1 Samuel 15:3 - La'aqtaqa Ñim Lo'onatac 'Enauacna 2013

³ Qaq ỹoqo'oye nagui 'anqo'ona yemayepi, nache saishet da 'auchoxoreetac da 'auloquiaxan, nache ỹataqta 'anmatchiguiñi qome da 'aualauat 'enauac ye ỹalleppi, 'alpi, ñaqpiolec, qataq na cheta'ague da ñiguiñi, qataq aye huacapi, qaguetapi, cameellopi qataq 'ashenapi.»

Toba del Oeste

³ Chane'eja auec'atalo qama'le anomachichidiñe gaa'me Amalec laje'. Ena'te avichoĝode'n gaa'me jiyaĝadipi, gaa'me yauodipi, gaa'me ñoqolqapi, chayovida'alo gaa'me yemta 'niyidiñe, nataq'aen gaa'me uacapi, gaa'me 'nanaĝatelpi, gaa'me camello choqogaa'me ajenadi nataq'aen ena'uac ga'me yauata.”»

1 Samuel 15:3 Referans Kwoze

Números 24:20

Qaq ime nache so Balaam ỹamata'a da pa'aigue so Amalec le'ecpi, nache 'eeta': «Ye Amalec le'ecpi, nacheye ye la'auaxanec da 'amaqtaqaicpi 'enauac na laỹe shiỹaxauapi, qalaxaye yemaye taỹa'a da ỹataqta nlachiguiñi qome.»

1 Samuel 22:19

Ime, qataq nqo'ona ye Nob, yem lma' so ntaxaỹaxanaxanecpi. Nache irolec so ỹeelonec da ỹalauat so ỹalleppi, 'alpi, ñaqpiolec qataq som cheta'ague da ñiguiñipi, qataq so huacapi nauegaxanaxala'pi, 'ashenapi, qataq aso qaguetapi.

Números 31:17

Qaq ỹoqo'oye nagui qaualauache 'enauac na ñaqpiolec, qataq na 'alpi maye mashe ỹauana ca ỹale.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Génesis 36:12

Qaq so Elifaz, huo'o aso ỹaqauga lhua lỹa le'enaxat Timna, qaq asomaye nache late'e so Amalec. Qaq 'esoua soua chegoxogueta aso Ada, maye lhua lỹa so Esaú.

Éxodo 17:14

Nache Ñim Nataxala' 'enapega so Moisés, 'eeta': «'Erelec qome aca nere de'era, yaqto' saishet da qaicoua'ai. Ime, nache hua'aqchigui 'anqa'en ñi Josué, da aỹem imauec qome da sapalaxat da na'aqtaguec na amaleciitapi.»

1 Samuel 14:48

Qataq laỹona't co'ollaxa so nalleppi nache loxonec so Amalec, qaq 'era da 'eetec somaye da isoueeguesop so Israel le'ecpi so cachaxaicpi.

1 Samuel 15:9

Qalaxaye so Saúl qataq so nalleppi, nache nca'alaxattauec co'ollaxa so Agag, qataq saishet da ỹalauat aso ỹataqta 'onaxai qaguetapi, qataq so huacapi, qataq so chaxaraic huaca llalaqpi, qataq qagueta lhuaraicpi, qataq saishet da ilaxachigui so ỹataqta no'on nogoxoshetpi, ndotec so qaica ca naigui, qataq qaica ca la'amaqchec da ilaxachigui.

1 Samuel 15:18

Qaq Ñim Nataxala' da huo'otaq 'am ỹamaxalec co'ollaxa da 'anqo'ona da 'aulaxachigui se'eso 'etaxaloxoicpi amaleciitapi, qataq ỹataqta 'anmatchiguiñi da 'aualauat.

1 Samuel 27:9

Qaq so David naxa da iloquiaxan so netaña se'eso 'alhua, nache qaica ca nca'altauec naqa'en so ỹalleppi qataq so 'alpi. Qataq ỹaconeua'a aso qaguetapi, huacapi, 'ashenapi, qataq aso cameellopi, qataq so logoxot somayepi. Ime naxa nache ỹe'eguelaxa ye netaña so Aquis.

1 Samuel 30:17

Nache so mashe yo'oqoolec na 'alhua, nache so David iloquiaxan somayepi, nache ivitta'a so avit so lỹa na'a'q da iloquiaxaatac, qalaxaye cuatrocientos so nsoxoppi so ishet da nca'alec, cha'aye neleco' aso lalo cameellopi nache datauec.

2 Samuel 1:8

Nache somaye aỹem inat, 'eeta': ¿Negue't 'am? Nache aỹem sheeta': Qomye aỹem amaleciita.

Josué 10:39

nache irolec so ỹeelonec da ỹalauat 'enauac somayepi qataq so nta'a yemaye, nache ivira'a 'enauac so lauoreuapi. Nache qaica naqa'en ca no'onañi da nca'altauec so lma' ye Debir, nache ỹataqta 'enauac da nmatchiguiñi, 'eeta'am da 'eetec naqa'en co'ollaxa ye Hebrón, qataq ye Libna qataq soua nta'al yeemaye.