1 Samuel 2:9 - La'aqtaqa Ñim Lo'onatac 'Enauacna 2013

⁹ Ñim Nataxala' ỹataqta ntela'a da lqauaxac na ỹa'amaqteetac Ñimaye, qalaxaye nam qauemaicpi qalaq huaigui ca napalaxa da ileu, cha'aye qaica ca chegoqchigui ca maiche la'añaxac da doxonaxan.

Toba del Oeste

⁹ Ñe'me Dios qa'a netela ga'me ladiquiyaĝa'j jogaa'me yataqatelo'te, qalaĝaja jogaa'me qaleuaĝayaqa yeleudaue joga'me 'lalaĝa, qa'a qaya'te ta'le domataĝan q'aen da'me mach'e 'lañaĝac.

1 Samuel 2:9 Referans Kwoze

Salmos 121:3

Ñimaye saishet qome da 'am hua'aqta'a da qouañi, cha'aye saishet da do'oche Ñim 'am ilotague'.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.

Salmos 97:10

Ñim Nataxala', ỹauotec nam saisheteguet na qauem, qataq mpaxattalec nam ỹataqta ỹalaxaguet Ñimaye, qataq ỹeltaxaneguet da lhuaqỹaxac nam qauemaicpi.

Salmos 94:18

Qaq co'ollaq huo'o so huaña da sheeta': «Naua ỹapia'ate desalvi'.» Nache da 'archoxonnataxanaxa 'Am Nataxala', anac da aỹem itauan.

Salmos 37:28

Cha'aye Ñim Nataxala' ỹauotec da nalochiguiñi lataxac, qataq saishet da ca'ai ca quetegue Ñimaye. Qalaxaye nlaxaañi na qauemaicpi qataq saishet da huo'o ca no'onañi naqa'en na chegoxoguetpi.

Da na'aqtaguec so Job 5:24

Ca 'arma' qalaq ỹataqta huo'o da lañaxataxac, qataq da 'auchemaxata 'enauac ca 'ana'atetpi qalaq nalota't.

Deuteronómio 33:3

Ñim Nataxala' ỹauotec na lalamaxat nhuo' le'ecpi, qataq ntela'a na nañanotpi Ñimaye, qataq na ỹalaxaguet, qataq na ỹo'ot na lamaxasoxonaxacpi.

Proverbios 16:9

Ca shiỹaxaua lapaxañi ca huotaique da llecỹaxac, qalaxaye Ñim Nataxala' nacheñi ñim ỹo'otegue da lqauaxac.

Salmos 121:8

Ñim Nataxala', ntela'a qome 'enauac da 'arqauaxac, chegoqchiguiña nagui, qataq nache 'eetai' qome.

2 Pedro 2:17

Ne'ena dapaxaguenataxaatacpi maye saq 'en namayepi, 'eeta'am aca ñi'illoxoqui maye qaica ca le'ec 'etaxat, qataq 'eeta'am na lo'oc na piguem maye choche ỹachetac na la'at. Namayepi Ñim Lo'onatac 'Enauacna ỹauo'o ca nhuaxanaguec qataq ỹasaxaña ca nhuaxanaqa' maye chochaq tatec na napalaxa.

Mateo 8:12

Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Sofonías 1:15

Qaq que'eca na'a'q huetoigui qome ca lta'araic nayeloxo, nachetataic qataq naquicoxo, na'a'q maye ỹo'ot da nlaguiñi, qataq toolec 'enauacna, qataq ỹataqta napalñi.

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Proverbios 3:26

cha'aye Ñim Nataxala', nache 'eetai' qome da 'am hueta'aguet, qataq 'am ivitaqna'a da 'auapiỹangui aca nqoina.

Eclesiastés 5:17

Ye ivira'a da 'enauac da nachaalataxac da nauane' na napalaxa, qataq qalota nam saỹalemaxat lhuennataxacpi, qataq nam nqui'icpi, qataq da lalemataic.

Proverbios 2:8

qataq ntela'a da llecỹaxac ca nalochiguiñi da lataxac, qataq npaxattalec ca ỹataqta quetegue Ñimaye.

