1 Samuel 2:1 - La'aqtaqa Ñim Lo'onatac 'Enauacna 2013

¹ Qaq aso Ana ỹo'on da lo'onec maye, 'eeta': «'Am Nataxala', ỹataqta machiguiñi 'anqa'en da iquiyaqteỹaxac, cha'aye aỹem 'aỹa'anem da dalaxaic ỹa'añaxac. Qaq nagui aỹem ishet da sapogui na alap nam aỹem ipa'agueetacpi, cha'aye aỹem 'autauan. ¡Qaq aỹem ỹataqta samachiguiñi!

Toba del Oeste

¹ Qama'le Ana eetac da'me netamen: «Jaliaĝanec, yataqata am 'ñonaĝachigui, qa'a auadalaĝat joda'me 'yañaĝac. Male jetapegalo gaa'me yaute'upi, qa'a jayem alecochiya: ¡yataqata jayem matac!

1 Samuel 2:1 Referans Kwoze

Salmos 13:5

Aỹem ỹataqta sepi'iỹa'a da 'arsoxoyec, qataq da iquiyaqteỹaxac machiguiñi souaxat da aỹem 'anca'alaxatec.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

Salmos 92:10

Qalaxaye 'am, 'anquigaxattauec qome da ỹa'añaxac sheeta'am ca huaca no'onaxa le'ec, qataq aỹem 'aucorelec ca 'arcoraxanaxat maye ỹataqta no'on da laitaỹaxac.

Salmos 89:17

cha'aye camaye 'am ỹachegoxoto'ot da llo'oxoyec qataq da la'añaxac, qataq chegoqchigui da no'on 'arqouagaxanaqtaic da nquictauec da qara'añaxac.

Filipenses 4:4

Qaq ỹataqta qantoñiitapeguec So Qarataxala' 'enauaque naua na'axa'te. Qaq de'era ỹa'aqtac ỹataqta she'eguelaxattalec da ỹataqta qantoñiitapigui' qome.

Salmos 20:5

Nache so'otaq ca qantonaxac souaxat da 'oxonaxanaxac, qataq ñauaxaỹaxanaxasheguem aca qara'anaxanaqte, souaxat da le'enaxat Ñim Qanatamnaxala'. Qaq Ñim Nataxala' 'am ỹanem qome 'enauac ca 'auỹaxaataique.

Salmos 9:14

Yaqto' da huaña ñi lasom ye Jerusalén, nache sa'axattac qome da 'año'oxonnataguec, cha'aye samachiguiñi souaxat da aỹem 'anca'alaxatec.

Salmos 35:9

Huaña nache samachiguiñi souaxat Ñim Nataxala', qataq ñetootapeguec da lca'alaqtaxanaxac Ñimaye.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Romanos 5:11

Nataqa'en Ñim Lo'onatac 'Enauacna qomi' ỹo'oteque da lta'araic da qaramaicỹaxac, cha'aye mashe souaqtaigui da nlagaxayec da sonaqto'ot Ñimaye, chegoqchigui So Qarataxala' Jesucristo.

Habacuc 3:18

qalaq ñaqaiyeta aỹem sho'oxoreetac qome Ñim Nataxala', qataq sho'oxoreetac Ñim Lo'onatac 'Enauacna maye ica'alaxaqui.

Salmos 118:14

Qaq ỹoqo'oye aỹem so'onaxaato'ot Ñim Nataxala', cha'aye Ñimaye ỹauo'o da ỹa'añaxac qataq nacheñi ñi ica'alaxaqui.

Salmos 89:24

Qaq da ỹauotaxanaqtaic ñimaye, nache 'eetai' qome da hueta'aguet ñaqa'en, qataq chegoqchigui da ỹe'enaxat da nquictauec da la'añaxac.

Éxodo 15:21

Nache aso María do'onaxan, 'eeta': «Qauo'onaxañi, qavio'oxoyiñi Ñim Nataxala', Ñim ỹo'oxoraic maye dauegaxan, Ñim iyiiñi naqa'en aso naigonapi qataq so caipi qataq som netalecpi somayepi».

Éxodo 15:1

Nache so Moisés qataq so Israel le'ecpi, ỹo'on so no'onec da yaqto' qaỹo'oxoren Ñim Nataxala', 'eeta': «Aỹem so'onaxan, sho'oxoren Ñim Nataxala', cha'aye huo'o da llo'oxoyec souaxat da dauegaxan, cha'aye iyiiñi naqa'en so caipi qataq som netalecpi, huangui naqa'en aso auaxai.

