1 Samuel 19:4 - La'aqtaqa Ñim Lo'onatac 'Enauacna 2013

⁴ Qaq so lỹa na'a'q, nache so Jonatán denataxaateguelec so David. Nache inattac so lta'a Saúl, 'eeta': «'Am ita'a, 'onaxaictaxa da saishet da 'auo'otec ca qauem so 'aro'onataxanaxanec David, cha'aye somaye qaica da qauem ca 'am ỹo'otec, nacherata da ỹataqta no'on na 'am ỹo'otecpi,

Toba del Oeste

⁴ Nete' laqaya qama'le Jonatán dojapegue' ñe'me let'a queda'me David naqaeñe lalemaĝajet jo'ne yataqachiñe onaĝaic ga'me ya'uo ca'li, qama'le yitaĝa noqotenegue ga'me 'laqatac: «Am jaliaĝanec, ena'te aua'uo ga'me adaviyaĝajet da'me anautena ñe'me adalemaĝajet David, qa'a joñe'me qaya'te ya'uo ta'le ja no'en, ta'le am nautena, maq joda'me yema joga'me ya'uo mach'e liyamaĝac da'me adejaliaĝa.

1 Samuel 19:4 Referans Kwoze

Jeremías 18:20

¿Peta'a iuen da qaisheetenaxana ca qauem da qaisheeten ca no'on? ¡Namayepi co'ollaxa nshe' añi ñeuachiqui! Ña 'auennata'a da 'am sataỹa'aguet co'ollaxa da setaqteguelec namayepi da yaqto' 'anqateeguesop namayepi da 'aralemataic.

Génesis 42:22

Nache so Rubén 'enapeco': «Aỹem qami' sheetegalo mque' caillaye da saishet da huo'o ca qoñiỹa'ac so nsoqolec, qalaxaye qami' saishet da aỹem qaualaqaiguet. Qaq nagui iuen da qomi' sesheetenaq da l-leuaxa somaye.»

Proverbios 17:13

Ca ỹan ca qauem da nmeneguet naqa'en ca no'on, camaye saishet da ca'ai ca lma' da qauem.

1 Samuel 20:32

Qalaxaye so Jonatán 'enapeco': ¿Ta'ainco' da qaỹalauat? ¿Negue'to' ca ỹo'ot saỹaỹamaxañi somaye?

Salmos 35:12

Namayepi so'otec co'ollaxa da no'on qalaxaye namayepi aỹem ỹo'otec da qauem, qaq damaye ỹataqta huo'o naqa'en da ỹaquicoxo.

1 Samuel 22:14

Nache so Ajimélec ỹasateguet so nta'a 'eeta': Ne'ena 'aramaxashecpi, ¿peta'a huo'o ca 'eeta'am da lataxac so David da ỹataqta 'am ỹalaxaguet? Qataq somaye saishet da nda'a't da 'araronaxanec, cha'aye nataqa'en lataxala' nam alleppi maye 'am nauaatalec, qataq huo'o da 'enec da hueta'a ñi nma' lta'araic.

1 Corintios 8:12

Qaq da nache qoñiitec de'era, nache qauque'emaqchichi da ntoonaxac ca qarqaỹa maye saxanaxa da da'añi da lpi'iỹaxac, qataq nacheso So Cristo qauque'emaqchichi.

2 Crónicas 6:22

Qaq da huo'otaq huo'o ca hueto'ot ca lasouaxashet ca lỹa, nache da qaỹamaxalec da naua'a añi nca'atoxonaxalate maye naña ana atamnaxaqui da ỹan ca la'aqtac,

1 Samuel 2:25

Ca shiỹaxaua da nasouaxata'ai' ca lỹa, nache huo'o nam aloico lo'opi da nmit camaye, qalaxaye ca shiỹaxaua da nacheñi Ñim Nataxala' da hueto'ot ca lasouaxashet, ¿qaq negue't ca iueelec camaye?» Qalaxaye soomaye saishet co'ollaxa da ỹoqochetrega da la'aqtac so lta'a. Qaq ỹoqo'oye Ñim Nataxala' taỹa'a naqa'en da nqat da nachaalataxa'c soomaye.

Génesis 9:6

Da huo'otaq huo'o ca ỹalauat ca lỹa shiỹaxaua, nache ca lỹa shiỹaxaua ỹalauat qome camaye, cha'aye co'ollaq qaỹo'ot so shiỹaxaua, nache 'eeta'am qanqa'en da lataxac Ñim Lo'onatac 'Enauacna.

1 Juan 3:15

Da qami' qanquiỹaita'a't, nache qami' laataxanaxaiqa. Qaq mashe qauaỹachiñi da qaica ca laataxanaxaic da inoxoneua'a da nca'alaxa maye chochaq tatec.

Salmos 59:4

Qaq namayepi iỹalatapigui' da anac da aỹem iloquiaxan, qamaq qaica ca so'ot saỹaỹamaxañi. Ñaq 'anlouec, nache aỹem 'auanaỹa da yaqto' 'auauaachigui de'era.