1 Samuel 24:9 - La'aqtaqa Ñim Lo'onatac 'Enauacna 2013

⁹ Nache 'enapeco': ¿'Am nta'a, ta'ainco' da 'aualaxagueto' co'ollaxa nam ỹa'axattac da sauotaico' da 'am so'otec ca qauem?

Toba del Oeste

⁹ Qama'le enaac: «¿Toqoch'e oquegue ga'me 'laqataĝanaĝa'j jogaa'me etedapega jetaque 'uo ga'me am je'etec?

1 Samuel 24:9 Referans Kwoze

Proverbios 29:12

Ca nta'a da ỹalaxagueta naua natenataxanaxaco, nache 'enauac na lo'onataxanaxanecpi ỹo'ot na qauem.

Santiago 3:6

Naua qara'aqtaqa maye ñasaxasoxorec chegoqchigui ñi qarachaxat, naamaye 'eeta'am ca norec. Ñi qarachaxat ỹataqta lta'araic da la'añaxac da ỹo'ot ca qauem. Ishet da chegoqchigui ñimaye da deqat da qanachaalataxac qataq qomi' iviraxata'alo da qomi' qaỹasaxanguilo ca norec maye nhuaxanaqa' na 'etaxaloxoicpi.

Proverbios 26:28

Naua na'aqtaqa saq 'e'n ỹataqta ique'emaqche't ca taaleguete naamaye, qataq ca huesotte' naqa'en naua la'aqtaqa taỹa'a naqa'en da huo'o ca nlaguiñi.

Proverbios 25:23

Na quenaquiaxaic maye chegaqa'ague da sheu' ishet da anacot na auot, qataq naua qauema na'aqtaqa ỹo'o't da qauem da nasheguiỹaxac.

Proverbios 18:8

Naua la'aqtaqa ca na'aqtaqa lo'o' ỹataqta huo'o da lamai'c 'eeta'am ca ama nallec, maye ỹataqta ivitchiguiñi da qanallec.

Proverbios 17:4

Ca qauemaic qalaq ỹalaxaguet ca shepecaic, qaq ca shepecaic qalaq na'axaỹaxana ca qauema na la'aqtaqa.

Proverbios 16:28

Ca qauem da lataxac qalaq ỹo'ot da loquiaxac, qaq ca na'aqtaqa lo'o' qalaq ỹo'ot da pa'aguenaxac.

Salmos 141:6

Na lataxala'pi namayepi, qom chegoqtelec aca coma' da qaỹasaxauec, nache ỹaỹaten qome da naua ỹa'aqtaqa ỹataqta 'eesora.

Salmos 101:5

Ca nqañoxottañi da ỹasaxalec ca qauem la'aqtac ca lỹa, nache aỹem ñeuogaxa, saishet da nache queta ñaqa'en da ltaxaỹaxac, cha'aye aỹem sa sesheteguet ca na'amqaanaxaic da lmeenaxanaxac, qataq ca ño'oxonnaxaic da lquiyaqteỹaxac.

1 Samuel 26:19

Qaq ỹoqo'oye 'am ỹataxala', 'am ñachoxonnot da 'ana'axaỹaxana ne'ena 'aramaxashec. Da nacheñi Ñim Nataxala' ñim ỹo'ot da aỹem 'auataỹa'aguet, qaq no'on da Ñimaye ỹaconeguet qome aca ỹachetaqtaxanaqte, qalaxaye da maiche chegoqchigui na ỹalleppi damaye, nache Ñim Nataxala' ỹasaxalec qome ca nhuaxanaguec namayepi. Cha'aye nachena na aỹem ỹo'orauec nagui, da yaqto' saishet da sootalec ne'ena 'alhua maye lalamaxat Ñimaye, qataq 'eco' da aỹem ỹamaqtalec da ñatamnot na laỹepi atamnaxala'pi.

Levítico 19:16

Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

1 Samuel 20:1

Qaq so David datauec, chegoqchiguiña ye Nayot maye huaña ye Ramá, nache nqo'ona so netaña so Jonatán, nache inat, 'eeta': «¿Negue't co'ollaxa ca so'ot aỹem? ¿Negue't cam so'ot qauem, huo'otaq ca ỹasouaxashet da ñi 'arta'a, huotaique da aỹem ỹalauat?»

1 Samuel 24:8

Nache so David nataqa'en chegoqtoigui so auac da ca'attaueegue somaye, nache iỹaxaatague', 'eeta': «¡'Am ỹataxala', maye 'am nta'a!» Nache co'ollaq nqoilec so Saúl, nache so David ỹa'alyiñi naua l-llecte iviraxata'aguet na latap na 'alhua.

1 Samuel 24:10

Qaq nagui, 'auaỹateeta da Ñim Nataxala' aỹem ỹanem da nache 'am sachaigui taxa ñi'iñi auac da 'am salauat, qaq na'aictaxa da na ñalleppi aỹem ỹamaqtalec da nache 'am salauat, qalaxaye aỹem choche 'am sechoxoren, nache shenapec saishet da salauat ñi ỹataxala', cha'aye ñimaye lca'aguishec Ñim Nataxala'.

1 Samuel 26:18

Qalaxaye 'am nataxala', ¿ta'ainco' da 'aucaatac ne'ena 'aramaxashec? ¿Negue'to' ca sasouaxat? ¿Negue't cam qauem maye 'am so'otec?

Jeremías 37:18

Qaq so Jeremías nataqa'en inat so nta'a Sedequías, 'eeta': ¿Negue't cam ỹasouaxashet maye 'am so'otec 'am nta'a, huo'otaq ca so'otec nam 'amaqtaqaicpi 'artauapi, huo'otaq nam shiỹaxauapi cam huo'omshe aỹem qaỹa'añiỹaigui añi ncoñetaxanaxaqui?

1 Samuel 20:41

Qaq co'ollaq mashe ỹoxogue so namaxashec, nache so David nnoxonec, chegoqteua'a so nqañoxotaqa', nache tres da ỹa'alyiñi naua l-llecte qataq ỹataqta iviraxata'aguet naqa'en na latap na 'alhua. Ime, nache napigoqtega't, qataq nỹeeta'a't, choche ivitta'a da nmitchiguem da nnoinaxac so David.