1 Samuel 17:4 - La'aqtaqa Ñim Lo'onatac 'Enauacna 2013

⁴ Qaq huaña nache chegoqtoigui so alleppi filisteopi so 'oonolec alaataxaic, qaq somaye ivi' tres metros ye lalogaxa. Somaye le'enaxat da Goliat, qataq lma' ye Gat.

Toba del Oeste

⁴ Gaa'me nalada't lo'olpi jo'ne filisteopi noqoiquichiñe, qama'le chiyaqauelo ñe'me nalada't lo'o lenaĝat Goliat jo'ne yataqachiñe loguedaic, nalo'taguet gaa'me tres metros, jo'ne 'lachaqa' di'me Gat.

1 Samuel 17:4 Referans Kwoze

Josué 11:22

Qaq ỹoqo'oye ỹataqta qaica ca no'onalec da netalec yem na'alhuapi so Israel le'ecpi som chegoxoguetpi so shiỹaxaua logoraic le'enaxat Anac. Qaq nacheyeta ye Gaza, qataq ye Gat, qataq ye Asdod da huo'o na no'onalec somayepi.

1 Samuel 17:23

Qaq co'ollaq ña detaqtegueto soomaye, nache so alaataxaic filisteo maye le'enaxat Goliat, somaye nnoxonec, chegoqtoigui so laỹepi filisteopi. Nache qaltaq ỹe'eguelaxalec da inogoqchettac so Israel le'ecpi ỹe'enaxatchigui dam 'eeta'ac naxa so lỹa na'a'q. Nache so David hua'aqchigui somaye.

1 Crónicas 11:23

Nataqa'en ỹalauat so Egipto le'ec maye napactelec ye dos metros ye lalogaxa, somaye nasoqta'a aso lataquiaxai maye locta'am ye lalogaxa na lpataxasoxot na no'oxonec. Qaq so Benaías, irota'a so 'epaq da iloquiaxan somaye, nache deuotaxanec aso taquiaxai maye nasoqta'a so Egipto le'ec, nache ira'a da ỹalauat somaye.

1 Samuel 27:4

Qaq so Saúl co'ollaq la'axaỹaxac da so David naneltaxana ye Gat, nache ỹaxaañi da icaatac.

Deuteronómio 3:11

Qaq se'eso nta'a Og, somaye nacheso so pa'atec som logoraicpi, so lmala' lcat qalaq ivi' cuatro metros ye lalogaxa, qaq ye lcategue qalaq ivi' dos metros. Qaq se'eso mala' ñaq 'eetalec nagui da qaimeteetac huetaña ye Rabá maye lma' so amoniitapi.

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

1 Samuel 17:3

So filisteopi hueto'ot na loigue añi qasoxonaxa, qaq so Israel le'ecpi qalaq hueta'atague da le'ego, qaq so ca'amegue vichiguingui na laiñi.

1 Samuel 17:5

Qaq somaye ỹaatañi co'ollaxa aso naro'o lcat bronce, qataq so nhuomaigui lpaqtaxat ana ltogue maye chegaqaigui nataqa'en na bronce, maye ivi' cincuenta y cinco kilos.