1 Samuel 2:10 - La'aqtaqa Ñim Lo'onatac 'Enauacna 2013

¹⁰ Ñim Nataxala' ilaxachigui qome na mpa'aguenaxauapi, nache chegoqo'ot naqa'en na piguem na nqashelgaxa da talec naqa'en namayepi. Ñim Nataxala' nmit qome 'enauac nam huetalec ana 'alhua, qataq ỹanem da la'añaxac ca nta'a maye lca'aguishec, qataq nquictasheguem naqa'en da la'añaxac.»

Toba del Oeste

¹⁰ Ñe'me Jaliaĝanec yolaĝachiguilo jogaa'me laute'upi: chiyoĝogue di'me piyem joda'me ne'uaĝa'ñalo jogaa'me. Ñe'me Jaliaĝanec naloqoten yema joga'me aleua laje'pi; yanem da'me lañoqotaĝanaĝac joga'me jaliaĝanec jo'ne mach'e liquiyac nataq'aen en nichiquetaye da'me lañoqotaĝanaĝac.»

1 Samuel 2:10 Referans Kwoze

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Salmos 89:24

Qaq da ỹauotaxanaqtaic ñimaye, nache 'eetai' qome da hueta'aguet ñaqa'en, qataq chegoqchigui da ỹe'enaxat da nquictauec da la'añaxac.

Salmos 96:13

Qauo'onaxañiitac qome cha'aye mashe anacta Ñim Nataxala', Ñimaye mashe anacta da nmit qome ana 'alhua, nache irolec da nalochiguiñi lataxac da nmit ana 'alhua, qataq da 'eesa lataxac da yaqto' nmit na nhuo' le'ecpi.

Éxodo 15:6

'Am Nataxala', na 'oiguishec 'arhuaq ỹataqta 'añaxaic, qataq qaica ca ỹaqalanapec, nachena na ilaxachigui so 'ampa'aguenaxauapi.

Salmos 98:9

qataq do'onaxaato'ot Ñim Nataxala', cha'aye mashe anac da nmit ana 'alhua, irolec qome da nalochiguiñi lataxac qataq ỹaỹamaqchiguiñi lataxac da nmit na nhuo' le'ecpi.

Salmos 20:6

Nagui aỹem saỹateeta da Ñim Nataxala' dauegaxan naqa'en so lca'aguishec nta'a, qataq huaña ye qui'itta lma' na piguem da ỹasateguet, qataq ỹauota'a da lta'araic la'añaxac da dauegaxan naqa'en.

1 Samuel 7:10

Qaq so Samuel co'ollaq ñaq ỹavigaxattac aso lachetaqtaxanaqte, nache som filisteopi nqo'ona da iloquiaxan so Israel le'ecpi, nache Ñim Nataxala' ỹauo'o so lta'araic nllimiaxa ỹaneguet somayepi, nache ñi'i naqa'en, qaq 'era da 'eetec so Israel le'ecpi da loxonec somayepi.

Lucas 19:27

Qaq nam aỹem ipa'agueetacpi maye sa ỹaỹamaxaren da aỹem lta'a, qalaq qanaviquiiua'a aỹem. Ime, qaq qaualauache.»

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Eclesiastés 12:14

Cha'aye Ñim Lo'onatac 'Enauacna nmit qome 'enauac nam no'onatacpi, nam 'onaxaic qataq nam qauem, qataq ivira'a cam qoỹoxottañi da qaỹo'ot.

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Salmos 45:7

'Am ỹataqta 'auauotec da no'on, qalaxaye 'auaỹemec da qauem. Qaq ỹoqo'oye 'am lca'ateua'a Ñim Lo'onatac 'Enauacna, Ñim 'Anatamnaxala', da 'am talec naqa'en da 'antonaxac, qaq saq 'ena'am na 'araỹepi.

