Biblia Todo Logo
Bib sou entènèt

- Piblisite -




1 Samuel 2:2 - La'aqtaqa Ñim Lo'onatac 'Enauacna 2013

2 ¡Qaica ca Qui'itta da 'eeta'am 'Am, Nataxala'! ¡Qaica ca qomi' npaxattaleguete, da 'eeta'am 'am Qanatamnaxala'! ¡Qaica ca lỹa nachaq'amta!

Gade chapit la Kopi

Toba del Oeste

2 ¡Qaya'te ta'le ja 'nalegue ta'le am ena'am, am Jaliaĝanec! ¡Qaya'te qo'mi nequepaĝatetelo'te ta'le am ena'am, am jo'ne am Qanedios! ¡Qaya'te ga'me etapega am napacalegue!

Gade chapit la Kopi




1 Samuel 2:2
37 Referans Kwoze  

Cha'aye ¿Negue'to' ca lỹa Atamnaxala' ye nacheñita Ñim Nataxala'? ¡Qataq nacheñita Ñimaye da qomi' mpaxattaleguete!


Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.


Cha'aye qaica ca lỹa atamnaxala' da 'am 'eeta'am, 'Am Nataxala', qataq qaica ca no'onatac da 'eeta'am na 'aro'onatacpi.


'Am Nataxala', Atamnaxala' maye Qaica ca 'Auqalanapec, ¿negue'tom cam 'am 'eeta'am? Cha'aye 'am 'añaxaic qataq 'am coleesop da 'eesa lataxac.


'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!


Qaq 'Am Nataxala' qaica ca 'am 'eeta'am: 'Am 'amaqtaqaic, da 'are'enaxat qalaq lta'araic qataq 'añaxaic.


Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.


«'Am Nataxala', 'Am 'auachaxana co'ollaxa ne'ena 'aramaxashec da 'ara'amaqchec qataq da 'ara'añaxac. Cha'aye qaica ca lỹa Lo'onatac 'Enauacna da neto'ot na piguem, huo'otaq ana 'alhua, da ishet da ỹo'ot nam qaica ca 'ena'am da llo'oxoyec maye ishet da 'auo'ot.


«Qonapega qome na Israel le'ecpi da ỹa'aqtac, 'eeta': Ỹataqta qui'itta qome da qarataxaqui, cha'aye Aỹem Qarataxala'ai maye Qanatamnaxanala'ai, ỹataqta qui'itta da ỹataxac.


Cha'aye 'enauac nam nanettalec ana nere maye huetalec na la'aqtacpi Ñim Lo'onatac 'Enauacna qoỹiyiñi co'ollaxa da yaqto' qomi' ỹapaxague'n. Da la'aqtaxanaxac anamaye qomi' itaua'n da yaqto' huo'o da qara'añaxac qataq qanhualaxaunaxac, qataq ỹataqta 'itchiguiñi da 'eesa dam qara'amqaanataxanaxac.


¡Qalaxaye qana'añaxache, saishet da qayi'iitac! 'Era da ỹa'aqtac co'ollaxa soua qaỹoqteguelo vi'iye, qaq qami' nache qami' ỹa'aqtaxanaxanaqa de'era. Qaq ¿peta'a huo'o ca lỹa atamnaxala' ỹaqauga? 'A'i, qaica ca lỹa ñe'eguenaxala', qaica ca sauatton.»


Qaq ¿negue't ca ishet da qanaloqñeeguet Ñim Lo'onatac 'Enauacna? Qataq ¿negue't ca ne'enaqtac cam ishet da 'ena'am qanqa'eñi Ñimaye?


Nache ñi 'oonolec soomaye na'axanneque naua la'aqtaqa da detaqtega't, 'eeta': «Qui'itta, qui'itta, ỹataqta qui'itta Ñim Nataxala' maye Qaica ca Ỹaqalanapec. Da llo'oxoyec Ñimaye ỹataqta imattalec ana 'alhua.»


Ỹanem da huesochiguiñi na lalamaxat nhuo' le'ecpi, qataq lapaxañi da chochaq tatec naỹamaxataxac. Da le'enaxat Ñimaye ỹataqta qui'itta qataq chaqaic.


¡Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli'! ¡Ñimaye ỹataqta qui'itta!


Cha'aye ¿negue'tom ca neto'ot na piguem da ishet da 'am qanaloqneguet, 'Am Nataxala'? Qataq ¿negue'tom ca 'am 'eeta'am nam llalaqpi na 'añaxaicpi?


Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.


