Biblia Todo Logo
Bib sou entènèt

- Piblisite -




1 Samuel 2:4 - La'aqtaqa Ñim Lo'onatac 'Enauacna 2013

4 Ñimaye ỹacagaxachigui na lchecnec na 'añaxaicpi, qataq ỹanem da la'añaxac nam qaica ca la'añaxac.

Gade chapit la Kopi

Toba del Oeste

4 Ñe'me qa'a yolaĝachiguilo gaa'me lechiquenal gaa'me p'ajodaye, nataq'aen yanayelo da'me lañoqotaĝanaĝa'j gaa'me qaya'te 'lañaĝa'j.

Gade chapit la Kopi




1 Samuel 2:4
16 Referans Kwoze  

Qaq nache huaña yemaye da ỹacagaxachigui aso checnapi, checnecpi, npaqtaxanaqtepi, ỹeelonecpi, qataq 'enauac so no'ogoxonaxatpi.


Qalaxaye na maiche lainec namayepi, maiche ỹa'ayigui qome añi lquiyaqte, qataq na lchecnecpi ỹataqta huacaigui qome.


So Cristo aỹem ỹami' da ỹa'añaxac da yaqto' ñala'aguet da sataỹa'aguet 'enauac nam sevireguet.


Ñimaye vi'iiguet naqa'en da alaataxac, ivira'a na alaataxac maye huañalo naua loga'te ana 'alhua, qataq huacaigui naqa'en na nchecnecpi qataq ana taquiaxaipi, qataq ỹasaxangui na norec ana naigonapi.


qataq ỹalamat na lta'araic le'eraxa na norec. Qataq naneltaxaneguet da nalaataguec da qaira'a ca ỹeelonec. Qataq ỹaconeguet da la'añaxac da mashe ivita da qaica ca la'añaxac. Qataq da huo'o ye alaataxac qalaq ỹataqta 'añaxaicpi, ỹoqo'oye nauec na nalleppi na npa'aguenaxauapi.


Qalaxaye Ñimaye aỹem ỹasateguet, 'eeta': «Da iqouagaxanaqtaic mashe 'am hueto'ot, qaq saqca ca lỹa 'aueetac. Cha'aye da ỹa'añaxac yo'oq da nachattaigui ca shiỹaxaua qaica ca la'añaxac.» Qaq ỹoqo'oye ỹataqta samachiguiñi da saqca ca ỹa'añaxac yaqto' da la'añaxac So Cristo yo'oq da aỹem nachattaigui.


Cha'aye naua lhua'q na qauemaicpi taỹa'alo da huaca'c, qalaxaye Ñim Nataxala' nllichiguiñi na no'on da lataxac.


Qaq na'aictaxa da qami' qoroxoñiqui 'enauac na alleppi caldeopi maye qami' iloquiaxaata'ape, qataq na'aictaxa da nachenata na que'emaxaicpi alleppi da no'onaña cam nanataqa', qalaxaye camayepi ñesheguem qome, nache ỹegueua'a na huaqta'a't nỹecpi.»


Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.


Nache ỹataqta qanaỹamaxacheetai', qansachiigui da 'eesa lataxac, qataq qaupaqtaxañiỹa da no'on nataxac da 'eeta'am qanqa'eñi aca npaxaalec ana ltogue ca huataxanaq le'ec.


Qaq ¿negue't ca lỹa ishet da qami' sa'aqtaxanema? Cha'aye mashe qaica ca iraqa' da qami' sa'axatema da lpi'iỹaxac Ñim Lo'onatac 'Enauacna so Gedeón, Barac, Sansón, Jefté, David, Samuel, qataq so laỹepi la'aqtaxanaxanecpi Ñimaye.


'Am aỹem 'aỹa'anem co'ollaxa da ỹa'añaxac da seloqui qataq 'auo'otec da aỹem ỹa'aroto naua l-llecte na 'etaxaloxoicpi,


«¡Ñaq qañe'emaxache qome qauaỹaañiteguet da nachaỹem Atamnaxala'! ¡Aỹem ñataỹaña 'enauac na ỹotta'a't shiỹaxauapi qataq 'enauac ana 'alhua!»


Ñimaye ỹanem da la'añaxac cam nasamñi, qataq nquigaxatec da la'añaxac ca qaica ca la'añaxac.


Anac da ilaxachigui ye Babilonia nache loxonec qome na alleppi qataq ỹacagaxachigui na lchecnecpi namayepi. Cha'aye Ñim Nataxala', Nacheñi Ñim Lo'onatac 'Enauacna, maye ỹanem nam naigui nam ỹo'otpi ñi 'oonolec.


Swiv nou:

Piblisite


Piblisite