Salmos 21:1

'Am Nataxala', ñi nta'a ỹataqta machiguiñi cha'aye 'aỹa'anem da la'añaxac, ñimaye ỹataqta ntootapigui' cha'aye 'aỹa'anem da loxonaxanaxac.

Salmos 2:6

«Mashe sogote da sauo'o ñi nta'a da ilo'ogue añi Sión, añim qui'itta ñeqasoxonaxa.»

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Jueces 5:31

¡Qaq 'era da 'eetec qom 'aulaxachigui 'am Nataxala', 'enauac na 'ampa'aguenaxauapi. Qalaxaye da la'añaxac nam 'am ỹauotec, qalaq 'ena'am na le'eraxa añi nala' da nnoxonec!» Qaq co'ollaq ime de'era, nache se'eso 'alhua huo'o da nlagaxayec inoxootrec soua cuarenta vi'iye.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Lucas 1:69

Ñimaye qomi' ỹanema cam ỹataqta 'añaxaic Nca'alaxaqui, chegoxoguet so nta'a David maye lamaxashec.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Isaías 45:24

nache, 'eeta': ‹Nacheñita Ñim Nataxala' hueto'ot da nauegaxanaxac qataq da na'añaxac. Qaq 'enauac nam Aỹem nquiỹatega, qane'eetapigui qome.

Isaías 32:1

Huo'o qome ca nta'a maye ỹataqta no'on da lo'onataxanaxac, qataq ca ltauapi nta'alpi maye nalochiguiñi qome da lo'onataxanaxac.

Salmos 148:14

Ñimaye ỹanem co'ollaxa da la'añaxac na lalamaxat nhuo' le'ecpi. Qaq ñaq ỹo'oxoren qome 'enauac na pe'etegapi Ñimaye, na Israel le'ecpi maye sa iỹotaique Ñimaye. ¡Qaỹo'oxoren qome Ñim Nataxala'!

Salmos 89:17

cha'aye camaye 'am ỹachegoxoto'ot da llo'oxoyec qataq da la'añaxac, qataq chegoqchigui da no'on 'arqouagaxanaqtaic da nquictauec da qara'añaxac.

Salmos 28:8

Ñim Nataxala' nacheñi ñi ỹo'ot da la'añaxac na lalamaxat nhuo' le'ecpi, nacheñi ñi detaunaxan qataq lca'alaxaqui na nta'a maye lca'aguishec.

Da na'aqtaguec so Job 40:9

¿Qalqo' 'aupi'itaxaatega da 'anapacalec da la'añaxac na ihuaq? ¿Peta'a ỹalachiguilo naqa'en naua 'ara'aqtaqa da 'eeta'am aỹem?

2 Samuel 22:14

«Ñim Nataxala' ỹataqta ỹalachiguilo naua la'aqtaqa Ñim Nataỹaña 'enauacna, ỹo'ot da qaỹa'axaỹa naqa'en da lavilỹaxac maye chemaqot na piguem.

2 Samuel 7:13

Nache camaye nacheca qome ca no'oxoosheguem que'eca nỹec da yaqto' huaña da Aỹem qanatamnot, qaq camaye sanagui da nache 'eetai' qome da nta'a.

2 Samuel 7:8

Ỹoqo'oye qonapega qome ñi ỹamaxashec David, da Aỹem Nataxala' maye Qaica ca Seqalanapec, da ỹa'aqtac 'eeta': ‹Aỹem, 'am sachegoxottelec co'ollaxa aso nlo qaguetapi maye 'aulotague', da yaqto' 'am sanagui da lataxala' ñaqa'en na ỹalamaxat nhuo' Israel le'ecpi,

1 Samuel 16:1

Nache Ñim Nataxala' 'enapego' so Samuel, 'eeta': ¿Chaq laguio', qaq 'axaañi da 'araquicoxo souaxat so Saúl? Ye aỹem mashe sa saỹamaxaren somaye da queta da lta'a na Israel le'ecpi. Ña qoñisheguem qome, nache 'auỹoxogui aca huaca lcoue ca 'arcoraxanaxat aceite, nache qojec da 'anqo'ona ye lma' ñi Yesé, maye naña ye Belén, cha'aye mashe lleca'aguishec ñi 'oonolec soua llalqa da yaqto' lta'a na Israel le'ecpi.

