1 Samuel 20:3 - La'aqtaqa Ñim Lo'onatac 'Enauacna 2013

³ Qalaxaye so David qaltaq ỹe'eguelaxalec da la'aqtac, 'eeta': Ñi 'arta'a ỹaỹateeta da ỹataqta aỹem 'arauotaxat, qaq yo'oqta da saishet da 'am da'aqtaxanem qome de'era, cha'aye ivittaique da huo'otaq sa 'auaỹamaxaren. ¡Qalaxaye 'am sanem da ỹa'aqtac, qataq Ñim Nataxala', da ỹoqta 'eesa da mashe saqaỹapeque da ileuaxa!

Toba del Oeste

³ Qalaĝaja David ja yaĝañi da'me yitaĝa enaac: «Ñe'me adet'a qa'a yataqachiñe yayaten queda'me nach'e eta't 'uo da'me adiyamaĝadenataĝanaĝac joda'me jayem. Chane'eja uenata queda'me ja 'noota ta'le am totelegue da'me ta'le auayaten joga'me jetaque ya'uo. Qalaĝaja, 'ñaĝatot ñe'me Jaliaĝanec Dios, nach'e ena'am da'me am, queda'me jayem ue'tajop da'me yamta'le jeleu.»

1 Samuel 20:3 Referans Kwoze

2 Reyes 2:6

Qaq ime, nache so Elías, qaltaq 'enapego' so Eliseo, 'eeta': Nache qoueta'a taxa ne'ena, cha'aye Ñim Nataxala' aỹem ỹamaxa so tala Jordán. Qalaxaye so Eliseo, 'enapeco': Aỹem sanot da ỹa'aqtac Ñim Nataxala', qataq 'am, da saishet da 'am seỹotec. Huaña nache soomaye qaltaq nnaicapega't.

1 Samuel 27:1

Qaq so David deuennataxaataco', nache, 'eeta': «Yo'oqta da huo'o ca huaña ne'enaua na'axa'te, da so Saúl aỹem ỹalauat. Qaq ỹoqo'oye nagui no'on da ñeqo'ona da sonaña ye lma' ye filisteopi, yaqto' so Saúl aỹem ỹaxaañi qome da aỹem nmittaique ne'ena na'alhua na Israel le'ecpi, nache aỹem she'emaqtac qome.»

1 Samuel 25:26

Qalaxaye nagui Ñim Nataxala' 'am saỹashenem da 'aucoldec naua ntago'q, qataq da 'auo'ogoxona da 'ara'añaxac da 'apalaique 'arvi'. Qaq 'eeta'am qome so Nabal ca nhuaxanaguec nam 'ampa'aguenaxauapi, qataq 'enauac nam huotaique da 'am ỹo'otec ca qauem 'am ỹataxala'.

Deuteronómio 6:13

Ỹoqo'oye huo'o naq 'enec qanqa'eñi Ñim Nataxala' maye Lo'onatac 'Enauacna, qataq nacheñita qaualaqaiguet. Qataq da qaỹa'añi ca qara'aqtaqui qalaq qauacoñiỹa da le'enaxat Ñimaye.

2 Reyes 2:4

Qaq so Elías, qaltaq 'enapego' so Eliseo, 'eeta': Nache qoueta'a taxa ne'ena, cha'aye Ñim Nataxala' aỹem ỹamaxague da Jericó. Qalaxaye so Eliseo 'enapeco': Aỹem sanot da ỹa'aqtac Ñim Nataxala', qataq 'am, da saishet da 'am seỹotec. Huaña nache soomaye, qaltaq nnaicapega't co'ollaxa, nache choche ivittra'a ye Jericó.

2 Reyes 2:2

Qaq so Elías, 'eetego' co'ollaxa so Eliseo, 'eeta': Nache qoueta'a taxa ne'ena, cha'aye Ñim Nataxala' aỹem ỹamaxague da Betel. Qalaxaye so Eliseo, 'enapeco': Aỹem sanot da ỹa'aqtac Ñim Nataxala' maye nca'altauec, qataq 'am, da saishet da 'am seỹotec. Huaña nache soomaye nnaicapega't co'ollaxa, nache choche ivittra'a ye Betel.

1 Samuel 1:26

Nache aso Ana 'enapego' somaye, 'eeta': «Aỹem 'auchoxoren 'am ỹataxala', qalaxaye ỹataqta 'eesa da 'am 'anca'altauec, qaq nachaỹem maye soota'a caillaye ne'ena da ñeqouagaxaueetacot Ñim Nataxala', qaq 'am saqaỹapeque caillaye.

Hebreos 6:16

Da huo'otaq huo'o ca ỹan ca la'aqtac, qalaq iuen ca le'enaxat ca 'amaqtaqaic, yaqto' 'eeta'am da nacheca ca da'aqtaxan.

Jeremías 38:16

Qalaxaye so nta'a Sedequías, ỹoxotchiguiñi so ỹan la'aqtac maye ỹanem so Jeremías, 'eeta': 'Am sanem da ỹa'aqtac qataq Ñim Nataxala', maye qomi' ỹanema da qanachaalataxac, da aỹem saishet qome da 'am samaxasoxoolec da 'am qaỹalauat, qataq saishet da 'am saneguet da lhuaqỹaxac nam huotaique da 'am ỹalauat.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Salmos 116:3

So lcoñetaxanaxat da nleuaxa qalaq mashe aỹem lpachigui, qataq mashe aỹem loxonec da ỹachetataic souaxat añi huachiqui, qataq sevireguet da icolanaxa qataq da ñiqui'ic.

2 Samuel 15:21

Nache so Ilay 'enapega co'ollaxa so nta'a, 'eeta': «Aỹem sanot da ỹa'aqtac Ñim Nataxala' qataq 'am nta'a, da que'eca qoueta'a 'am nta'a, da huo'o da nca'alaxa, huo'otaq nleuaxa, qalaxaye ne'ena 'aramaxashec nataqa'en hueta'a qome camaye.»

1 Samuel 17:55

Qaq so Saúl, co'ollaq ỹauaateueegue so David da ñaq taỹauga so filisteo, nache inattaco' co'ollaxa so Abner, som lataxala' so nalleppi, 'eeta': Abner, ¿chaq negue't llalec se'eso nsoq?

Deuteronómio 28:66

Qataq nache 'eetai' qome da huetaigui da lchec da 'anachaalataxac, qataq 'am nlaqchigui qome da 'arcolanaxa ye na'a'q, qataq ye pe, nache da 'anachaalataxac qaica qome ca mpaxaalec.

1 Samuel 20:2

Nache so Jonatán 'enapeco': «¡'A'i, saishet qome da 'eetec de'era! ¡Saishet qome da 'am ỹalauat ñimaye! 'Am 'auaỹateeta da ñi ita'a saishet da sa da'aqtaxanem aỹem naxa da huo'o ye tatapigui lauel da ỹo'ot, na'aictaxa da saq 'amaqtaq huo'otaq lta'araic, ¿qalaq ta'ainectaxa da ñi ita'a aỹem ỹoxottaisop dam da'? ¡'A'i, saishet!»

1 Samuel 20:4

Nache so Jonatán inat somaye, 'eeta': ¿Negue't ca 'anshetaique da 'am so'otec?