Ñimaye qomi' npaxattaleguete, na lo'onatacpi qalaq ỹaỹamaqchiguiñi, qataq na ỹo'otpi qalaq nalochiguiñi. Ñim Lo'onatac 'Enauacna ỹataqta 'eesa da lataxac, qataq saishet da ỹo'ot ca sa ỹaỹamaxañi, ¡Ñimaye ỹataqta ỹaỹamaqchiguiñi qataq nalochiguiñi da lataxac!


Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli' qom qoviita'a añi qui'itta nqasoxonaxa, cha'aye ỹataqta qui'itta Ñim Nataxala' maye Qanatamnaxala'.


¿Negue'tom ca neto'ot ñaqa'en na piguem? ¡Ye nache 'amta! Qaq da 'am sooto'ot nache qaica ca lỹa ñeqopittega ana 'alhua.


'Am Atamnaxala', da ỹaỹamaqchiguiñi 'arataxac ỹataqta iviro'ot na piguem, 'Am Atamnaxala' ỹataqta lta'araic na 'auo'otpi co'ollaxa, qaq ỹataqta qaica ca 'am 'eeta'am.


Aỹem 'ampaxaalec qome qoneta'am aca coma' maye ỹe'eguenaxaqui, acam coma' maye nache 'eetai' naxa da ỹe'eguenaxaqui. Ỹoqo'oye 'aỹa'an qome ca 'ara'aqtac da aỹem 'anca'alaxatec, cha'aye 'am qoneta'am aca coma' maye ỹe'eguenaxaqui.


'Am, aỹem 'ampaxattalec qoneta'am aca coma' maye ỹe'eguenaxaqui, nache 'am, aỹem 'antela'a qataq aỹem 'anca'alaxattauec, 'am, maye nache 'am ipaqtaxanaxat, qataq ñeqañoxotaqa' maye ỹataqta qaỹoqotcheguemec.


nache, 'eeta': Aỹem sero'oguet qome na ilaq namayepi, ¡qaq chaq hua'ague qome ca dataigue! Ye ỹataqta 'eesa da qauemaicpi ne'ena shiỹaxauapi, ñalaqpi maye saishet da qaipi'iỹa'a.


Qaq damaye qami' qaỹachaxanalo yaqto' qauaỹachiñiita da Ñim Nataxala' nacheñi Ñim Lo'onatac 'Enauacna, qataq qaica ca lỹa 'eeta'am Ñimaye.


¡Ỹataqta machiguiñi qome nam shiỹaxauapi maye Ñim Lo'onatac 'Enauacna ỹapalaxat na lasouaxashetpi qataq 'enauac nam qauem maye ỹo'otpi!»


¡Qaq ỹoqo'oye 'Am Ỹataxala', ỹataqta qaica ca 'eeta'am da 'ara'amaqchec! Cha'aye qaica ca lỹa atamnaxala', da 'Am 'eeta'am da sa'axasoqteguelec naxa da qaỹa'axattac.


Ñim Ñatamnaxala', 'eeta'am ana coma' da aỹem mpaxattalec, qataq ana mpaqtaxanaqte da aỹem mpaxattalec, qataq 'eeta'am ca ỹataqta qaỹoqotcheguema ñeqañoxotaqa', qataq ica'alaxaqui. ¡Qataq aỹem nca'alaxateeguesop da ñecogaxanataguec!


nache 'enapeco': «'Am Nataxala' maye Natamnaxala' na Israel le'ecpi, na pa'asheguem na piguem qataq na huetalec ana 'alhua, qaica ca Atamnaxala' da 'eeta'am 'am, da 'aupacchiguilo naua 'anaỹamaxataxaco, qataq da 'archoxonnataxanaxa cam ỹataqta lquiyaqteỹaxac da 'am do'onataxanot,


¿Negue'tom ca lỹa Lo'onatac 'Enauacna ye nacheñita Ñimaye? Qataq ¿negue'tom ca lỹa qaramta ye nacheñita Ñim Qanatamnaxala'?


Ỹataqta qaỹo'oxoren qome da lta'araic qataq chaqaic le'enaxat Ñimaye. ¡Ñimaye ỹataqta qui'itta!


Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.


Aỹem Nataxala', maye qami' ñeqateeguesopa co'ollaxa ye Egipto, da yaqto' nache Aỹem Qanatamnaxala'ai. Qaq ỹoqo'oye qami', iuen da ỹataqta qui'itta da qarataxaqui. Cha'aye Aỹem, ỹataqta qui'itta da ỹataxac.»


Qaq ỹoqo'oye nagui qauauattoñiita, qataq qauaỹaañita da Ñim Nataxala' nacheñi Ñim Lo'onatac 'Enauacna, maye ilo'ogue na piguem qataq ana 'alhua qataq qaica ca lỹa.


Swiv nou:

Piblisite


Piblisite