1 Samuel 15:28

Nache so Samuel 'enapego' so Saúl, 'eeta': De'era qonetec nagui, nachera da 'eetec Ñim Nataxala' da ncolaxatauec nagui da 'aro'onataxanaxac da 'am lta'a na Israel le'ecpi. Qaq de'era 'aro'onataxanaxac nqat, da yaqto' ỹanem ca 'oonolec na maiche 'arhuo' le'ecpi, cam ỹataqta 'onaxaic da lataxac, saq 'ena'am da qoneta.

1 Samuel 12:18

Nache se'eso na'a'q so Samuel, iỹaxanot Ñim Nataxala', nache Ñimaye namaq so nalataxa qataq so auot, nache 'enauac so shiỹaxauapi ỹataqta qalota da lcolanaxa Ñim Nataxala' qataq so Samuel.

1 Samuel 12:13

Qalaxaye 'iñi nagui ñi nta'a maye qarca'aguishiqui. Ñim Nataxala' qami' ỹanema ñim qauỹaxañiỹaique co'ollaxa.

1 Samuel 12:3

qaq nagui soota'a ne'ena, qalaq da huo'o co'ollaxa ca secachiỹa ca lauegaxanaxala' huaca, huo'otaq 'ashena, huo'otaq da huo'o co'ollaxa ca huetaiya' ñaqa'en, huo'otaq da huo'o ca aỹem isheeten da yaqto' so'ot ca 'eetapeguec sa ỹaỹamaxañi lataxac, nache nagui qaua'axache cam ỹasouaxashet, ỹauaachigui qanqa'eñi Ñim Nataxala', qataq ñi nta'a maye lca'aguishec Ñimaye, yaqto' aỹem sesheeten qome aca ỹavigaxaiste.

Isaías 29:6

da 'am naỹa, nactaigui ca nalataxa, qataq ca lacholaxanaxa na 'alhua, qataq ca lta'araic nllimiaxa, qataq nactaigui ca la'at maye qaica ca iren, qataq cam dalaataxanapec le'eraxa ca norec.

Ezequiel 29:21

Qaq que'eca, na'a'q, Aỹem so'ot qome da nquiguec da la'añaxac na nhuo' Israel le'ecpi, nache 'am Ezequiel, 'am huesochiguiñi qom 'autaqtacot namayepi. Qaq huaña qome nache namayepi ỹaỹaten da Aỹem nachaỹem Nataxala'.»

1 Samuel 12:17

Qaq ye qami' qauaỹachiñi da nagui, laloxoqui da qanqat na ala na trigo, qaq saishet da laloxoqui' naua auo'oche. Qalaxaye aỹem seỹaxanot qome Ñim Nataxala', nache Ñimaye namaq qome ca nalataxa qataq ca auot, yaqto' qami' qauauattoñiita qataq qauaỹaañiita, da ỹataqta ỹauaachigui Ñim Nataxala' da qauem da qauo'oche co'ollaq qauỹaxañiỹaique ca qarta'ai.

Salmos 20:7

Huo'o na pe'etega ana nnotaxaqui maye nalaataxaqui, qataq huo'o na pe'etega na lalo caipi, qomi' qalaxaye sepia'aqtega Ñim Nataxala' maye Qanatamnaxala'.

Salmos 89:25

Qataq sanem da la'añaxac da ilo'ogue aso auaxai, qataq da ilo'ogue na talapi.

Salmos 132:17

Huaña, nache ñaxatec ñaqa'en da la'añaxac so David, qataq se'eraxatoigui qome añi lcoỹaraxanaxaqui, so nta'a maye lleca'aguishec.