1 Samuel 3:1 - La'aqtaqa Ñim Lo'onatac 'Enauacna 2013

¹ Qaq so nsoqolec Samuel, nache queto'ot co'ollaxa da do'onataxaatacot Ñim Nataxala', qaq so Elí ilotague' somaye. Qaq se'esoua vi'iye saishet da ỹa'atta'a't da qaỹa'aqtega ca la'aqtac Ñim Nataxala', qataq qaica ca ỹanem da huo'o ca lauanaqchec.

Toba del Oeste

¹ Joñe'me nejoqolec jo'ne lenaĝat Samuel t'onataĝaneuo'o joñe'me Dios, queda'me uo'oe jogaa'me namajoĝonaĝaco jo'ne ja 'nalo'te jo'ne yanema joñe'me Elí. Qa'a ca'li gaa'me noloqo'ote qoueta't da'me 'uo ga'me 'laqatac ñe'me Jaliaĝanec ta'le dojapegue' ga'me jiyaĝaua. Nataq'aen yataqata ja lama'y gaa'me jiyaĝa'u ta'le 'uo joga'me lauanaĝanaĝa'j.

1 Samuel 3:1 Referans Kwoze

Salmos 74:9

Qaq mashe sa selaqa'a da netasheguem ana qara'anaxanaqtepi, qataq qaica ca na'aqtaxanaxanec qataq sa saỹaanaq ca ivitta'ague qome de'era.

1 Samuel 3:21

Qaq Ñim Nataxala', nache queto'ot da nachaxaatac naxa da huaña ye Silo, cha'aye nacheye ye huaña naxa da ỹanem so Samuel da la'aqtac.

1 Samuel 2:11

Qaq co'ollaq ime de'era, nache so Elcana ỹe'eguelaxa so lma' ye Ramá. Qaq som nogotolec, qalaq nache no'onañi da yaqto' do'onataxanot Ñim Nataxala', qalaxaye nache ilotague' somaye so ntaxaỹaxanaxanec Elí.

1 Samuel 2:18

Qaq se'eso nsoqolec Samuel, somaye nache queto'ot da do'onataxaatacot Ñim Nataxala', ỹaatañi naxa so efod maye chegaqaigui na lino.

Isaías 13:12

Aỹem so'ot qome da huo'o da lvic na shiỹaxauapi, napacalec da lvic ana oro maye huaña ye Ofir.

1 Samuel 3:15

Qaq co'ollaq ime de'era, nache so Samuel ỹe'eguelaxañi da nnaañi, nache ivitta'a so mashe yo'oxoñi nache ñisheguem, nache ỹauatoiguilo soua laso'omi aso atamnaxaqui, qalaxaye saishet da da'aqtaxanem so Elí som lauanaqchec somaye.

1 Samuel 2:35

Qalaxaye aỹem sauo'o qome ca 'oonolec ntaxaỹaxanaxanec maye npe'et, cam ỹataqta ỹo'ot qome ca sheetapeguec, qataq ipacchigui da ỹo'ot ca samaxalecpi, qataq sanem da huo'o ca llalaqpi, qataq qaỹoqtec ñaqa'en da nachaalataxac da do'onataxaatacot ca nta'a maye lleca'aguishec.

1 Samuel 2:36

Nache ca 'aỹa'alaqpi maye lca'alaxaicpi, naua'a qome camaye da ỹa'aroto naua l-llecte, nache nachoxoreetacot da chochaq ỹaatem aca anom chegaqaigui na plata, huo'otaq ca laỹolec aca nauole, qataq nachoxoreetot qome camaye, 'eeta': Aỹem 'aỹa'anem taxa ca ỹo'onatac da aỹem ntaxaỹaxanaxanec yaqto' ishet da seque'etac.»

Proverbios 29:18

Ca huaña da qaica ca nauanaqchec saqcha'a, nache qaica ca naỹamqa', qalaxaye machiguiñi na shiỹaxauapi maye ỹalaxagueta naua nqataxaco.

Ezequiel 7:26

Qaq nacalec lỹa qome cam qauem, qataq nacalec lỹa ca qauem na'axaỹaxac. Nache qaica ca naigui qome da nmittaique ca na'aqtaxanaxanec da yaqto' ỹachegoxoto'ot ca la'axaỹaxac, qataq qaica ca ntaxaỹaxanaxanec da ỹapaxaguen, huo'otaq ca ỹa'axaiquipi da ỹanem namayepi ca lqataxac.