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

Salmos 51:15

'Am Nataxala', ña 'auauachigui na aỹap, yaqto' ishet da so'onaxan da 'am sa'axatec.

Salmos 18:2

'Am, aỹem 'ampaxattalec qoneta'am aca coma' maye ỹe'eguenaxaqui, nache 'am, aỹem 'antela'a qataq aỹem 'anca'alaxattauec, 'am, maye nache 'am ipaqtaxanaxat, qataq ñeqañoxotaqa' maye ỹataqta qaỹoqotcheguemec.

Habacuc 3:1

Qaq 'era da natamnaxac co'ollaxa so na'aqtaxanaxanec Habacuc.

Salmos 75:10

Cha'aye Ñimaye ilaxachigui qome da la'añaxac na qauemaicpi. Qalaxaye nquiguisheguem naqa'en da la'añaxac ca no'on da lataxac.

Salmos 71:8

Ỹoqo'oye 'enauac ye na'a'q da 'am sho'oxoreetac, qataq da sa'axattac da 'ayo'oxoyec.

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Lucas 1:69

Ñimaye qomi' ỹanema cam ỹataqta 'añaxaic Nca'alaxaqui, chegoxoguet so nta'a David maye lamaxashec.

Nehemías 11:17

Qataq so Matanías, som llalec so Micaía, maye chegoxoguet so Zabdi, qataq so Asaf, som lataxala' so no'onaxanaxanecpi maye ỹo'ottac naxa da ño'oxonnataxanaxac, qataq da qoỹan da 'achecỹaxac da ivita ye laloqo' da atamnaxac. Qataq so Bacbuquías, som lỹa lqaỹa somayepi, qataq so Abda maye chegoxogueta soua: Samúa, Galal, qataq Jedutún.

Deuteronómio 33:17

Qaq da lyacỹaxac so José qalaq 'eeta'am ca la'auaxanec llalec ca huaca, qataq da la'añaxac 'eeta'am da la'añaxac naua lcoue ca no'onaxa le'ec huaca, qaq nache iroleguete qome da decanaxangui na ỹotta'a't shiỹaxauapi, ivitta'a naqa'en naua qaỹoqtalo 'aleu'. Qaq namayepi nachena na qalota llalaqpi so Efraín, qataq na qalota llalaqpi so Manasés.»

Da na'aqtaguec so Job 16:15

Aỹem nlaqchigui da ỹaquicoxo, nache saayiñi soua aỹogo ỹasouaxaqui', nache sa'areguet na ỹaqaic na 'alhua.

Salmos 148:14

Ñimaye ỹanem co'ollaxa da la'añaxac na lalamaxat nhuo' le'ecpi. Qaq ñaq ỹo'oxoren qome 'enauac na pe'etegapi Ñimaye, na Israel le'ecpi maye sa iỹotaique Ñimaye. ¡Qaỹo'oxoren qome Ñim Nataxala'!

1 Samuel 1:6

Ỹoqo'oye asom Peniná, maye lasaxaua, ỹataqta saq ỹaxanapec, qataq ỹe'eetac ivitta'a da inogoqchet, cha'aye Ñim Nataxala' saq ỹanem da lco'oxoc asomaye.

1 Samuel 1:7

Qaq nache 'enauaque soua vi'iye da nache 'eeta'ac de'era aso Peniná, da ỹe'eetac aso Ana naxa da somayepi taua'a aso atamnaxaqui maye lalamaqte Ñim Nataxala', ỹoqo'oye aso Ana ỹataqta nỹeetac naxa, nache saishet da deque'e.

2 Crónicas 20:27

Qaq ime co'ollaxa nache 'enauac so shiỹaxauapi maye lma' ye Judá, qataq ye Jerusalén, datalec so Josafat da ỹe'eguelaxa ye Jerusalén, qaq ỹataqta ỹa'amaqchiguiñi cha'aye Ñim Nataxala' ỹanem somayepi da ntonaxac, souaxat da huesoueeguesop so npa'aguenaxauapi.

Salmos 21:2

'Am 'aupacchigui da 'aỹa'anem na 'eetapeguecpi da lquiyaqteỹaxac, qataq saishet da 'aullapeguem na iỹaxanaiquepi.

Salmos 89:18

'Am Nataxala', nache 'am qarpaqtaxanaxat, qataq nache 'am qarta'a, 'am qui'itta Natamnaxala' na Israel le'ecpi.