1 Samuel 2:11 - La'aqtaqa Ñim Lo'onatac 'Enauacna 2013

¹¹ Qaq co'ollaq ime de'era, nache so Elcana ỹe'eguelaxa so lma' ye Ramá. Qaq som nogotolec, qalaq nache no'onañi da yaqto' do'onataxanot Ñim Nataxala', qalaxaye nache ilotague' somaye so ntaxaỹaxanaxanec Elí.

Toba del Oeste

¹¹ Yem qama'le Elcaná 'viyelaĝague di'me 'lachaqa' jo'ne Ramá, qalaĝaja ñe'me notolec Samuel ue'tedi qa'a male t'onataĝaneuo'o ñe'me Jaliaĝanec, qaedi ñe'me tamenaĝaiqui lo'o Elí yapaĝaguen.

1 Samuel 2:11 Referans Kwoze

1 Samuel 3:1

Qaq so nsoqolec Samuel, nache queto'ot co'ollaxa da do'onataxaatacot Ñim Nataxala', qaq so Elí ilotague' somaye. Qaq se'esoua vi'iye saishet da ỹa'atta'a't da qaỹa'aqtega ca la'aqtac Ñim Nataxala', qataq qaica ca ỹanem da huo'o ca lauanaqchec.

1 Samuel 2:18

Qaq se'eso nsoqolec Samuel, somaye nache queto'ot da do'onataxaatacot Ñim Nataxala', ỹaatañi naxa so efod maye chegaqaigui na lino.

1 Samuel 1:28

Qaq aỹem ñanac cha'aye maiche iuennataxa co'ollaxa da sanot namaye Ñim Nataxala', da yaqto' nache 'eetai' naua na'axa'te da do'onataxaatacot Ñimaye.» Nache so Elí ỹa'alyiñi naua l-llecte da nqouagaxaunot Ñim Nataxala'.

1 Samuel 3:15

Qaq co'ollaq ime de'era, nache so Samuel ỹe'eguelaxañi da nnaañi, nache ivitta'a so mashe yo'oxoñi nache ñisheguem, nache ỹauatoiguilo soua laso'omi aso atamnaxaqui, qalaxaye saishet da da'aqtaxanem so Elí som lauanaqchec somaye.

1 Samuel 1:19

Qaq so lỹa na'a'q nache no'ottrashegue'm, qaq co'ollaq ime da nqouagaxaueetracot Ñim Nataxala', nache ỹe'eguelaxara so lma't yem Ramá. Ime, nache so Elcana qaltaq lauatapiguiñi' aso lhua Ana, nache Ñim Nataxala' tachigui lauel da lashelaxanaxac asomaye.

1 Samuel 1:1

Qaq se'eso nma' maye huaigui aye qasoxonaxapi ye Efraín, le'enaxat Ramá, nache netaña co'ollaxa so ỹale maye chegoxoguet so llalaqpi so Suf, qaq somaye le'enaxat Elcana. Somaye nache llalec so Jeroán qataq laual so Eliú. So lỹa lapi' co'ollaxa le'enaxat Tohu, som llalec so Suf, maye chegoxoguet som llalaqpi so Efraín.

1 Samuel 7:17

Qaq naxa da ime, nache ỹe'eguelaxa ye Ramá, yem naña so lma'. Qaq nache netaña yemaye da ilotague' so Israel le'ecpi. Qaq nataqa'en nache naña naqa'en yemaye aso nauaxaỹaxaasheguem nca'atoxonaxalate da yaqto' lalamaqte Ñim Nataxala'.