1 Samuel 22:2 - La'aqtaqa Ñim Lo'onatac 'Enauacna 2013

² Qataq nataqa'en 'enauac som saqaiyaqnapecpi, qataq som huo'o ana lavigaxaistepi, qataq som huo'o da nqui'ic da lquiyaqteỹaxac, huaxaiguet somaye da ỹauo'o lataxala'. Qaq nache ivi' cuatrocientos da ima'a't se'eso ỹalleppi.

Toba del Oeste

² Nataq'aen nomedaye ena'uaque jogaa'me 'uo da'me lachitatai'j, nataq'aen jogaa'me p'iayaĝayaqa, nataq'aen gaa'me ja madetelo'te, qama'le yovita da'me cuatrocientos gaa'me jiyaĝa'u. Chane'eja ena'uaque jogaa'me quetedapegue' ñe'me David, male en lajoĝola't.

1 Samuel 22:2 Referans Kwoze

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

1 Samuel 30:6

Qaq so David ỹataqta huo'o da lhuogoxo co'ollaxa, cha'aye so nalleppi huotaique da imalec somaye da irolec na coma' da ỹasaq, cha'aye ỹataqta lta'araic da nqui'ic, souaxat de'era huaigui so llalaqpi ỹalleppi qataq so 'alpi. Qalaxaye somaye huo'o da la'añaxac chegoqo'ot Ñim Nataxala' maye Natamnaxala',

1 Samuel 25:13

Nache so David 'enapego' so nalleppi, 'eeta': ¡'Enauac qami' qana'achiigui qome na qoraiñiqui! Nache 'enauac somayepi na'achigui so lainec, nataqa'en so David. Nache cuatrocientos ỹalleppi so ca'ategue somaye, qaq so doscientos maye laỹepi somayepi, qalaq no'onañi da ilotague' so nogoxoshetpi.

1 Samuel 23:13

Huaña nache so David qataq so seiscientos nalleppi, ca'ai ye Keila, nache tateguelo qaica ca ỹoqta hueta'a, qaq co'ollaq qaỹa'aqtaxanem so Saúl da so David ca'ai ye Keila, nache somaye saishet da ipaca'a yemaye.

1 Samuel 9:16

«'Anaỹamaxattai' qome cha'aye qonte', qom mashe 'eeta'am nagui ye ñichiguiña añi nala', nache 'am ñamaxaua'a ca nsoqolec maye chegaqa'a yem na'alhua so Benjamín, qaq camaye nacheca qome ca 'aucorelec da yaqto' lta'a na ỹalamaxat nhuo' Israel le'ecpi. Qaq camaye nacheca qome ca isoueeguesop namayepi da lamaxasoxonaxac na filisteopi, cha'aye aỹem ỹataqta huo'o da ichoxonnataxanaxa souaxat da aỹem iviro'ot da lashelaxanaxac namayepi.»

1 Samuel 1:10

Nache aso Ana nỹeetac, cha'aye ỹataqta lta'araic da laquicoxo, nache nqouagaxaunot Ñim Nataxala',

Jueces 11:3

Nache so Jefté dataueeguesop so lqaỹañecpi, nache nqo'ona ye Tob da yaqto' nache naña, huaña co'ollaxa da ỹalegoigui so 'etaxaloxoicpi, nache nnaictague' naxa da queuotapigui'.

Hebreos 2:10

Ñim Lo'onatac 'Enauacna ỹo'ot 'enauac nam huetalecna da yaqto' maiche lalamaxat, qataq huotaique da nhuanaua'a 'enauac da llo'oxoyec nam ỹauotec qataq ỹalaxaguet Ñimaye. Qaq nachera da huo'omshe Ñim Lo'onatac 'Enauacna ỹa'auaxaañi da naloqchiichiguiñi da lataxac So Jesucristo, nache ỹaneguet da l-leuaxa, cha'aye Somaye, nacheso Som Lca'alaxaqui namayepi.

Mateo 11:12

Chegoqchiguiña co'ollaq so Juan maye nachelaxanataxanaq da da'aqtaxaatac, choche ivitta'a nagui, da de'era lo'onataxanaxac Ñim Lo'onatac 'Enauacna queta, na'aictaxa da huo'o na npa'aguenaxauapi. Nachaqnata nam shiỹaxauapi maye 'añaxaicpi qataq lhuotta nam ishet da taua'a da ỹalegueua'a da lo'onataxanaxac Ñimaye.

Proverbios 31:6

'Aua'axaỹa'a qome na lataxa qataq na ỹactec da lchemaxa namaye, nda'a't da 'aỹa'anem da nỹomgui ca qaica ca la'añaxac qataq ca daquicota,

2 Reyes 20:5

«Ñaq 'avi'eguelaxauo, nache qonapega ñi Ezequías maye lataxala' ne'ena ỹalamaxat nhuo' le'ecpi, nache qoneta': Ñim Nataxala' maye Natamnaxala' som hua'au 'arta'a David, 'eeta': ‹Aỹem sa'aqchigui so 'anatamnaxac qataq sauaachiguilo naua 'arache'. Qaq nagui 'am ñataren, ỹoqo'oye qom inoxoorec caua tres na'axa'te, nache ishet qome da 'anqo'oneua'a añi atamnaxaqui maye lalamaqte Ñim Nataxala'.

2 Samuel 17:8

Cha'aye 'am, 'auaỹateeta da so 'arta'a, qataq so nalleppi ỹataqta 'añaxaicpi, qataq nagui camaye yo'oqta da ỹataqta denotac, 'eeta'am aca shiguiỹac da qaiuotaxaneque caua llalqa. Qataq so 'arta'a ye ỹataqta nalaataxaic, nache da pe qaq yo'oqta da saishet da ỹalectaigui so nalleppi.

2 Samuel 5:2

qataq nache 'eetai' co'ollaq ñaq qomi' ilotegueto so nta'a Saúl, da 'am lataxala' naxa da nalat na nalleppi na Israel le'ecpi, qataq Ñim Nataxala' mashe 'am 'eetega co'ollaxa, 'eeta': ‹'Am, 'auaueca'aguet qome, qataq 'aulo'ogue na Israel le'ecpi.›»

Jueces 18:25

Qalaxaye so daniitapi, 'enapec: ¡Qanañaxañiiñi, saishet da qomi' qauqaqñiitegueto! Ten, qom huo'o ca nhuoxonasheguem ye lauel da shenaqta, nache 'am iloquiaxan, huaña nache ishet da 'am qaỹalauat qataq na 'aỹa'alaqpi.

1 Samuel 22:3

Qaq so David nache chegoqchiguiña yemaye da nqo'ona ye Mispá, maye huaña ye Moab, huaña nache 'enapega so nta'a ye Moab, 'eeta': 'Am ñachoxonnot da 'aua'aqta'a qome ñi ita'a qataq añi ỹate'e da nache qami' netaiguilo, choche ivitta'a qom saỹaten ca 'eetec ca aỹem ỹataxaateuga Ñim Lo'onatac 'Enauacna.

2 Reyes 4:1

Huo'o aso 'alo, maye lhua co'ollaxa so 'oonolec so na'aqtaxanaxanecpi, asomaye 'enapega so Eliseo, 'eeta': Som ihua maye 'aramaxashec co'ollaxa, somaye ileu, qaq 'am 'auaỹaten da somaye ỹataqta huo'o naq 'enec naqa'en Ñim Nataxala'. Qalaxaye anac so lavigaqtaxanaxala', nache huotaique da ỹaue'c soua dos ỹalqa da yaqto' ỹauo'oi l-lataqa.