1 Samuel 2:3 - La'aqtaqa Ñim Lo'onatac 'Enauacna 2013

³ Qaica qome ca na'amaqten da detaqa, qaica qome ca ỹagaqnauec da ño'oxonnaxac, cha'aye nacheñita Ñim Nataxala' ñi ỹaỹaten 'enauacna, qataq nacheñi ñi naloqna't, qataq nmit na ỹo'otpi ca shiỹaxaua.

Toba del Oeste

³ 'Noota ta'le qaya'te 'nonaĝatapela't, 'noota ta'le qaya'te etapega p'ajaye, qa'a ñe'me Jaliaĝanec nach'eñe ñe'me Dios jo'ne yayaten ena'uac, nataq'aen ñe'me naloqoten ga'me 'lonatac ga'me jiyaĝaua.

1 Samuel 2:3 Referans Kwoze

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

1 Reyes 8:39

qaq 'am ye qoneto'ot na piguem, 'aua'axaỹa qome camaye, qataq 'auapalaxat ca lasouaxashet, qaq 'am maicheye ca 'aỹa'anem ñi 'oonolec, cha'aye 'am maye 'auauatton da lataxac, qataq nache 'amta da 'auaỹaten da lquiyaqteỹaxac na shiỹaxauapi,

Proverbios 24:12

Cha'aye na'aictoxo' da qonapec sa 'auaỹaten de'era, qalaxaye Ñi nmit 'enauacna, Ñimaye ỹaỹateetac damaye qataq Ñim 'am ilotague' ỹaỹateeta de'era, Ñim isheeten qome ca lo'onatac ñi 'oonolec shiỹaxaua.

Hebreos 4:12

Da huo'o ye la'aqtac Ñim Lo'onatac 'Enauacna da nasaxauec qalaq ỹataqta huo'o da la'añaxac qaltaq nca'altauec. Da la'aqtac Ñimaye ỹataqta napacalec na llaxa ca ỹeelonec maye dos naua ala'api, ỹoqo'oye ishet da iviraua'a ye ỹataqta pa'auo da nachaalataxac ca shiỹaxaua. Nataqa'en huaña da ishet da imete'n naua qarhuennataxaco qataq da qaryaxayec, nache ỹachaxa'n da huo'otaq 'onaxaiqa huo'otaq qauema.

Proverbios 16:2

Ca ỹale 'eeta'am naqa'en da 'onaxaic 'enauac na ỹo'ottacpi, qalaxaye Ñim Nataxala', nacheñi ñi nmit na nhuennataxacpi.

Isaías 37:23

¿Negue't cam 'aunotega qataq 'ausheueetac? ¿Negue't cam 'auqaqaatalec qataq 'auachaxana dam ño'oxonnaxaic 'armeenaxanaxac? ¡Qomye nacheñi ñim Qui'itta Natamnaxala' na Israel le'ecpi!

Salmos 147:5

Ñim Qarataxala', ỹataqta lta'araic qataq 'añaxaic, qataq qaica ca loga't da laỹaanataxanaxac.

Salmos 94:4

'Enauac ne'ena qauemaicpi ỹataqta na'amqaanaxaicpi, qataq taxaỹaxaicpi souaxat da na'amqaanaxac.

Salmos 44:21

Nache 'am, sogote taxa da qomi' 'auanomalo, cha'aye 'am mashe 'auaỹateetac na ỹataqta ỹapoguiñi nhuennataxacpi.

Da na'aqtaguec so Job 31:6

¡Qaq 'onaxaico' da Ñim Lo'onatac 'Enauacna naloqten da ỹataxac, nache maiche ỹaỹaten da qaica ca ỹasouaxashet!

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Malaquías 3:13

Ñim Nataxala', 'enapec: Qami' ỹataqta sansatte' naua qara'aqtaqalli' da Aỹem qautaqaitega. Qalaq ñaq 'eetalec da qaunataxañeetac qoñeeta': «¿Negue't cam qauem qara'aqtac da 'am sataỹaqa'aguet?»

Daniel 5:27

qaq ye TEKEL, naigui da 'am nta'a, mashe 'am qanaloqten qaỹauota'a aso naloqnaxanaxaqui, nache qaỹaỹaten da saishet da 'avi' yem ỹoqta 'arsallaxa ctaxa,

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Isaías 26:7

Da llecỹaxac na no'on da lataxac qalaq no'oitegue, 'Am Nataxala', 'analoqchichiguiñi da llecỹaxac namayepi.

Salmos 17:10

Qaq namayepi ỹataqta sa detelaqtaxan, qataq da detaqa qalaq ỹataqta na'amqaanaxaiqa naua la'aqtaqa,

Salmos 31:18

Qataq 'aviaxanegueta naua shepecaiqa la'aqtaqa, cha'aye da detaqtega na no'on da lataxac, qalaq na'amaqten qataq sansatte' naua la'aqtaqa.

Salmos 75:5

qataq «saishet da ỹo'oxoreetac da la'añaxac, qataq saishet da na'amaqten da detaqtac.»

Josué 22:22

«Ñim Nataxala' maye Lo'onatac 'Enauacna maye nataỹaña 'enauac na atamnaxala'pi, Ñimaye ỹaỹaten da saishet da so'otaq de'era da yaqto' sataỹaqa'aguet huo'otaq da qolaqa'ai Ñimaye. Qaq Ñimaye ỹaỹaten de'era, qataq 'enauac da qami' ỹaỹaanaxanaxaneque, qaq da huo'otaq saq 'en de'era, ¡nache qomi' ỹalaua't nagui!

Jueces 9:38

Nache so Zebul, 'enapeco': «¡Ña 'autaqa nagui, 'am maye qonetega qaica ca naigui ñim Abimelec da choche qomi' ỹamaqta'ape! Qaq 'enacha'aguet nam qonetega qaica ca naigui. ¡'Asoma nagui, nache 'aulogui' namayepi!»

Ezequiel 35:13

'Am 'auauachigui co'ollaxa na 'ap da Aỹem 'aunogoqchettac, qataq sa 'auena'a ca 'ara'aqtac da Aỹem 'auataỹa'aguet. Qaq Aỹem 'am sa'aqchigui co'ollaxa.