1 Samuel 22:4 - La'aqtaqa Ñim Lo'onatac 'Enauacna 2013

⁴ Qaq 'era da 'eetec so David co'ollaq ỹaueguereuo soua lta'al da yaqto' netro'ot so nta'a ye Moab, qaq nache netro'ot somaye imattrec soua na'axa'te maye huaiguilo da so David hueta'a so nqañoxotaqa'.

Toba del Oeste

⁴ Qama'le naq'aeta ñe'me David yauegalo ñaa'me let'al ñe'me lejaliaĝanec di'me Moab, qama'le joñaa'me ueteda'a jodi'me, da'me cha'li nañoĝotetapiñe ñe'me David.

1 Samuel 22:4 Referans Kwoze

Salmos 11:1

Ñim Nataxala' nacheñi Ñim ỹe'eguenaxala'. Qaq ỹoqo'oye qaica ca aỹem 'enapega, 'eeta': «'Aue, 'avi'iguena añi qasoxonaxa qoneta'am qome ca qoỹo.

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Nehemías 6:11

Qalaxaye aỹem sheeta': «Cam ỹale maye 'eeta'am aỹem, saishet da datauec, qataq saishet da nqo'ona da nqañoxotoigui aca atamnaxaqui da yaqto' nca'alec. ¡Aỹem saishet da ñeqañoxottapiguiñi!»

2 Crónicas 29:25

Qaq so Ezequías ỹauo'o nataqa'en so leviitapi da ỹanaña aso atamnaxaqui maye lalamaqte Ñim Nataxala', maye ỹauota'a so latoviaxanatacpi, qataq aso lasheerepi, qataq aso lvique arpapi, nache qaipacchigui da lamaxasoxonaxac so David, qataq so Gad, som huo'oi naua l-loxoco maye ltaua so nta'a, qataq so na'aqtaxanaxanec Natán. Cha'aye de'era qalapaxañi lataxac damaxasoxoolec co'ollaxa Ñim Nataxala', chegoqchigui naqa'en som la'aqtaxanaxanecpi.

1 Crónicas 29:29

Qaq da na'aqtaguec so nta'a David, nache chegoqchiguiña co'ollaq ñaq cheta'ague da do'onataxan, nache ivitta'a so pa'atec lo'onataxanaxac, da nache nanettalec aso nere maye huetalec da na'aqtaguec so na'aqtaxanaxanec Samuel, qataq so na'aqtaxanaxanec Natán, qataq som huo'oi naua l-loxoco le'enaxat Gad,

1 Crónicas 21:9

Huaña, nache Ñim Nataxala' 'enapega so Gad, som lamaxashec so David maye huo'oi naua l-loxoco, 'eeta':

1 Crónicas 12:16

Qaq nataqa'en huo'o som chegoxoguetpi so Benjamín qataq so Judá, nqo'ona da huaxaiguet so David maye hueta'a so lle'eguenaqa'.

2 Samuel 24:11

Qaq so lỹa na'a'q co'ollaq ñisheguem so David, nache Ñim Nataxala' ỹanem da la'aqtac so na'aqtaxanaxanec Gad, maye ltaua so David, 'eeta':

1 Samuel 22:3

Qaq so David nache chegoqchiguiña yemaye da nqo'ona ye Mispá, maye huaña ye Moab, huaña nache 'enapega so nta'a ye Moab, 'eeta': 'Am ñachoxonnot da 'aua'aqta'a qome ñi ita'a qataq añi ỹate'e da nache qami' netaiguilo, choche ivitta'a qom saỹaten ca 'eetec ca aỹem ỹataxaateuga Ñim Lo'onatac 'Enauacna.

1 Samuel 22:5

Qalaxaye so na'aqtaxanaxanec le'enaxat Gad, 'enapego' so David, 'eeta': Saishet da nache qoueta'a ne'ena 'anqañoxotaqa', nacherata da 'anqo'ona ye Judá. Huaña, nache jec so David, nache ivitta'a ye aviaq ye Jaret.

2 Samuel 8:2

Nataqa'en loxonec co'ollaxa so moabiitapi, nache nqapaxaata'aguet naqa'en na 'alhua somayepi, da yaqto' ỹauo'o so laloqnaxanaxat, nache nam nalochiguilo soua dos se'eso naloqnaxanaxat nache qaỹalaua't. Qaq nam naloteguet so 'oonolec somaye nache nca'altauec qanqa'en. Huaña nache so David, ỹauo'o l-latacpi co'ollaxa se'eso moabiitapi, qataq desheetenaxaatac naqa'en somayepi.

1 Crónicas 11:16

Qaq so David hueta'a co'ollaxa so lle'eguenaqa', qaq so alleppi filisteopi hueta'a ye Belén.