1 Samuel 2:7 - La'aqtaqa Ñim Lo'onatac 'Enauacna 2013

⁷ Ñim Nataxala' ishet da qomi' choxora'q naqa'en, qataq da qomi' sallaxanqa, qataq ishet da souaqañi naqa'en qataq da qomi' ỹanaxanaxaayishegue'm.

Toba del Oeste

⁷ Ñe'me Jaliaĝanec en qo'mi choĝodache uotaĝa neuoyaĝadi; en jouaqata'ñdi nataq'aen qo'mi yañidijeguem.

1 Samuel 2:7 Referans Kwoze

Salmos 75:7

cha'aye Ñim Lo'onatac 'Enauacna nacheñi ñi nmit 'enauacna, nache ishet da huo'o ca huetaiya' naqa'en, qataq ishet da huo'o ca nauaxaỹaxaasheguem.

Da na'aqtaguec so Job 5:11

Ñimaye ỹo'otec da la'amaqchec ca qaica ca ye, qataq ca huetapoigui da nque'eenaxac.

Da na'aqtaguec so Job 1:21

Nache, 'eeta': «Sootauec co'ollaq ñanaỹa ana 'alhua, qaq nataqa'en sootauec qom sheca'ai. Ñim Nataxala' aỹem ỹanem 'enauac na aỹem hueto'otpi, qaq Ñimaye ipactegue da ỹacona 'enauac na aỹem hueto'ot. ¡Qalaxaye nache 'eetai' qome da sho'oxoreetac da le'enaxat Ñimaye!»

Santiago 4:10

Saishet da qana'amaqchiñi da qauataito'ot Ñim Nataxala', qaq Ñimaye ỹauo'o ca qansheetenaguiiqui.

Isaías 2:12

ca na'a'q maye Ñim Nataxala' maye Qaica ca Ỹaqalanapec, anac da dataỹa'aguet 'enauac na ño'oxonnaxaicpi, na'amqaanaxaicpi qataq na napagaqaanaxaicpi, da yaqto' qaica naqa'en ca la'amaqchec namayepi,

Salmos 102:10

Qaq souaxat da 'aralemataic qataq da 'arayeloxo, nache aỹem 'auacoosop da aỹem 'auasaxauec.

2 Reyes 9:6

Nache so Jehú, ñisheguem co'ollaxa, nache pa'aigui so nỹec. Huaña nache so na'aqtaxanaxanec nqatsheguem aso laỹe' so aceite maye ncoraxanaxat, nache icorelec na lqaic somaye, nache 'eeta': Ñim Nataxala' maye Natamnaxala' na Israel le'ecpi da la'aqtac, 'eeta': «Aỹem, 'am secorelec da yaqto' 'am sanagui, da 'am lta'a na Israel le'ecpi maye ỹalamaxat nhuo' le'ecpi.

Da na'aqtaguec so Job 40:12

Nache 'auamaxañi, 'aurolec da 'armeenaxanaxac da huetaiya' 'anqa'en, qataq 'aupataxañi ne'ena qauemaicpi huaña 'anqa'en ca hueta'a.

1 Crónicas 29:12

Nache 'am chegoqtecot da nsallaxa qataq da ño'oxoyec, qataq 'enauac da 'alotegue' namayepi. Na 'arhuaq huetaigui da lta'araic na'añaxac, qataq nache 'am da 'aỹa'anem da la'añaxac qataq da la'amaqchec 'enauac na shiỹaxauapi.

2 Crónicas 32:27

Qaq so Ezequías ỹataqta huo'o co'ollaxa so lta'araic lsallaxa qataq la'amaqchec, nache ivira'a da qalota so laỹamaqtac lcat plata, oro qataq so no'on coma', coraxatpi, npaqtaxanaqtepi, qataq so nogoxoshetpi maye huo'o da lasheechiỹaxac.

2 Crónicas 32:29

Nataqa'en damaxasoxoolec da qano'oxoosheguem so huaqta'a't nỹecpi, qataq nataqa'en qalota so na'atetpi shiguiỹacpi nam lta'araic qataq nam qapio'olecpi, cha'aye Ñim Lo'onatac 'Enauacna ỹanem co'ollaxa somaye da qalota da lsallaxa.

Salmos 75:8

Ñim Nataxala' nasoqta'a aso ỹomaxaqui, huetagui na lataxa maye ỹotta'a't na lalegue qaq Ñimaye qom icorec somaye, nache 'enauac na qauemaicpi maye huetalec ana 'alhua, nỹomigui qome nache ivitta'a da ỹauta.

Proverbios 22:2

Ca sallaxanec qataq ca choxoraq caamaye nache 'eeta'a't, cha'aye caamaye maiche lo'onataqa Ñim Nataxala'.

Jeremías 49:15

Aỹem 'am so'otec qome da qaica ca 'ara'amaqchec da 'aualectaigui na laỹepi shiỹaxauapi qataq 'am qaỹo'otan da 'aualectaigui na ỹalleppi.

Ezequiel 17:24

Qaq huaña qome nache 'enauac ana qo'oipaqpi maye netalec na no'onaxa, ỹaỹaten da nachaỹem Nataxala'. Qaq Aỹem sa'axasoxooñi aca qo'oipaq maye ño'oxonnaxai, qataq ishet da ñaxat ñaqa'en acatai' qapiole qo'oipaq. Qataq deqaqa ñaqa'en aca qo'oipaq maye nsalatec, qataq ishet da nsalatec ñaqa'en aca qo'oipaq deqaqta. Qaq 'era da ỹa'aqtac Aỹem Nataxala', qaq damaye sepacchigui qome.»