1 Samuel 2:8 - La'aqtaqa Ñim Lo'onatac 'Enauacna 2013

⁸ Ñim Lo'onatac 'Enauacna nachaalataxaañi cam choxoraq maye huetaiya', qataq nqateeguesop ca lasoguiñi cam deuenaxaatapigui', da yaqto' nso'ona'ai' naqa'en na 'amaqtaqaic shiỹaxauapi, nache ỹanagui cam lo'onataxanaxac maye huo'o da llo'oxoyec, cha'aye Ñim Nataxala' nacheñi ñim ỹo'o't co'ollaxa soua nlletrañi ana 'alhua, qaq nache ỹanaleguete da yaqto' na'atchiguiñi naqa'en ana 'alhua.

Toba del Oeste

⁸ Ñe'me Dios yañijeguem joga'me choĝodac, yachiyoĝotaue joga'me lajoyiñe, nataq'aen male navijeguem joga'me jelaĝanaĝaic, qaedi male yanauelo jogaa'me jiyaĝa'u jo'ne p'ajodaye. »Qa'a ñe'me Jaliaĝanec loĝot ena'uac joga'me chiyoqochi'ña jena'me aleua, qama'le joga'me yachalegue ena'uaque jogaa'me aleua laje'pi.

1 Samuel 2:8 Referans Kwoze

Daniel 2:48

Qaq ime, nache so nta'a ỹanem so Daniel, so no'onataxanaxac maye huo'o da la'amaqchec, qataq ỹauo'o so qalota qataq ỹo'oxoraq nmepi, qataq nataqa'en ỹanem da ilo'ogue 'enauac som 'alhuapi ye Babilonia, qataq 'amaqtaqaic lataxala' 'enauac som ỹaanaxanaxaicpi yi'iye 'alhua.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Daniel 6:3

qaq somaye ỹataqta saqaỹaloq da yo'oq, da saq 'ena'ama soua lỹa't maye qoỹanema da nauaatalec so nta'alpi, souaxat da ỹataqta ỹaanaxanaxaic, qaq ỹoqo'oye so nta'a, lhuennataxac co'ollaxa da ỹanem da lo'onataxanaxac somaye da ilo'ogue ye 'alhua.

Apocalipsis 1:6

Nataqa'en So Cristo qomi' ỹanema da qaro'onataxanaxac da 'eeta'am da lo'onataxanaxac na nta'alpi maye ilotague' na 'alhuapi qataq qomi' ỹanaguilo da qomi' ltaxaỹaxanaxanaqa naqa'en na shiỹaxauapi da so'onataxanaqot Ñim Lo'onatac 'Enauacna maye Lta'a. Qaq ỹoqo'oye ¡'Enauac da qoñiita qavio'oxoyiñi So Jesucristo, cha'aye 'oonolec Somaye da hueto'ot 'enauac da na'añaxac ana 'alhua! Aja', nache 'eetec.

Eclesiastés 4:14

Qaq na'aictaxa da chegaqaigui aca ncoñetaxanaxaqui cam inoxoneuo da nta'a, huo'otaq da chegoqtoigui da lachoxoyec da inoxoneuo da nta'a.

1 Samuel 15:17

Nache so Samuel, 'enapec: «¿Peta'a saisheto' da nache 'am co'ollaxa da qonapec qaica ca 'ara'amaqchec? Qalaqca 'avira'a da 'am lataxala' na maiche nalamaxat nhuo' Israel le'ecpi, qataq Ñim Nataxala' 'am ỹanagui da 'am lta'a na Israel le'ecpi.

Apocalipsis 22:5

Huaña, nache saishet da huo'o ca pe. Qaq nam netaña yemaye saishet da iuen aca lcoỹaraxanaxaqui qataq añi nala', cha'aye Ñim Lo'onatac 'Enauacna maye Nataxala' icoỹattalec. Qaq namayepi nache chochaq tatec da lo'onataxanaxac.

Apocalipsis 5:10

Nache 'aỹa'anagui da nta'alpi qataq ntaxaỹaxanaxanecpi da qaitaxaỹapegue' Ñim Lo'onatac 'Enauacna; Namayepi ilo'ogue 'enauac na shiỹaxauapi maye huetalec ana 'alhua.»

