1 Samuel 2:12 - La'aqtaqa Ñim Lo'onatac 'Enauacna 2013

¹² Qaq soua llalqa so Elí ỹataqta qauem da lataxa'c, qataq qaica ca 'enec naqa'en Ñim Nataxala',

Toba del Oeste

¹² Gaa'me c'oqo'te ñe'me Elí yataqata qaleuaĝayaqa nataq'aen ja t'oidapega ñe'me Jaliaĝanec,

1 Samuel 2:12 Referans Kwoze

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

2 Corintios 6:15

Qataq saishet da nhuoteeta't So Cristo qataq so pa'aguenataxanaxaic. Qataq nam quetague' So Cristo saishet da iỹaxana da lqaỹa nam saishet da quetague' Somaye.

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Romanos 1:21

cha'aye namayepi ỹaỹaten da huo'o Ñim Lo'onatac 'Enauacna, qalaxaye saishet da huo'o ca 'enec naqa'en qataq saishet da ỹami' ca na'achecỹaxac. Nachaqrata da iuennatega dam qaica ca naigui qataq da ỹo'ot ca qauem.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Juan 8:55

Qalaxaye qami' saishet da qauauattoñi Ñimaye; Aỹem, qalaxaye sauatton qataq salaxaguet. Cha'aye da Aỹem shenapec da sa sauatton, nache Aỹem choche satenataxaatac, sheeta'ama qami'.

Jeremías 22:16

Somaye iueelec co'ollaxa na choxoraqpi qataq na huo'o da lhuenaxanaxa, qaq ỹoqo'oye no'on da llecỹaxac. Qaq 'era da lataxac maye ỹachaxan da Aỹem qaỹauatton. Qaq 'era da ỹa'aqtac Aỹem Nataxala'.

Jeremías 9:6

naralaxat da lataxac. Ñim Nataxala', 'enapec: «¡Namayepi nlaxagui da natenataxanaxac, qataq qaica ca qairen! Na ỹalamaxat nhuo' le'ecpi aỹem saỹauatton.

1 Reyes 21:13

Huaña, nache nvildeuo co'ollaxa soua dos ỹale't maye 'etaxaloxoiqa, nache datategueta qanqa'en so Nabot, nache soomaye da'aqtaxaarem se'eso shiỹaxauapi, da so Nabot isheueetac co'ollaxa Ñim Nataxala', qataq so nta'a Ajab. Qaq co'ollaq ime, nache qaipa'axanec somaye, qaỹauegueuga so pa'auec so huaqta'a't nỹecpi, nache qaỹalauat qairota'a so coma'.

1 Reyes 21:10

Qataq datategueta qanqa'eñi caua dos ỹale't 'etaxaloxoiqa, maye saq'en ca ỹa'axa't, yaqto' caamaye ỹa'axa't qome da so Nabot isheueetac Ñim Nataxala', qataq ñi nta'a Ajab. Qaq da ime, nache qaupa'axañiiuec ca Nabot, nache qaualauache qauroilec ca coma'.»

1 Samuel 25:17

Qalaxaye ñim 'arhua, ye ỹataqta qauem da lataxac, qataq saishet da qaitaxaỹot, qaq 'onaxaic qome da 'auo'ot ca 'auataxaateuga de'era, cha'aye so David mashe lhuennataxa da iloquiaxan ñim qana'aco' qataq 'enauac na lauo' le'ecpi.

1 Samuel 10:27

Qalaxaye sa qoue naxa nam shiỹaxauapi maye qauema naua la'aqtaqa, nache 'eetaco': «¿Qache nacheso' so qaỹauotaique da qomi' nca'alaxatrec se'eso?» Nache ỹataqta qaỹo'otaatac, qataq saishet da qaỹo'oxoren, qalaxaye so Saúl saishet da iqocha'a somayepi.

1 Samuel 3:7

Qaq so Samuel saxanaxa co'ollaxa da ỹauatton Ñim Nataxala', qataq saxanaxa da ỹauatton da lavilỹaxac Ñimaye.

Jueces 19:22

Qaq co'ollaq mashe ỹataqta machiguiñi da lquiyaqteỹaxac soomaye, nache anac so ỹalleppi 'etaxaloxoicpi maye lma' yemaye, nache coleesop co'ollaxa so nỹec maye lma' so ỹa'axaiquiolec, nache iuaxaatapegueua'a so lasom, qataq 'eetega, 'eeta': ¡Ña 'anpaxanec ca ỹale maye 'anamaxasoxoic, cha'aye sauoqtaique da qarauañi'!

Deuteronómio 13:13

da huo'otaq sa ỹalaxaguet Ñim Lo'onatac 'Enauacna, nache 'enapega ca laỹepi, 'eeta': Qolaq ñeqo'onaxa da ñatamnaqot ye laỹepi atamnaxala'pi, maye sa qauauañiỹapega,

1 Samuel 3:13

Mashe sa'aqtaxanem ñimaye da sauo'o qome ca nhuaxanaguec soua llalqa souaxat da lle'etaxaloxo, cha'aye ñimaye mashe ỹaỹateetac da soua llalqa ỹataqta qauem na aỹem ỹasaxarelec la'aqtaqa qalaq saishet da nhuogaxalo.

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Ezequiel 22:26

Qaq na ltaxaỹaxanaxanecpi qalaq ỹashaxaarec naua ỹapaxaguenataxanaxaco, qataq nshepaxanaqchet nam ỹalamaxat ndaqa'pi maye sa qaishetapec, qataq saishet da ỹataqta naqa'en nam saqaishetapec qataq nam nshepaxan, qataq saishet da ỹapaxaguen ca lỹa da yaqto' ỹauatton ca qui'itta qataq ca nshepaxan. Qataq saishet da qochetega ye na'a'q mataxaqui maye ỹalamaxat, qataq saishet da Aỹem ỹo'oxoren.

Deuteronómio 13:14

qaq nache qauchemaxachiỹaique qome camaye. Qanmichiỹaique nache qaunache, qaq da ỹoqta 'eesa da ỹo'ottac cam qaiqaiga maye qami' huetanguilo,