1 Samuel 3:11 - La'aqtaqa Ñim Lo'onatac 'Enauacna 2013

¹¹ Nache Ñim Nataxala' 'enapeco': Aỹem huo'o qome ca so'otec ne'ena Israel, qaq 'enauac nam hua'axaỹa qome damaye, nache ỹataqta iqaqñiguilo naua ltela lauaco.

Toba del Oeste

¹¹ Joñe'me Jaliaĝanec male 'uo joga'me 'yaĝatem: «Di'me Israel, 'uo jo' qomle joga'me ja'uo, qama'le jogaa'me jo'ne domachita da'me dojo', chayovida'a yema yec'o'n jogaa'me lequetela laco.

1 Samuel 3:11 Referans Kwoze

Habacuc 1:5

«Ñaq qaumichiñi qome na ỹotta'a't shiỹaxauapi, ñaq qaumichiñi nache huo'o qome da qara'aalaqai, cha'aye huo'o qome ca so'ot ne'enaua na'axa'te maye qoviitaiguilo, maye saishet da qaua'amaqchiñi da huo'o ca qami' da'aqtaxanema.

Hechos 13:41

Qami' ỹataqta qavi'iñiitac Ñim Lo'onatac 'Enauacna, qalaxaye nagui qavi'ilqai, nache qauataiuec. Cha'aye ỹaguec da lchec qome ca nhuaxanaguec maye sanem nam sa ỹalaq, nache sa qaua'amaqchiñi da huo'o ca qami' da'aqtaxaatapeguema.

Jeremías 19:3

Nache qoneta': ‹Qami' nta'alpi na Judá, qataq qami' maye qoviita'a na Jerusalén, qana'axaỹaxañiỹa de'era la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Aỹem ñamaxa qome ca ỹataqta lta'araic lchec ne'ena nma', qaq 'enauac qome cam hua'axaỹa da qaỹa'axat camaye, nache dauaxanguilo naua ltela lauaco.

2 Reyes 21:12

qaq ỹoqo'oye Ñim Nataxala' maye Natamnaxala' na Israel le'ecpi, 'eeta': Aỹem ñamaxa qome ca ỹataqta lta'araic lchec na Jerusalén, qataq na Judá, nache cam hua'axaỹa camaye, nache ỹataqta dauaxa'n naqa'en naua ltela lauaco.

Lucas 21:26

Nache na shiỹaxauapi ỹataqta decopchetac qome, souaxat da deuennataxaatapeguelec cam qauem maye ñaq nata'a ana 'alhua, cha'aye ivira'a qome ana huaqaañipi maye hueto'ot na piguem ỹataqta da cholaxan.

Isaías 29:14

Qaq ỹoqo'oye, ne'ena nhuo' le'ecpi qaltaq so'ot qome ca la'aalaxa, sachegoxotchigui nam saqaỹauanapega qataq huo'o da llo'oxoyec, nache da laỹaanec nam ỹaanaxanaxaicpi, qataq da laỹaanataxanaxac nam ỹaanataxanaxaicpi imeuo qome.»

Isaías 28:19

Qaq qom ivita da anac nache qami' ỹauogoleeta'ape. Cha'aye 'enauaque qome naua na'axa'te da anac ye na'a'q qataq ye pe, qom choche qaua'aqaỹa da qaỹa'axatta'aguet, nache ỹataqta qami' iviloxolaqche't da qarcolanaqai.

1 Samuel 3:10

Huaña nache Ñim Nataxala' qaltaq nvita somaye, nache qaltaq iỹaxana, 'eeta': ¡Samuel! ¡Samuel! Nache so Samuel 'enapeco': Ña 'autaqa, cha'aye na 'aramaxashec 'am hua'aqtega.

1 Samuel 4:10

Huaña nache so filisteopi jec da iloquiaxan so Israel le'ecpi nache loxonecpi, ỹoqo'oye datauec somayepi, ỹe'egueneua'alo soua lma'ate. Qaq se'eso na'a'q ỹataqta qalota so qaỹalauatpi, ivi' treinta mil so ileu so nalleppi so Israel le'ecpi.

Da na'aqtaguec so Job 41:9

Cha'aye da choche qailogui se'eso lta'a na da'ailo'oc le'enaxat da Leviatán, nache ishet da huo'o na decopcha'am da lcolanaxa.