1 Samuel 2:6 - La'aqtaqa Ñim Lo'onatac 'Enauacna 2013

⁶ Ñim Nataxala' ỹan, qataq nqat da achaalataxac, qataq saxangui naqa'en aca huachiqui, qalaxaye nataqa'en ishet da qomi' nqatsheyegue'm.

Toba del Oeste

⁶ Ñe'me Jaliaĝanec qo'mi yanema da'me qanejiyaĝauayaĝac nataq'aen da'me qo'mi yapalaĝa't; qama'le en jaĝa'añgui jaga'me napa'l lae't nataq'aen da'me en qa'niyelaĝajeguem.

1 Samuel 2:6 Referans Kwoze

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Isaías 26:19

Qalaxaye so 'aralamaxatpi maye ileu, somayepi qaltaq nca'alec qome, so mashe qailareñi qalaq ỹoltaq nca'alec qome, qaq nam do'ochetapi maye huetaigui ana 'alhua qalaq nlouec qome nache ỹa'alaqtagui souaxat da ntonaxac, cha'aye 'am 'anamaxa qome ca 'arcoỹaraxanaxac 'eeta'am 'anqa'en na 'aỹa ye nte'etom, nache nam leuaxaicpi chegoqtoigui qome ana 'alhua da qaltaq nachaañi.

2 Reyes 5:7

Qaq so nta'a ye Israel, co'ollaq ime da itaxaỹaxaatac asa'aso nere, nache ncolaxata'aisalo soua alogo. Nache 'enapeco': ¿Peta'a nachaỹemo' da Ỹo'onatac 'Enauacna, da ishet da san qataq ñeqat da achaalataxac, da yaqto' que'eca nta'a aỹem namaxa de'era ỹale, da yaqto' no'oita ñaqa'en na lo'oc maye huetalec na lepra? ¡Ña qaumichiñiita de'era, cha'aye camaye yo'oqta da nmittaique ca lataxac da aỹem dataỹa'aguet!

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Da na'aqtaguec so Job 5:18

Cha'aye Ñimaye da ỹo'ot ca nque'emaxa, qalaq nataqa'en nataren, qataq da huo'o ca iuaxan qalaxaye nataqa'en nataren.

Juan 11:25

Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec.

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Salmos 116:3

So lcoñetaxanaxat da nleuaxa qalaq mashe aỹem lpachigui, qataq mashe aỹem loxonec da ỹachetataic souaxat añi huachiqui, qataq sevireguet da icolanaxa qataq da ñiqui'ic.

1 Samuel 20:3

Qalaxaye so David qaltaq ỹe'eguelaxalec da la'aqtac, 'eeta': Ñi 'arta'a ỹaỹateeta da ỹataqta aỹem 'arauotaxat, qaq yo'oqta da saishet da 'am da'aqtaxanem qome de'era, cha'aye ivittaique da huo'otaq sa 'auaỹamaxaren. ¡Qalaxaye 'am sanem da ỹa'aqtac, qataq Ñim Nataxala', da ỹoqta 'eesa da mashe saqaỹapeque da ileuaxa!

Salmos 68:20

Ñim Nataxala', maye Qanatamnaxala' Ñimaye Lo'onatac 'Enauacna maye deca'alaqtaxan, qataq ishet da qomi' nca'alaxateeguesopa da nleuaxa.

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.

Ezequiel 37:3

Qaq huaña nache aỹem 'enapega, 'eeta': «¿'Aua'amaqten peta'a, da ne'ena npi'inecpi ishet da ỹe'eguelaxa da qaltaq huo'o da lca'alaxa?» Nache aỹem sasat sheeta': «'Am Nataxala', 'am maye 'auaỹaten.»

Ezequiel 37:12

Qaq ỹoqo'oye 'auachegoxotchigui da ỹe'enaxat da 'aua'aqtaxanem namayepi, qoneta': Da la'aqtac Ñim Nataxala', 'eeta': Qami' ỹalamaxat nhuo' le'ecpi, Aỹem sauaangui qome ana huachiquipi maye qoviitangui, qami' sachegoxotchiguinguilo anamayepi da qami' ñeqatyeshegue'm, nache so'ot da qavi'eguelaqaỹa ye 'alhua ye Israel.

1 Reyes 17:22

Nache Ñim Nataxala', hua'axaỹa da nachoxonnaxac so Elías, nache qaltaq nca'alec naqa'en so nogotolec.

Salmos 30:4

Qami' maye ỹataqta qoquiitegue da llecỹaxac Ñim Nataxala', ¡qauo'oñi qome na no'onecpi qavio'oxoyiñi da qui'itta le'enaxat Ñimaye!

Salmos 71:20

Qaq na'aictoxo' da qalota co'ollaxa na aỹem 'auauanaqchetec, que'eenaxaguesat qataq na sa ỹaỹamaxañisat, qalaxaye qaltaq aỹem 'auachegoxotchiguiña qome, na qaỹoqchiguiña ana 'alhua da qaltaq aỹem 'anca'alaxatec,