Salmos 121:5

Ñim Nataxala', nacheñi Ñim 'am nteltega, Ñim Nataxala', nacheñi Ñim 'am npaxattalec, qataq nacheñi Ñim 'am itauaatac.

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

Judas 1:1

Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Jeremías 8:14

Qaq na nhuo' le'ecpi 'enapec, qome: ¿Negue'to' cam so'otaqtac da souaqta'a ne'ena? ¡Qolaq 'enauac ñeqo'onaxaua'a qome ye huaqta'a't nỹecpi maye qampaxattaua'a, da yaqto' qomi' qaỹalaua't! Cha'aye Ñim Nataxala' maye Qanatamnaxala' qomi' ỹanegueta da qal-leuaxa, qataq qomi' nỹomaxanguilo ca 'etaxat maye huo'o na lalegue qanlem, cha'aye huo'o da qarasouaxashet hueto'ot Ñimaye.

Da na'aqtaguec so Job 5:16

Qataq Ñimaye ỹo'ot da naquitaxac ca choxoraq. ¡Qataq ỹapogui na alap na qauemaicpi!

Números 6:24

‹Ñim Nataxala' 'am talec naqa'en ca 'anqouagaxa, qataq 'am ntela'a,

Salmos 31:17

'Am Nataxala', saishet qome da 'aua'aqta'a da qaỹo'ot ca ỹa'aloxo, nacherata da 'auo'ot ca la'aloxo na qauemaicpi, nache ỹe'emaqtom 'anqa'en da huetangui aca huachiqui.

Isaías 27:3

Aỹem Nataxala', nache aỹem maye ñeteltega, qataq saishet da she'emaxat da secottalec. Ñepaxattalec ye na'a'q qataq ye pe, da yaqto' saishet da qaỹo'otec qauem.

1 Samuel 25:26

Qalaxaye nagui Ñim Nataxala' 'am saỹashenem da 'aucoldec naua ntago'q, qataq da 'auo'ogoxona da 'ara'añaxac da 'apalaique 'arvi'. Qaq 'eeta'am qome so Nabal ca nhuaxanaguec nam 'ampa'aguenaxauapi, qataq 'enauac nam huotaique da 'am ỹo'otec ca qauem 'am ỹataxala'.

Da na'aqtaguec so Job 18:18

Qataq qaỹachegoxottoigui na yo'oqchiguiñi, da qaỹasaxauga na napalaxa, qataq qaỹo'orauec, ca'ai qanqa'en ana 'alhua.

Da na'aqtaguec so Job 40:13

'Aularoigui 'enauac ana 'alhua qataq 'alpategue, nache 'auachangui aca qaỹoqchiguingui huachiqui.

Salmos 1:6

Cha'aye Ñim Nataxala', ỹataqta ntela'a da llecỹaxac nam no'on da lataxac, qaq da llecỹaxac na qauemaicpi qalaq taỹa'a da nlaguiñi.

Salmos 105:37

Ñim Lo'onatac 'Enauacna nqatec co'ollaxa so lalamaxat nhuo' le'ecpi, lỹatec naqa'en so qalota oro qataq plata, nache qaica ca nqanaxattac somayepi.

Salmos 145:20

Ñim Nataxala', ntela'a 'enauac nam ỹauotec Ñimaye, qalaxaye taỹa'a da nlaxaañi 'enauac na 'etaxaloxoicpi.

Isaías 47:5

'Anso'ooñi nache 'añe'emaxat 'am llale na caldeopi, 'aigui na napalaxa, cha'aye saishet qome da qaltaq 'am qaỹamata'ac 'am late'e na ỹotta'a't shiỹaxauapi.

Nahúm 1:8

qalaxaye nmichiguiñi naqa'en qome na npa'aguenaxauapi, 'eeta'am ca qapa'atteguet ndep da ỹache 'enauac na huetangui na llec, qataq Ñimaye 'eeta'am ca napalaxa da iviralec na npa'aguenaxauapi.