1 Samuel 16:2 - La'aqtaqa Ñim Lo'onatac 'Enauacna 2013

² Nache so Samuel, 'enapeco': ¿Qaq ca sheeteco' da ñeqo'ona? Cha'aye ñi Saúl qom ỹaỹaten de'era nache aỹem ỹalauat qome. Nache Ñim Nataxala', 'enapeco': Qomye 'auaconeua'a aca huaca llale, nache 'aua'aqtaxanem ñimaye da qojec da yaqto' aỹem 'aỹa'anot acamaye da 'arachetaqtaxanaqte.

Toba del Oeste

² Qama'le Samuel yenat: «¡Yataqachiñe ja jaqanatet ta'le ja'uo da'me dojo'! Qom noma'a ñe'me Saúl, qama'le jayem yalat jaĝa'te.» Ñe'me Jaliaĝanec 'yateguet: «Auauec jaga'me uaca c'oqote qama'le a'uaqataĝanem queda'me jetaque aua'uo ga'me adajaqajec jo'ne jayem auanem.

1 Samuel 16:2 Referans Kwoze

1 Samuel 9:12

Nache asomayepi, 'enapeco': «Aja', qalaxaye ña qaỹatasheguema ye naña. Qalaxaye qauỹalliỹapigui' qome, cha'aye camaxa netaña ye huaqta'a't nỹecpi, cha'aye nagui laloxoqui da qoỹaneuo aca nachetaqtaxanaxatpi, huaña ye qaỹoqotcheguema atamnaqa'.

1 Samuel 20:29

Nache somaye 'eeta': 'Am ñachoxonnot da aỹem 'auasheeta da ashec, cha'aye ca ihuo' le'ecpi ỹavigaxat aca lachetaqtaxanaqte huaña ye Belén, qataq ca ỹaqaỹa aỹem 'enapega da salectauo. Nache aỹem sasheetec da jec somaye, ỹoqo'oye saishet da anac nagui da 'am lquia'axaua.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Lucas 1:34

Nache aso María inat so namaxashec, 'eeta': –¿Chaq hua'ague ca 'eetec ca lataxac de'era ye aỹem saxanaxa da saron?

Éxodo 3:11

Qalaxaye so Moisés 'enapego' Ñim Lo'onatac 'Enauacna, 'eeta': «¿Negue't aỹem, da yaqto' ñachaateua'a ñi faraón da yaqto' ñeqateeguesop ye Egipto ye Israel llalaqpi?»

1 Samuel 16:3

Huaña qome nache 'aucoyeguen ñi Yesé, da yaqto' ỹalectaua'a aca 'arachetaqtaxanaqte, huaña nache 'am sa'aqtaxanem qome cam 'auo'ot. Qataq 'aucorelec da nta'a qome que'eca shecteua'a.