ñimaye,

Números 23:19

Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.

Ezequiel 21:5

Qaq huaña qome nache 'enauac na shiỹaxauapi ana 'alhua ỹaỹaten da Aỹem, nachaỹem Nataxala' ñeqatsheguem na ỹainec, nache saishet da qaltaq she'eguelaxaañi.

Jueces 4:24

Ỹoqo'oye da la'añaxac so Israel le'ecpi da dataỹa'aguet so Jabín ỹataqta nquictauec, nache ivitta'a da ilaxachigui somaye.

1 Samuel 4:11

Qaq nataqa'en qaiuotaxanec aso arca maye laỹe' da naỹamaxataxac Ñim Lo'onatac 'Enauacna, qataq qaỹalauat so Jofní qataq so Finés, maye llalqa so Elí.

1 Samuel 4:17

Nache somaye 'enapeco': Qomye ye Israel le'ecpi nlagaxattac dataueeguesop so filisteopi. Qataq ỹataqta qalota so qaỹalauat, nataqa'en yeua 'aỹa'alqa Jofní qataq ye Finés ileu', qataq aso arca maye laỹe' da naỹamaxataxac Ñim Lo'onatac 'Enauacna nataqa'en deuotaxanec so filisteopi.

1 Samuel 4:21

souaxato' aso arca maye laỹe' da naỹamaxataxac Ñim Lo'onatac 'Enauacna da qaiuotaxanec, qataq souaxat so lacho' qataq so lhua da ileu', qaq so nogotolec ỹanagui da le'enaxat Icabod, qaq damaye naigui da, qaica so llo'oxoyec na Israel le'ecpi.

1 Samuel 4:22

Nache nlamaxaren da 'enapec: Na Israel le'ecpi mashe qaica so llo'oxoyec, cha'aye mashe qaiuotaxanec aso laỹe' da naỹamaxataxac Ñim Lo'onatac 'Enauacna.