2 Samuel 7:8

Ỹoqo'oye qonapega qome ñi ỹamaxashec David, da Aỹem Nataxala' maye Qaica ca Seqalanapec, da ỹa'aqtac 'eeta': ‹Aỹem, 'am sachegoxottelec co'ollaxa aso nlo qaguetapi maye 'aulotague', da yaqto' 'am sanagui da lataxala' ñaqa'en na ỹalamaxat nhuo' Israel le'ecpi,

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Salmos 104:5

'Am, na'attelec co'ollaxa 'anqa'en so lo'oxonaxala' ana 'alhua, da yaqto' saishet da deraỹapigui'.

Salmos 102:25

Cha'aye 'aua'ayiñi ana 'alhua co'ollaq cheta'ague da 'auo'ot 'enauacna, qataq nache 'am co'ollaxa da 'auo'ot na piguem.

Salmos 24:2

Cha'aye Ñimaye lapaxañi co'ollaxa so lo'oxonaxala' ana 'alhua, nache na'attalec naqa'en aso auaxai qataq na talapi.

Génesis 41:14

Qaq huaña nache so faraón damaxasoxoneuga so José, nache saqaỹaỹaloxon da qanqateeguesop aso ncoñetaxanaxaqui. Nache so José npetec na laue, qataq naralaxa't soua alogo, nache jec da nachaateua'a so faraón.

Da na'aqtaguec so Job 2:8

Nache so Job, tauga so laponqa' so alo da nso'ongui, nache ỹacona so laỹe aso laxai naco'oña, nache nvictega.

Génesis 41:40

Qaq nagui aỹem, 'am sepataxalec da 'aulo'ogue na ima' lta'araic qaq 'enauac qome na ihuo' le'ecpi da ỹalaxalec cam 'aramaxasoxonaxac. Qaq chaqaỹemta qome da 'am ñapactelec, cha'aye nachaỹem nta'a.

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.

1 Reyes 16:2

«Aỹem 'am sachegoxottoigui co'ollaxa na lsoche na 'alhua, da 'am ñauaxaỹaxaasheguem da yaqto' 'am lataxala' ñaqa'en na ỹalamaxat nhuo' Israel le'ecpi. Qalaxaye 'am, ỹataqta qoneta'am so Jeroboán da huo'o 'anqa'en da lasouaxashet na ỹalamaxat nhuo' le'ecpi, nache aỹem 'aunogoqchet souaxat na 'arasouaxashetpi.

2 Reyes 9:6

Nache so Jehú, ñisheguem co'ollaxa, nache pa'aigui so nỹec. Huaña nache so na'aqtaxanaxanec nqatsheguem aso laỹe' so aceite maye ncoraxanaxat, nache icorelec na lqaic somaye, nache 'eeta': Ñim Nataxala' maye Natamnaxala' na Israel le'ecpi da la'aqtac, 'eeta': «Aỹem, 'am secorelec da yaqto' 'am sanagui, da 'am lta'a na Israel le'ecpi maye ỹalamaxat nhuo' le'ecpi.

Da na'aqtaguec so Job 1:21

Nache, 'eeta': «Sootauec co'ollaq ñanaỹa ana 'alhua, qaq nataqa'en sootauec qom sheca'ai. Ñim Nataxala' aỹem ỹanem 'enauac na aỹem hueto'otpi, qaq Ñimaye ipactegue da ỹacona 'enauac na aỹem hueto'ot. ¡Qalaxaye nache 'eetai' qome da sho'oxoreetac da le'enaxat Ñimaye!»

Salmos 75:3

nache cholaxan ana 'alhua qataq 'enauac na netalec anamaye, cha'aye nachaỹem da ñelletañi anamaye.»

Salmos 75:7

cha'aye Ñim Lo'onatac 'Enauacna nacheñi ñi nmit 'enauacna, nache ishet da huo'o ca huetaiya' naqa'en, qataq ishet da huo'o ca nauaxaỹaxaasheguem.

Salmos 107:41

Qalaxaye Ñimaye nqateeguesop da lachoxoyec na choxoraqpi, nache nquigaxatec naqa'en na llalaqpi 'eeta'am ana qalota qaguetapi.

Isaías 22:23

Qaq ñimaye 'eeta'am qome aca so'onaxaqui maye huo'o da la'amaqchec qom netangui na llalaqpi so lta'a. Qataq so'ot da saishet da deraỹai' ca hueta'a, 'eeta'am aca clavo da qaitoqneuo.

Salmos 75:4

Nache na na'amqaanaxaicpi shenapega da: «Saishet da na'amaqten» qataq na qauemaicpi shenapega da: «Saishet da ño'oxoren»